Thread by @jayahanuma

విష్ణుమూర్తే   4నెలలు ( చాతుర్మాసం)  నిద్ర పోతే ఇంక మనం చేసే పూజలు ఎవరికి??!!

నిన్న తొలి ఏకాదశి రోజు నుండి 4నెలలూ విష్ణువు నిద్రపోతాడు అందుకే దీన్ని "శయన ఏకాదశి" అని అంటారు అని తెలుసుకున్నాం.బ్రహ్మ సృష్టి ,విష్ణువు స్థితి,శివుడు లయ కారకులు ఐతే,మరి స్థితికర్త ఐన విష్ణువు తన పని

చెయ్యకుండా నిద్ర పోవచ్చా??ఆయనే 4నెలలు పడుకుంటే, మనం మాత్రం ఎందుకు చెయ్యాలి పనులు/పూజలు??అసలే వర్షాకాలం,చలికాలం కదా ఈ 4 నెలలు, మనం కూడా విష్ణువు లాగే నిద్రపోతే బావుంటుంది కదా??ఇలాంటి ప్రశ్నలు  విన్నారా?? వాటికి సమాధానం ఏంటో తెలుసుకుందాం.

1)#కాలమానం లో తేడాలు.4నెలలు అనేది మన లెక్కల ప్రకారం.పితృదేవతల కాలం మన కంటే 30రెట్లు ఎక్కువ.
అంటే మనకి 15రోజులు (ఒక పక్షం)పితృదేవతలకి ఒక రోజులో సగం.
మనకి శుక్ల పక్షం 15 రోజులు, పితృదేవతలకి పగలూ,కృష్ణ పక్షం 15 రోజులు వారికి రాత్రి అవుతుంది.
పితృదేవతల కాలమానం కంటే దేవతల కాలమానం

12రెట్లు అధికంగా ఉంటుంది. అంటే మనకి ఒక సంవత్సరం కాలం అంటే దేవతలకి ఒక రోజు (6నెలలు పగలు,6నెలలు రాత్రి)

ఇప్పుడు ఈ 4నెలల సంగతికొస్తే  ఆషాఢ శుద్ధ ఏకాదశి నుంచి కార్తీక శుద్ధ ఏకాదశి వరకూ కదా.అంటే అది సరిగ్గా పగలు రాత్రి మధ్య వస్తుంది. ఇక్కడ మనం జనవరి నుంచి 6నెలలు లెక్కలు వెయ్యకూడదు.

చైత్ర,వైసాఖ,జేష్ఠ, ఆషాఢ నుంచి మొదలై శ్రావణ,భాద్రపద, ఆశ్వీయుజ,కార్తీక వరకూ ఉన్నట్లు.అంటే 4,5,6,7thనెలలు. మనకి సంవత్సరం మధ్యలో , దేవతలకు రోజు మధ్యలో వచ్చినట్లు అయ్యింది.
స్థితికర్త ఐన విష్ణువు భోజనం తర్వాత తీసే చిన్న కునుకు లాంటిది ఈ 4నెలలు!!మనకి తెలుసు మధ్యాహ్న నిద్ర రాత్రి నిద్ర

అంత గాఢంగా ఉండదు.చుట్టు పక్కల ఏం జరుగుతోందో లీలగా తెలుస్తూ ఉంటుంది.అవసరం ఐతే మెలకువ వచ్చేస్తుంది.
శ్రీహరి నిద్ర కూడా అలాంటి యోగనిద్ర మాత్రమే.కనులు మూసినట్లు ఉన్నా,అన్నీ గమనిస్తూ ఉంటాడు.ఇప్పుడు మళ్ళీ ఇంకో సందేహం వస్తుంది మనకి ఈ 4 నెలలు మధ్యాహ్న నిద్ర ఐతే ఆఖరి 4నెలలు రాత్రి నిద్ర

లాగా పోతాడా,అప్పుడు ప్రళయం రాదా అని.
ప్రళయం అనేదానికి విష్ణువు నిద్రతో సంబంధం ఉండదు. బ్రహ్మ దేవుడు సృష్టి చేసీచేసీ అలిసిపోయి కన్నులు మూసుకుంటే అప్పుడు వస్తుంది.అది ఎప్పుడూ అంటే  4యుగాలు(కృత,త్రేతా,ద్వాపర,కలి యుగాలు)అయ్యాక.
కాబట్టి విష్ణువు పడుకుంటాడు అంటే నిజంగా నిద్రపోతాడు అని

కాదు అర్థం.కొద్ది సేపు విశ్రాంతి లాంటిది ఈ 4నెలలు.

2)ఇక ఈ 4నెలలు పూజలు,ఉపవాసాలు ఎందుకు?
అంటే మన కోసమే!!!
విష్ణువు అంటే సర్వవ్యాపి కాబట్టి అది సూర్యనారాయణ మూర్తి అని అంతర్లీనంగా ఒక అర్థం.అంటే ఇది సూర్యుడి గమనానికి సంబంధించిన విషయం.తొలిఏకాదశి తర్వాత దక్షిణాయనం మొదలై,పగటి కాలం

తక్కువగా, రాత్రి కాలం ఎక్కువగా ఉంటుంది. అప్పటి వరకూ ఉత్తరం వైపు ప్రయాణించిన సూర్యుడు దక్షిణం దిక్కుకి వాలతాడు. దీన్నే నిద్రగా భావించాలి.ఆ సమయంలో వాతావరణంలో,ప్రకృతిలో వచ్చే  మార్పుల వల్ల అనారోగ్యం పాలవడానికి అవకాశాలు చాలా ఎక్కువగా ఉంటాయి.వాటిని తప్పించుకునే మార్గాలే ఈ ఉపవాసాలు,

కొన్ని రకాల ఆహారం(ఉల్లిపాయ, టమాటా, సొరకాయ, ఆకుకూరలు,పప్పు) తినకపోవడం లాంటివి.అంటే indirect గా ఇవన్నీ మనం healthy గా ఉండటానికి చేసే ప్రయత్నాలు.మన ప్రతి  సాంప్రదాయం వెనుక ఏదోఒక scientific reason ఉంటుంది 🙏.అవేమిటో తెలిసినా,తెలియకపోయినా ఆచరించడం వల్ల ఉపయోగం మాత్రం ఖచ్చితంగా ఉంటుంది.