ते काका आज पुन्हा भेटले. त्यांचा हास्यक्लब संपायला आणि मी बागेत पोचायला एक वेळ आली. थोडे खट्टू होते. म्हणाले 'आता मोदीजींनी आमच्या ज्येष्ठ नागरिकांसाठी असलेली रेल्वे प्रवास सवलत पण काढून घेतली' मी फक्त दीर्घ हुंकार भरला.
माझी नजर त्यांना छद्मी वाटली की काय कोण जाणे पण त्यांनी दुसर्‍याच क्षणी स्वतःला सावरलं आणि म्हणाले 'अर्थात यातही काही दूरगामी उद्देश असणार, उगाच नाहीत करणार असं मोदीजी'.
मी म्हणालो 'काका अगदी बरोबर आहे, मला तर हा मोदीजींचा मास्टरस्ट्रोक वाटतो.
मी म्हणालो 'काका अगदी बरोबर आहे, मला तर हा मोदीजींचा मास्टरस्ट्रोक वाटतो.
अनावश्यक प्रवास ज्येष्ठ नागरिकांसाठी चांगला नाही, 'ठायीच बैसोनी करा एकचित्त' असं महाराजांनी पण म्हणून ठेवलंय. प्रवासाला धडपडत जाऊन दुखापत करून घेण्यापेक्षा घरी टीव्हीसमोर बसून 'मन की बात' बघत राहणं कधीही चांगलंच!
काका काहीच बोलले नाहीत. सुखवस्तू आहेत पण विमानाची भीती बसलीय आणि प्रोस्टेटचा त्रास म्हणून रस्त्यावरचा प्रवास नको असतो. रेल्वे हाच त्यातल्या त्यात पर्याय.
'पण काका एक मात्र झालं. काॅग्रेसच्या सत्तर वर्षात देशाची लूट झाली. आता तुमचंच पहा.
'पण काका एक मात्र झालं. काॅग्रेसच्या सत्तर वर्षात देशाची लूट झाली. आता तुमचंच पहा.
नेहरूंच्या उधळखोरीमुळे तुम्हाला सरकारी शाळेत शिक्षण फुकट मिळालं, विद्यापीठात होस्टेल फुकटभावात मिळालं, पेन्शनसह सरकारी बॅन्केत नोकरी मिळाली, नोकरीत एलटीसीची उधळपट्टी सरकारनं केली म्हणून तुम्हाला मनात नसतांना सुट्टीवर जाऊन आनंद मिळवावा लागला, पीएफ काय आणि ग्रॅच्युइटी काय...
सरकारनं तुमची इच्छा नसतांना लाखो रूपये उधळले तुमच्यावर. अगदी मनमोहन सिंगांच्या काळापर्यंत स्वस्तातलं पेट्रोल -डिझेल घालून नाईलाजानं कार वापरली तुम्ही आणि ज्येष्ठ नागरिक झाल्यावर तर काय मज्जाच मज्जा! मोठी पेन्शन, रेल्वे, बस असो की विमान सगळीकडे सवलत...
आजारी पडलात तर सीजीएचएस खाली फुकट उपचार, औषध फुकट, केवढा तो उधळमाणकेपणा! अवघा देश आणि सामान्य माणसं देशोधडीला लावली सगळं फुकट देऊन!
काका इकडेतिकडे पहायला लागले. पण आज मी ठरवलं होतं की मोदीच सर्वोत्कृष्ट पंतप्रधान हे आता पटवूनच सोडायचं!
काका इकडेतिकडे पहायला लागले. पण आज मी ठरवलं होतं की मोदीच सर्वोत्कृष्ट पंतप्रधान हे आता पटवूनच सोडायचं!
पण नशीब चांगलं काका भारताचं की मोदी आले. नोटाबंदीत तुम्हाला रांगा लावून देशभक्ती कशी करायची ते शिकवलं त्यांनी. पेट्रोल, डिझेल महाग करून लोकांना घरीच बसायला प्रवृत्त केलं. घरी बसल्यावर तुम्ही त्यांचं स्मरण करावं म्हणून गॅस महाग केला.
डाळीपासून साळीपर्यंत सगळं महाग करून देशाच्या आर्थिक समृद्धीतला तुमचा हातभार वाढवला. चंद्रशेखर रावला जो कोळसा ४,००० रुपयांना मिळतो तोच अदानीकडून २६,००० रुपयांनी घेतला नसता तर अदानी श्रीमंत न होण्याचा देशद्रोह तुमच्या हातून घडला असता.
काका, सामान्य माणूस दरिद्री झाला तरी हरकत नाही, अदानी श्रीमंत झाला पाहिजे, पाकड्यांना अद्दल घडली पाहिजे, मुसलमान वठणीवर आले पाहिजेत, नेहरू आणि काॅग्रेस कायमची संपली पाहिजे.
खाम्रेड आणि खम्युनिस्टांचं कंबरडं मोडलं पाहिजे, त्याशिवाय राष्ट्रद्रोही लोक संपून राष्ट्रप्रेमी नागरिक तयार होऊन हिंदू राष्ट्र तयार होणार नाही.
काका खूपच अस्वस्थ झाले. घरी जायला निघाले. पण मी थांबलो नाहीच.
काका खूपच अस्वस्थ झाले. घरी जायला निघाले. पण मी थांबलो नाहीच.
काका, तुम्ही हास्यक्लब मात्र सोडू नका मोदीजी आहेत तोपर्यंत. हास्यक्लबात खोटं खोटं हसत रहा, मोदी तेच फोटो फिरवून देशातली जनता किती आनंदी आहे असा प्रचार करू शकले पाहिजेत. बाकी सकाळच्या टूथपेस्टपासून रात्रीच्या गुडनाईट पर्यंत सगळं महाग झाल्यानं...
तुम्ही दिवसभर मनातल्या मनात रडलात तरी चालेल, हास्यक्लब मात्र सोडू नका'.
काकांना अचानक आठवलं की घरी दूध घेऊन लवकर पोचायचं आहे. तडक उठले आणि निघाले. संपूर्ण समाधानात मी पण घरी परतलो. आज एका ज्येष्ठ नागरिकाला राष्ट्रप्रेमी बनवण्याचं पुण्य माझ्या हातून घडलं होतं!
काकांना अचानक आठवलं की घरी दूध घेऊन लवकर पोचायचं आहे. तडक उठले आणि निघाले. संपूर्ण समाधानात मी पण घरी परतलो. आज एका ज्येष्ठ नागरिकाला राष्ट्रप्रेमी बनवण्याचं पुण्य माझ्या हातून घडलं होतं!
आपण एकवेळ फ्लॅट विकून रस्त्यावर राहू पण अदानी जगातला क्रमांक एकचा श्रीमंत झाला तरच भारतमाता जगात नाव कमवेल हे त्यांना पटलं होतं!
- विश्वंभर चौधरी
😊😊😊
#आवडलेल
#whatsappforward
- विश्वंभर चौधरी
😊😊😊
#आवडलेल
#whatsappforward
• • •
Missing some Tweet in this thread? You can try to
force a refresh
