Thread by @ShaistaSkl

وقت کی بوڑھی جِپسی یہ کہتی ہے مجھ سے
لوگ جو اتنی چلدی بؤرھے ہو جاتے ہیں
تو کیسے لگنے لگتے ہیں!
رخساروں پر زردی۔۔۔آنکھوں کے نیچے بد رنگ گڑھے سے
اورآنکھوں کے دائیں بائیں
کسی پرندے کے پہنجے کے نقش سے جیسے گڑھے ہوئے ہوں
بال سفید تو تھے ہی ، لیکن
1
#اردو_زبان

#اردو_زبان
2
زردی مائل ہو کر جیسے
گاڑھی مٹی کی رنگت میں رنگے گئے ہوں
اور خمیدہ کمر نے اونچی اُٹھی ہوئی اکڑی گردن کو
جیسے جھک کر
نیچے دیکھ کے چلنے پر مجبور کیا ہو!”
ہنستے ہنستے وقت کی بوڑھی جِپسی یہ کہتی ہے مجھ سے
" شائستہ جی ، آپ بتائیں
کیا یہ حالت آپ کی بھی ہونے والی ہے؟”

#اردو_زبان
3
میں اپنے جیون کی ساری تصویریں ۔۔۔اپنی نظمیں
لفظوں میں مربوط وہ خاکے
جن میں نصف صدی سے میں نے
قوس ِ قزح کے رنگ بھرے ہیں
الٹ پلت کر اطمینان سے رکھ دیتی ہوں
اور کہتی ہوں وقت کی اس بوڑھی جپسی سے
" دیکھو بجیا !
میرا اصلی " میں " تو یہ تصویریں ہی ہیں

#اردو_زبان
4
جب یہ تم کو
بوڑھئ لگنے لگ جائیں، تو
بے شک آ کر مجھ سے میرا حال پوچھنا!”