Thread by @Al33mK

کربلا، عقل اورتاریخ
جزیرہ نماعرب ہمیشہ سےایک مشکل اورکٹھن جگہ رہی ہے. صحرا ہونےکی وجہ سےیہ کوئی بہت زرخیز اورمعاشی طور پر مضبوط بھی نہیں رہا. اور زندگی بھی مشکل تھی. اسی وجہ سے ماضی کی سپر پاورز نے اس پر قبضہ کی کوئی خاص کوششیں نہیں کیں.
@MaryamNSharif @CMShehbaz #Karbala #Yazid

نبی کریم(ص) جب فوت ہوئےتوجزیرہ نما عرب پراسلام غالب ہوچکاتھا اورآپ نےاس کوایک ریاست بنادیاتھاجس کادارالخلافہ مدینہ تھا. لیکن وفات کےساتھ ہی بہت سےقبائل نےبغاوت کردی اوربہت سےجھوٹے نبوت کےدعویدار بھی سامنے آگئے. حضرت ابوبکر(رض) کےتدبر اورجارحانہ حکمت عملی سےان بغاوتوں کوکچل دیاگیا

اورریاست مدینہ نہ صرف مضبوط بنیادوں پراستوار کی گئی بلکہ اسلامی خلافت کووسعت بھی دینا شروع کردیاگیا. اسکےلئےاس وقت کی دونوں سپرپاورز،ساسانیوں اوررومیوں سےبیک وقت محاذکھول دیاگیا.یہ کوئی معمولی بات نہیں کہ ایک نوزائدہ ریاست جس نےابھی بغاوتوں کوکچلاہووہ دوسپر پاورز سےٹاکراشروع کردے

حضرت ابو بکر(رض) نے جس کام کا آغاز کیا اس کام میں تیزی حضرت عمر فاروق(رض) کے دور میں آ گئی اور ریاست اس تیزی سے پھیل رہی تھی کہ اس کا انتظام و انصرام اور نئے علاقوں کو اسلام سے روشناس کرانا، ان سب چیزوں کو ہنگامی بنیادوں پر کرنا پر رہا تھا. اسی لئے شاید حضرت عمر(رض) کا قول ہے کہ

کاش ہمارےاورساسانیوں کےدرمیان ایک دیوار کھڑی ہوجائے، نہ ہم اس کےپار جاسکیں اورنہ وہ ادھر آسکیں. دوسری طرف ساسانی اوررومی سلطنتوں کےاعمال اوراشرافیہ بھی تھی جو اسلام کےتیزی سےپھیلنےاوراپنی امارت کےجانےسے پریشان تھی. ظاہری بات ہےکہ اسلام جب ان علاقوں میں پھیلاتوانکی حیثیت ختم ہوگئی

اسی کاشاخسانہ ہےکہ حضرت عمر کوشہیدکیاگیاکیونکہ ان کاممکنہ خیال ہوگاکہ شاید امیرکی شہادت کےبعداسلام کاپھیلنا رک جائےجیسےسکندراعظم کی موت کےبعد اسکی سلطنت ٹوٹ گئی اورہم اپنی باقی ماندہ سلطنت کوبچالیں. لیکن حضرت عثمان نےخلافت پرقدم رکھاتواسلام اورخلافت کی ترویج میں کوئی کمی نہ آنےدی

حضرت عثمان(رض) نےتو بحری بیڑے کےبنانےکی بھی اجازت دےدی اوردوسری طرف ساسانی رسیاست کاوجودہی ختم کردیا. اپنےپچھلےپلان کی ناکامی کےبعدیہودیوں اورمجوسیوں کےگٹھ جوڑ سےاسلام کواندر سےکمزور کرنےکی سازش شروع کی گئی. مقصد یہ تھا کہ مسلمانوں کے باہمی اتحاد میں دراڑ ڈال کراسلام کو روکا جائے

باغیوں نے حضرت عثمان (رض) کو شہید کرنے کے بعد حضرت طلحہ(رض) اور حضرت زبیر(رض) کو پہلے خلیفہ بننے کی دعوت دی لیکن ان دونوں اشخاص نے وقت مانگا اور مدینہ سے نکل گئے. اگر ان میں سے کوئی صحابی خلافت کے لئے راضی ہو جاتا تو یقیناً ہماری تاریخ اور روایات مختلف ہوتیں.

کہنےکامقصد یہ ہےکہ باغیوں نےبہت سی جھوٹی روایات کا پروپیگنڈا کر کےخلافت کوکمزور کرنےکی کوششیں کیں. جیسے اگر واقعہ غدیر صحیح تھا توپھر باغیوں کو تو سب سےپہلے حضرت علی(رض) کو خلافت دینی چاہیے تھی. لیکن ایسا نہیں ہے تو اس کا مطلب ہے کہ واقعہ غدیر بعد سیاسی ضرورت کے تحت لکھا گیا ہے.

مزید یہ حضرت عثمان (رض) کی شہادت نے ان فسادیوں اور فتنہ پردازوں کو ایسی کامیابی دے دی جس کی بنیاد پر عراق کی سرزمین پھر اکثر بغاوتوں کا منبع رہی. یہ ایسے ہی ہے جیسے ہم آج کے دور میں اپنے ملک میں دھرنوں اور ہڑتالوں کو دیکھتے ہیں کہ ماضی میں اس سے اپوزیشن کو کامیابی ملی ہوئی ہیں

لیکن کوئی بھی گروہ اب بھی اپنےجائز اورناجائزمطالبےکو منوانےکےلئےدھرنااورہرتال کاہتھیار استعمال کرتاہے. حقیقت میں یہ حکمران کے غلط ہونے کا پیمانہ نہیں
حضرت علی کی شکل میں ان فسادیوں کو ایک ایسے صحابی مل گئے جو داماد رسول بھی تھے. بیشک ان لوگوں کو حضرت علی سے کوئی محبت نہیں تھی

ان کا ایک مقصد تو اقتدار میں پہنچنا تھا اور دوسرا یہ کہ اگر اقتدار نہیں ملتا تو بھی اسلام کو مزید پھیلنے سے روکنا تھا. اس بات کا ثبوت یہ ہے کہ جب حضرت علی(رض) نے تحکیم کی تو انھوں نے حضرت علی(رض) کے خلاف ہی بغاوت کر دی اور ان کو شہید کر دیا. اس سے دو باتیں واضح ہوتی ہیں

ان کوحضرت علی سےکوئی محبت نہ تھی اورتحکیم میں حضرت علی سےکوئی ناانصافی نہیں ہوئی تھی ورنہ ان لوگوں کاغصہ حضرت علی پرنہ ہوتا، جیسےہم آج دیکھ سکتے ہیں کہ اگرکسی جماعت کےلیڈر کےساتھ اس کےحمایتی زیادتی دیکھیں تواس کےحمایتی دوسروں کوبرابھلاکہتےہیں اور اپنے لیڈر کی زیادہ حمایت کرتے ہیں

اس میں یہ بھی پہلو پوشیدہ ہےکہ حضرت علی، حضرت امیر معاویہ کےساتھ چلنےکےلئےبھی تیار تھے. اسی لئےان باغیوں اور فسادیوں کواندازہ ہوگیاکہ انکافساد کامنصوبہ کھٹائی میں پرجائےگااورامن قائم ہوجائےگا اورانکا مقام ختم ہوجائےگا
ان کوحضرت علی کی ضرورت نہیں بلکہ حضرت علی کانام زیادہ ضروری ہے

دوسری طرف خاندان حضرت علی(رض) کو بھی پتہ چل گیا تھا کہ عراق فسادیوں کا خطہ ہے اسی لئے حضرت علی(رض) کی شہادت کے بعد یہ سب لوگ مدینہ آ گئے اور یہیں آباد رہے. دوسری طرف عراق میں حضرت علی(رض) کے نام پر سیاست کو جاری رکھا گیا اور پروپیگنڈا کر کے لوگوں کو ورغلایا جاتا رہا.

لیکن حضرت حسن، حسین، محمدبن علی، علی بن حسین المعروف زین العابدین یہ سب لوگ جوحضرت علی کے بیٹوں اوربیٹوں کےبیٹوں میں شامل ہوتےہیں انھوں نےپھرکسی بھی بغاوت کاحصہ بننےسےانکار کردیا. تاریخ بتاتی ہےکہ محمد بن علی جوکہ اپنےوقت میں بہت مشہور بھی تھےانکو بھی متعدد بار عراق انے کا کہاگیا

لیکن بعد کی تاریخ میں ان ناموں کو نکال دیا گیا. اس سے یہ بھی بات ثابت ہوتی ہے کہ پنجتن پاک کا جو نظریہ ہے وہ بھی بعد کی تخلیق ہے ورنہ حضرت حسن اور حسین کے ہوتے ہوئے محمد بن علی کو وہ کیوں دعوت دیتے؟ اس وقت باغیوں کو ایک ایسے فرد کی ضرورت تھی جو کہ ان کے فساد کو تقویت دے سکے.

عراق میں فساد پھیلانے والےمختارثقفی کی موت کاجب زین العابدین کومعلوم ہواتوانھوں نےاس پر شکرکیا. جس سے واضح ہوتاہےکہ وہ جانتےتھےکہ یہ باغی اسلام کی کوئی خدمت نہیں کررہے. بلکہ ہمارا نام استعمال کر کےاسلام کوکمزور کر رہے ہیں. دوسری طرف زین العابدین بنو امیہ سے رشتہ داریاں استوار کیں

یزیدکی وفات کےبعد خلافت میں کچھ رخنہ پڑاجس میں عراقیوں کوفساد کووسیع کرنےکاموقعہ مل گیا. مزیدیہ کہ کچھ علاقوں میں وہ اپنی ریاست بنانےمیں بھی کامیاب ہوگئے. لہٰذا ان کواقتدار کانشہ بھی لگ گیا. جیسےہم آج دیکھتےہیں کہ بھائی بھائی کےخلاف ہوجاتا ہےاقتدارکی خاطر، تویہ ایک انسانی فطرت ہے

لیکن عبد الملک کے دور میں ان بغاوتوں کے خاتمے کے بعد پھر ایک دفعہ عام الجماع ہوا جس سے یہ ظاہر ہوتا ہے کہ مسلمان بلاجماع یکجہتی کے ہی قائل تھے، اور ان کو بنو امیہ سے کوئی تعرض نہیں تھا. ان بغاوتوں میں حضرت علی کے خاندان نے بالعموم بنو امیہ کی ہی حمایت کی تھی.

لیکن اگلی نسلوں میں آل علی کے کچھ لوگوں نے ضرور بغاوتوں کا ساتھ دیا. ایک بات یہ بھی ذہن میں رہے کہ بنو امیہ کے اقتدار کے خاتمے کے بعد جب بنو عباس حکمران بنے تو انھوں نے بنو امیہ کے بعد سب سے زیادہ جو ظلم کیا وہ آل علی پر کیا. اگرچہ وہ ان کا نام لے کر اقتدار کی منزل پر پہنچے تھے.

کیونکہ ان کامقصد اقتدار کاحصول تھانہ کہ اسلام یا آل علی سےکوئی فرضی زیادتی کاتدارک. یہ تیسرےعباسی خلیفہ کے بعد انھوں نےآل حسین کےکچھ لوگوں کو بغداد بلایا اور اس کا بھی بنیادی مقصد اپنے سیاسی قد کاٹھ میں اضافہ تھا. دوسری طرف ایسی روایتیں بھی پھیلائی گئیں جو بنو امیہ کے خلاف تھیں

تاکہ بنو امیہ کے اقتدار کے خاتمے اور ان پر کیے جانے والے ظلم کو جواز فراہم کیا جا سکے. اگرچہ اس میں سے بہت سی چیزیں چھنت گئیں لیکن بہت سی چیزیں آ بھی گئیں. ویسے بھی ایک جھوٹ کو چھپانے کے لئے سو جھوٹ بولنے پڑتے ہیں، لہٰذا پروپیگنڈا کرنے والے زیادہ مواد نکالتے ہیں.

کہنے کا مقصد یہ ہے کہ سیاست، پروپیگنڈا، اور انسانی فطرت میں تبدیلی نہیں ہوتی اگرچہ ذرائع بدل جاتے ہیں. آج بھی بیسیوں پروپیگنڈا کے لئے سائٹ اور اکاؤنٹس ہیں. کسی چیز کے زیادہ ہونے کا مطلب یہ نہیں کہ وہ زیادہ صحیح ہے، ماموں کا بیٹا کامران آج کے دور کی سب سے بڑی حقیقت ہونا چاہیے

@threadreaderapp unroll