Thread by @aviuv

#कविता #माझाक्लिक

सगळ्याच खिडक्यांना मिळत नाय दान पुस्तकांचं
पानकळ्यात त्यांना मिळतो ट्रंकेचा कोपरा
चहाचा निवेद खिडक्यांना मकबूल नसतोच काही
घासलेट च्या चिमणीन काही खिडक्या उजळतात पावसात(१)

पावसाचा गनिमी कावा दिसत नसतोय खिडकीतून
कधी तो तात्पर्य देतो माळाच्या झाडावर
सगळ्याच खिडक्या नाय दाखवत पान फुल
काही दाखवतात पावसाने तुंबलेली गटार संसाराने वाहिलेले नाले(२)

सगळ्याच खिडक्यातून दिसत नसतोय पाऊस
काही बंद कराव्या लागतात निळ्या ताडपत्रीन
चौकातून चोरून आणलेल्या बॅनरने
त्या खिडक्या गेट होतात गोमांचं झुरळांच
जित्याच ठिबक गोळा करणारी बादली
मग खाली करावी लागते वेळोवेळी मोरीत(३)

खिडक्यातून दिसणारा पाऊस कधीच नसतो खरा
कोणाचं आयुष्य फुलवल कोणाचं घुरकट
पावसाचं भूत भविष्य कळत नाय खिडकीतून
ते कळत चिखलात, स्टेशन च्या चौकात रानातल्या वावरात(४)
@arvindgj @mauliwrites @MarathiRT @rt_marathi