Thread by @singh__baagi

੨੯ ਮਈ ੨੦੨੨

ਸਿੱਧੂ ਮੂਸੇਵਾਲੇ ਦੇ ਕਤਲ ‘ਚ ਵਗਦੀ ਗੰਗਾ 'ਚ ਹੱਥ ਧੋਣ ਵਾਲੇ ਤਾਂ ਸਭ ਨੂੰ ਦਿਖ ਰਹੇ ਹਨ ਪਰ ਅਸੀਂ ਗੰਗਾ ਵਹਾਉਣ ਵਾਲੇ ਨਹੀਂ ਦੇਖ ਪਾ ਰਹੇ। ਇਹ ਕਹਾਣੀ ਅੱਜ ਤੋਂ ਕੁਛ ਸਾਲ ਪਹਿਲਾਂ ਸ਼ੁਰੂ ਹੁੰਦੀ ਹੈ ਜਦੋਂ ਰਾਜੇ ਵੜਿੰਗ ਵਰਗੇ ਇੱਕਾ ਦੁੱਕਾ ਕਾਂਗਰਸੀ ਮੂਸੇਵਾਲੇ ਦੀ ਪ੍ਰਸਿੱਧੀ ਦਾ ਫ਼ਾਇਦਾ ਚੱਕਣਾ ਚਾਹੁੰਦੇ ਸਨ #SidhuMooseWala

ਫੇਰ ਉਸ ਖ਼ਿਲਾਫ਼ ਇੱਕ ਛੜਿਅੰਤਰ ਰਚਿਆ ਗਿਆ।ਸੰਤਾਲੀ ਫੜਾਉਣ ਵਾਲੇ ਵੀ ਉਹੀ ਸਨ,ਵੀਡੀਓ ਬਣਾਉਣ ਵਾਲੇ ਵੀ ਉਹੀ ਸਨ,ਵਾਇਰਲ ਕਰਨ ਵਾਲੇ ਵੀ,ਵਾਰੰਟ ਜਾਰੀ ਕਰਨ ਵਾਲੇ ਵੀ,ਕੇਸ ਪਉਣ ਵਾਲੇ ਵੀ ‘ਤੇ ਬਚਾਉਣ ਵਾਲੇ ਵੀ।ਇਹ ਸਭ ਖੇਡ ਖੇਡਕੇ ਕਾਂਗਰਸ ਸਰਕਾਰ ਨੇ ਮੂਸੇਵਾਲੇ ਦੇ ਪੈਰਾ ਨੂੰ ਇੱਕ ਤਰ੍ਹਾਂ ਦਾ ਜੂੜ ਪਾ ਲਿਆ ‘ਤੇ ਹੁਣ ਚੌਣਾ ਵੇਲੇ ਰਾਜੇ ਵਰਗੇ ਉਹਨੂੰ

ਉਨ੍ਹਾਂ ਵੱਲੋਂ ਕੀਤੀ ਚੰਗਿਆਈ ਅਤੇ ਅਹਿਸਾਨਾਂ ਦਾ ਵਾਸਤਾ ਪਾ ਰਹੇ ਸਨ। ਦੂਜੀ ਗੱਲ ਮੂਸੇਵਾਲਾ ਗੈਂਗਵਾਰ ਅਤੇ ਨਿੱਜੀ ਦੁਸ਼ਮਣੀਆਂ ਦੇ ਦਲਦਲ ‘ਚ ਕਸੂਤਾ ਫਸ ਚੁੱਕਾ ਸੀ ਹੁਣ ਉਹ ਰਾਜਨੀਤੀ ਦਾ ਹੱਥ ਫੜ ਕੇ ਇਸ ਚੋਂ ਬਾਹਰ ਆਉਣਾ ਚਾਹੁੰਦਾ ਸੀ ਦਸੰਬਰ ੨੦੨੧ ‘ਚ ਮੂਸੇਵਾਲੇ ਨੇ ਮੱਕੜ ਨੂੰ ਇਹ ਦੱਸਿਆ ਕਿ ਉਹ ਰਾਜਨੀਤੀ ‘ਚ ਆਪਣੇ ਬਚਾਅ ਕਰਕੇ ਜਾਣਾ ਚਾਹੁੰਦਾ ਹੈ

ਤਾਂ ਜੋ ਸੁਰੱਖਿਆ ਯਕੀਨੀ ਬਣਾਈ ਜਾਵੇ।ਮੂਸੇਵਾਲੇ ਦੀ ਹੁਣ ਇਹ ਮਜਬੂਰੀ ਬਣ ਚੁੱਕੀ ਸੀ ਸੋ ਉਹਨੂੰ ਨਾ ਚਾਹੁੰਦਿਆਂ ਹੋਇਆ ਵੀ ਕਾਂਗਰਸ ਵਿੱਚ ਸ਼ਾਮਿਲ ਹੋਣਾ ਪਿਆ।

ਪਰ ਉਸਦੇ ਅੰਦਰੋਂ ਸਿੱਖਾਂ ਵਾਲਾ ਜਜ਼ਬਾ ਜਿਓਂ-ਤੇ-ਤਿਓਂ ਬਰਕਰਾਰ ਰਿਹਾ ਜਿਸਦਾ ਜ਼ਿਕਰ ਉਹਨੇ ਪੱਤਰਕਾਰ ਸਿਮਰਨਜੋਤ ਸਿੰਘ ਮੱਕੜ ਨਾਲ ਇੰਟਰਵੀਉ ‘ਚ ਵੀ ਕੀਤਾ

ਜਦੋ ਇਕ ਸਵਾਲ ਦਾ ਜਵਾਬ ਦਿੰਦਿਆਂ ਉਹਨੇ ਕਿਹਾ ਕਿ, ਦੱਸੋ ਜੇ ਮੈਂ ਕਾਂਗਰਸ 'ਚ ਸ਼ਾਮਿਲ ਹੋਕੇ ਸੰਤ ਦੀ ਫੋਟੋ ਉਤਾਰੀ ਹੈ?ਦੱਸੋ ਜੇ ਮੈਂ ਕਿਹਾ ਕਿ ਬਾਬਾ ਆਪਣਾ ਹੁਣ ਰਿਸ਼ਤਾ ਖਤਮ? ਮੈਨੂੰ ਉਹ ਚੰਗਾ ਲੱਗਦਾ ਹੈ ਤੇ ਰਹੇਗਾ,ਜੋ ਸਾਡੇ ਲਈ ਮਰਿਆ ਸਾਡਾ ਤਾਂ ਪੁਰਖਾ ਸੀ ਉਹ ਪੰਥਕ ਹਲਕਿਆਂ 'ਚ ਮੂਸੇਵਾਲੇ ਦਾ ਕਾਤਲ ਜਮਾਤ ਨਾਲ ਜੁੜਨ ਤੇ ਰੋਸ ਹੋਣਾ ਸੁਭਾਵਿਕ ਸੀ

ਬਹੁਤ ਸਾਰੇ ਲੋਕਾਂ ਵੱਲੋਂ ਭਾਵਨਾਵਾਂ ਦੇ ਵਹਿਣ ‘ਚ ਵਹਿ ਕੇ ਉਹਨੂੰ ਗ਼ੱਦਾਰ ਕਿਹਾ ਗਿਆ। ਬੜੇ ਉਹਦੇ ਫੋਲੋਵਰਾਂ ਨੇ ਉਹਦੇ ਨਾਲ਼ੋਂ ਰਿਸ਼ਤਾ ਤੋੜ ਲਿਆ।ਇਕ ਦਿਨ 'ਚ ਚਾਲੀ ਹਜ਼ਾਰ ਬੰਦੇ ਨੇ ਉਹਨੂੰ ਅਨਫੋਲੋ ਕੀਤਾ ਸੀ। ਫੇਰ, ਚੌਣਾ ਤੋਂ ਕੁਝ ਦਿਨ ਪਹਿਲਾਂ ਦੀਪ ਸਿੱਧੂ ਸ਼ਹੀਦ ਹੋ ਜਾਂਦਾ ਹੈ ਜਿਸ ਦਾ ਦੁੱਖ ਸਿੱਧੂ ਨੂੰ ਵੀ ਬਹੁਤ ਹੁੰਦਾ ਹੈ ਅਤੇ ਉਹ ਲੋਕਾਂ

'ਚ ਆ ਕੇ ਇਹ ਗੱਲ ਦੱਸਦਾ ਹੈ ਕਿ ਦੀਪ ਸਿੱਧੂ ਨੇ ਕੱਲ੍ਹ ਹੀ ਉਹਨੂੰ ਫ਼ੋਨ ਕੀਤਾ ਸੀ ਪਰ ਰੁਝੇਵਿਆਂ ‘ਚ ਰੁੱਝਿਆ ਹੋਣ ਕਰਕੇ ਉਹ ਦੀਪ ਨਾਲ ਥੋੜਾ ਸਮਾਂ ਗੱਲ ਕਰ ਪਾਇਆ।
ਇਹ ਸਿੱਧੂ ਦਾ ਕਹਿਣਾ ਹੈ ਕਿ ਗੱਲ-ਬਾਤ ‘ਚ ਦੀਪ ਨੇ ਚੌਣਾਂ 'ਚ ਸਿੱਧੂ ਦੀ ਹਮਾਇਤ ਕਰਨ ਦੀ ਗੱਲ ਕਹੀ। ਹੁਣ ਇਹ ਸਵਾਲ ਉਠਦਾ ਹੈ ਕਿ ਦੀਪ ਮੂਸੇਵਾਲੇ ਦੀ ਹਮਾਇਤ ਕਿਉ ਕਰ ਰਿਹਾ ਸੀ?

ਇਸ ਗੱਲ ਦਾ ਭੇਦ ਹੁੱਲੜਬਾਜ਼ ਲੋਕ ਨਹੀਂ ਸਮਝ ਸਕਦੇ। ਲੰਬੀ ਲੜਾਈ ਕਿੰਨੇ ਪੱਖਾਂ ਨਾਲ ਤੇ ਫਰੰਟਾਂ ਤੇ ਕੀਤੀ ਜਾ ਸਕਦੀ ਹੈ ਇਹ ਗੱਲਾਂ ਉਸ ਕੜੀ ਦਾ ਹਿੱਸਾ ਹਨ। ਜੇਕਰ ਇਸ ਗੱਲ ਨੂੰ ਇਤਿਹਾਸ ਦੀ ਲੋਅ 'ਚ ਜਾ ਕੇ ਸਮਝਿਆ ਜਾਵੇ ਤਾਂ ਕੁਝ ਕਿੱਸੇ ਤੇ ਮਿਲਵਰਤਨੀਏ ਸਿੰਘ ਸਾਡੇ ਸਾਹਮਣੇ ਉਘੜ ਕੇ ਆਂਉਦੇ ਹਨ ਜੋ ਸਰਕਾਰ 'ਚ ਰਹਿ ਕੇ ਸਿੱਖਾਂ ਲਈ ਕੰਮ ਕਰਦੇ ਰਹੇ

ਦੂਜੇ ਜੋ ਬਾਗੀ ਸਨ ਉਹ ਨਾ-ਮਿਲਵਰਤਨੀਏ ਸਿੰਘ ਸਨ‌।ਭਾਈ ਸੁਬੇਗ ਸਿੰਘ ਜੰਬਰ ਜੋ ਕਿ ਲਹੌਰ ਦੇ ਸੂਬੇਦਾਰ ਜਕਰੀਆ ਖਾਨ ਦੇ ਦਰਬਾਰ 'ਚ ਸਰਕਾਰੀ ਠੇਕੇਦਾਰ ਸਨ ਪਰ ਦਿਲ ਉਹਨਾਂ ਦਾ ਕੌਮ ਲਈ ਧੜਕਦਾ ਸੀ 'ਤੇ ਅਖੀਰ ਉਹ ਚਰਖੜੀ ਤੇ ਚੜ੍ਹ ਸ਼ਹੀਦ ਵੀ ਹੋਏ। ਫੇਰ ਆਲੀ ਸਿੰਘ ਅਤੇ ਮਾਲੀ ਸਿੰਘ ਜੋ ਸਰਹੰਦ ਦੇ ਸੂਬੇਦਾਰ ਵਜ਼ੀਰ ਖਾਨ ਦੇ ਦਰਬਾਰ 'ਚ ਮੁਲਾਜ਼ਮ ਸਨ ਪਰ

ਸਮਾਂ ਆਉਣ ਤੇ ਉਹ ਬਾਬਾ ਬੰਦਾ ਸਿੰਘ ਬਹਾਦਰ ਨਾਲ ਆ ਮਿਲੇ। ਜੱਸਾ ਸਿੰਘ ਰਾਮਗੜ੍ਹੀਆ ਦੁਆਬੇ ਦੇ ਫ਼ੌਜਦਾਰ ਅਦੀਨਾ ਬੇਗ ਦੀ ਫ਼ੌਜ 'ਚ ਨੌਕਰੀ ਕਰਦਾ ਸੀ ਪਰ ਉਹ ਸਮਾਂ ਆਉਣ ਤੇ ਰਾਮਰੌਣੀ ਦੇ ਘੇਰੇ 'ਚ ਸਿੱਖਾਂ ਨਾਲ ਆ ਮਿਲਿਆ। ਫੇਰ ਭਗਵੰਤ ਸਿੰਘ ਬਘੇਸੁਰੀ,ਨਾਨੂੰ ਸਿੰਘ ਦਿਲਵਾਲੀ,ਲੱਖੀ ਸ਼ਾਹ ਵਣਜਾਰਾ,ਭਾਈ ਨੰਦ ਲਾਲ ਗੋਯਾ,ਸਿਰਦਾਰ ਕਪੂਰ ਸਿੰਘ,

ਭਾਈ ਕਾਨ੍ਹ ਸਿੰਘ ਨਾਭਾ ਆਦਿ ਹੋਰ ਬਹੁਤ ਨਾਮ ਹਨ‌।ਸੋ ਸਿੱਧੂ ਲੋਕਾਂ ਲਈ ਕੁਝ ਕਰਨਾ ਚਾਹੁੰਦਾ ਸੀ ਅਤੇ ਕਾਂਗਰਸ 'ਚ ਜਾਣਾ ਉਸਦੀ ਮਜਬੂਰੀ ਸੀ। ਅਖੀਰ ਚੋਣਾਂ ਹੋਈਆਂ ਅਤੇ ਬੇਅਦਬੀ ਦਾ ਇਨਸਾਫ਼ ਨਾ ਦੇਣ ਵਾਲੀ ਕਾਂਗਰਸ ਨਾਲ ਬਹੁਤ ਮਾੜੀ ਹੋਈ। ਕੈਪਟਨ ਦੀਆਂ ਬਦਹਿਆਈਆਂ ਅਤੇ ਚੰਨੀ ਦੀਆਂ ਬੇਵਕੂਫ਼ੀਆਂ ਦਾ ਠੀਕਰਾ ਮੂਸੇ ਦੇ ਸਿਰ ਵੀ ਆ ਫੁੱਟਿਆ ਨਤੀਜੇ ਵਜੋਂ

ਸਿੱਧੂ ਮੂਲੇਵਾਲਾ ਚੋਣਾਂ ਹਾਰ ਗਿਆ।ਜਿਸ ਤੋਂ ਬਾਅਦ ਲੋਕਾਂ ਵੱਲੋਂ ਉਹਦਾ ਬਹੁਤ ਮਜ਼ਾਕ ਬਣਾਇਆ ਗਿਆ। ਜਿਸਦੇ ਪ੍ਰਤੀਕਮ ਵਜੋਂ ਸਿੱਧੂ ਨੇ ‘Scapegoat' ਨਾਮ ਦਾ ਗਾਣਾ ਕੱਢਿਆ ਜਿਸ 'ਚ ਉਸਨੇ ਸਰਦਾਰ ਸਿਮਰਨਜੀਤ ਸਿੰਘ ਮਾਨ ਦਾ ਨਾਮ ਲੈਂਦਿਆਂ ਹੋਰ ਵੀ ਕਈ ਕੁਝ ਕਿਹਾ ਜਿਵੇਂ; “ਉਹੀ ਸਰਕਾਰਾਂ ਬੱਸ logo ਹੋਇਆ change.....

ਇਸ ਗੱਲ ਤੋਂ ਇਹ ਪਤਾ ਲੱਗਦਾ ਹੈ ਕਿ ਮੂਸੇਵਾਲਾ ਭਾਰਤੀ ਲੋਕਤੰਤਰ ਦੇ ਮੱਕੜੀ ਜਾਲ ਅਤੇ ਸਿੱਖਾਂ ਖਿਲਾਫ ਭੁਗਤਦੀ ਸਰਕਾਰੀ ਮਸ਼ਿਨਰੀ ਨੂੰ ਸਮਝ ਚੁੱਕਾ ਸੀ। ਉਹ ਕੌਮੀ ਰਸਤੇ ਤੇ ਮੁੜ ਆਇਆ ਸੀ ਹੁਣ ਕਾਂਗਰਸ ਵਾਲਾ ਮਰਿਆ ਸੱਪ ਵੀ ਉਹਦੇ ਗੱਲੋ ਲਹਿ ਗਿਆ ਸੀ। ਸਿੱਧੂ ਨੇ ਇਤਿਹਾਸ 'ਚ ਦਿਲਚਸਪੀ ਲੈਣੀ ਸ਼ੁਰੂ ਕੀਤੀ ਅਤੇ ਪੰਜਾਬ ਦੇ ਮੁੱਦਿਆਂ ਨੂੰ ਸਮਝਿਆ ਅਤੇ

ਬੇਬਾਕੀ ਨਾਲ ਇੰਟਰਵਿਊਆ ਅਤੇ ਲੋਕਾਂ 'ਚ ਬਿਆਨਣਾ ਸ਼ੁਰੂ ਕੀਤਾ।ਮੌਤ ਤੋਂ ਕੁਝ ਦਿਨ ਪਹਿਲਾਂ ਪੱਤਰਕਾਰ ਸਿਮਰਨਜੋਤ ਸਿੰਘ ਮੱਕੜ ਦੇ ਇੰਟਰਵਿਊ 'ਚ ਉਸਨੇ ਅਸਿੱਧੇ ਤੌਰ ਤੇ ਖਾਲਿਸਤਾਨ ਦੀ ਹਮਾਇਤ ਤੱਕ ਵੀ ਕਰ ਦਿੱਤੀ ਸੀ। ਮੂਸੇਵਾਲਾ ਇੰਨਾਂ ਸਪੱਸ਼ਟ ਸੀ ਕਿ ਉਹਨੇ ਜੋ ਵੀ ਗੱਲਾਂ ਕੀਤੀਆਂ ਟੁਣਕਾਰ ਕੇ ਕੀਤੀਆਂ ਸੰਤ ਭਿੰਡਰਾਂਵਾਲੇ ਤੇ ਖਾੜਕੂਆਂ ਦੀਆਂ ਸਿਫ਼ਤਾਂ

ਕੀਤੀਆਂ ਅਤੇ ਕੌਮੀ ਦਰਦ ਫੁੱਟਿਆ।ਹੁਣ ਉਹਨੇ ਇਹ ਸੋਚ ਲਿਆ ਸੀ ਕਿ ਉਹ ਵੀ ਆਪਣੀ ਕਲਾ ਨੂੰ ਕਾਲੇ ਰੈਪਰਾਂ ਵਾਂਗੂ ਸਿੱਖਾਂ ਦੇ ਰਾਜਨੀਤਿਕ ਲਕਸ਼ਾਂ ਦੀ ਪ੍ਰਾਪਤੀ ਲਈ ਵਰਤੇਗਾ। ਸਭ ਤੋਂ ਪਹਿਲਾ ਕੰਮ ਉਸਨੇ SYL ਗੀਤ ਰਿਕਾਡ ਕੀਤਾ ਜੋ ਕਿ ੭੦ ਸਾਲਾ ਦੇ ਸਿੱਖਾਂ ਦੇ ਦਰਦ ਅਤੇ ਭਾਵਨਾਵਾਂ ਦੀ ਤਰਜਮਾਨੀ ਕਰਦਾ ਸੀ।ਇਹ ਗਾਣਾ ਸਿੱਧੂ ਨੇ ਰਿਲੀਜ਼ ਕਰਨਾ ਸੀ ਕਿ

ਉਸਦੇ ਪਿਤਾ ਬਲਕੌਰ ਸਿੰਘ ਨੇ ਰੋਕ ਲਿਆ, ਇਹ ਗੱਲ ਉਹਨਾਂ ਇਕ ਭਾਸ਼ਣ ਦਿੰਦਿਆਂ ਬਿਆਨੀ। ਪਿਓ ਦੀ ਗੱਲ ਮੰਨ ਕੇ ਸਿੱਧੂ ਨੇ ਗਾਣਾ ਰਿਲੀਜ਼ ਨਾ ਕੀਤਾ।

ਫੇਰ ਮੌਤ ਤੋਂ ਇਕ ਦਿਨ ਪਹਿਲਾਂ ਸਿੱਧੂ ਮੂਸੇਵਾਲਾ ਸ਼੍ਰੋਮਣੀ ਅਕਾਲੀ ਦਲ ਅੰਮ੍ਰਿਤਸਰ ਦੇ ਲੀਡਰ ਜਸਕਰਨ ਸਿੰਘ ਕਾਰਨ ਸਿੰਘ ਵਾਲਾ ਨਾਲ ਮੁਲਾਕਾਤ ਕਰਦਾ ਹੈ, ਉਹ ਵੀਡੀਓ ਵੀ ਕਾਫੀ ਵਾਇਰਲ ਹੋਈ ਸੀ

ਜਿਸ 'ਚ ਜਸਕਰਨ ਸਿੰਘ ਕਾਰਨ ਸਿੰਘ ਵਾਲਾ ਉਸਦੀ ਗੱਲ ਮਾਨ ਸਾਹਿਬ ਨਾਲ ਕਰਾਉਂਦੇ ਹਨ ਤੇ ਉਹ ਮਾਨ ਸਾਬ ਨੂੰ ਬਾਪੂ ਜੀ ਕਹਿ ਕੇ ਬੁਲਾਓੁਦਾ ਹੈ 'ਤੇ ਖ਼ੈਰ ਸੁੱਖ ਪੁੱਛਦਾ ਹੈ। ਸਿੱਧੂ ਨੂੰ ਪਤਾ ਸੀ ਕਿ ਕਾਲ ਉਹਦੇ ਸਿਰ ਤੇ ਨੱਚਦਾ ਫਿਰਦਾ ਹੈ ਇਸੇ ਭਾਵਨਾ ਚੋਂ ਮੌਤ ਦੇ ੧੫ ਦਿਨ ਪਹਿਲਾਂ ਓੁਹਨੇ 'The Last Ride ਗਾਣਾ ਕੰਢਿਆ।ਸਰਕਾਰ ਸਿੱਧੂ ਦੀਆਂ ਗਤੀਵਿਧੀਆ

ਤੇ ਪੂਰਾ ਧਿਆਨ ਰੱਖ ਰਹੀ ਸੀ।ਤੇ ਸਰਕਾਰ ਨੂੰ ਪਤਾ ਸੀ ਕਿ ਸਿੱਧੂ ਅੱਗੇ ਚੱਲ ਕੇ ਸਾਡੇ ਗਲੇ ਦੀ ਹੱਡੀ ਬਣ ਜਾਏਗਾ ਕਿਉਕਿ ਸਿੱਧੂ ਪੂਰੀ ਦੁਨੀਆ 'ਚ ਮਸ਼ਹੂਰ ਸੀ ਅਤੇ Drake ਤੱਕ ਉਹਦੀ ਇੱਜ਼ਤ ਕਰਦਾ ਸੀ ਸਰਕਾਰ ਨੂੰ ਡਰ ਸੀ ਕਿ ਕਿਤੇ ਸਿੱਧੂ ਸਿੱਖ ਮਸਲਿਆਂ ਨੂੰ ਦੁਨੀਆ ਅੱਗੇ ਨਾ ਰੱਖ ਦੇਵੇ ਸੋ ਹੁਣ ਸਿੱਧੂ ਨੂੰ ਰਸਤੇ ਤੋਂ ਹਟਾਉਣਾ ਲਾਜ਼ਮੀ ਹੋ ਚੁੱਕਾ ਸੀ

ਸਰਕਾਰ ਨੇ ਪੜਦੇ ਪਿੱਛੇ ਰਹਿ ਕੇ ਕੰਮ ਕਰਨਾ ਬੇਹਤਰ ਸਮਝਿਆ ਅਤੇ ਸਿੱਧੂ ਦੀ ਨਿੱਜੀ ਦੁਸ਼ਮਣੀ ਨੂੰ ਢਾਲ ਵਜੋਂ ਵਰਤਣਾ ਚਾਹਿਆ ਅਤੇ ਉਹਦੇ ਦੁਸ਼ਮਣਾਂ ਦੀ ਪਿੱਠ ਥਾਪੜਨੀ ਸ਼ੁਰੂ ਕੀਤੀ ਅਤੇ ਉਸਤੋ ਜਲਣ ਵਾਲੇ ਕਰੀਬੀਆਂ ਨਾਲ ਵੀ ਰਾਬਤੇ ਕਾਇਮ ਕੀਤੇ ‘ਤੇ ਇੰਝ ਚੋਰਾਂ ਨਾਲ ਕੁੱਤੀ ਰਲ ਗਈ।ਸਿੱਧੂ ਮੂਸੇਵਾਲੇ ਨੂੰ ਇਹ ਆਭਾਸ ਸੀ ਕਿ ਸਰਕਾਰ ਉਹਨੂੰ ਮਾਰ ਮੁਕਾਉਣੇ

ਤੇ ਤੁਲੀ ਹੋਈ ਹੈ ਉਹਨੇ ਆਪਣੇ ਗੀਤ 'ਚ ਜ਼ਿਕਰ ਕੀਤਾ ਹੈ ਕਿ ਉਸ ਖ਼ਿਲਾਫ਼ ਸਭ ਜਾਣੇ ਗੱਠਜੋੜ ਕਰੀ ਫਿਰਦੇ ਹਨ ਜਿੰਨਾ ਵਿੱਚ ਉਸਦੇ ਕਰੀਬੀ ਵੀ ਹਨ ਸਰਕਾਰ ਦੇ ਬੰਦੇ ਵੀ ਹਨ ਕੁਝ ਉਸ ਨਾਲ ਦੁਸ਼ਮਣੀ ਪਾਲਣ ਵਾਲੇ ਤੇ ਨਾਮ ਕਮਾਉਣ ਦੀ ਦੌੜ 'ਚ ਲੱਗੇ ਸ਼ੂਟਰ ਵੀ ਹਨ
"ਕਈ shooter ਤਾਂ ਤੇਰੇ ਪਿੱਛੇ ਇਸ ਗੱਲੋ ਨੇ
ਗੋਲੀ ਸਿੱਧੂ ਦੇ ਵੱਜੀ ਸਾਡਾ Name ਹੋ ਜਾਓ

ਮਨਾਂ ‘ਚ ਗ਼ੱਦਾਰੀ ਉਤੋਂ ਵਫ਼ਾਦਾਰੀ ਦਿੰਦੇ ਨੇ”
info ਵੀ ਬੰਦੇ ਸਰਕਾਰੀ ਦਿੰਦੇ ਨੇਂ
“ਤੇਰੇ ਮੂੰਹ ਤੇ ਜੋ ਤੇਰੀ ਲੰਬੀ life ਮੰਗਦੇ..
ਤੇਰੀ ਪਿੱਠ ਪਿੱਛੇ ਸਿੱਧੂਆ ਸੁਪਾਰੀ ਦਿੰਦੇ ਨੇਂ

ਸਿੱਧੂ ਨੂੰ ਬਹੁਤ ਵਾਰ ਪਹਿਲਾਂ ਵੀ ਧਮਕੀਆਂ ਮਿਲ ਚੁੱਕੀਆਂ ਸਨ ਇੱਕ ਹੋਰ ਗੀਤ 'ਚ ਉਹ ਇਸਦਾ ਜ਼ਿਕਰ ਕਰਦਾ ਹੈ;

“ਸੌਖੀ ਨ੍ਹੀਂਓ fame ਗੱਲ ਕਹਾਂ ਜੋ ਵੀ ਦਿਲ ਦੀ ਐ,
ਧਮਕੀ ਸਵੇਰੇ ਚਾਹ ਨਾਲ ਗੋਲੀ ਆਲੀ ਮਿਲਦੀ ਐਂ"
ਇਸ ਕਤਲ ਪਿੱਛੇ ਸਰਕਾਰੀ ਹੱਥ(invisible hands) ਹਨ ਜੋ ਕਿ ਲੋਕਾਂ ਨੂੰ ਨਜ਼ਰ ਨਹੀ ਆ ਰਹੇ। ਸਭ ਤੋਂ ਪਹਿਲੀ ਗੱਲ ਸਰਕਾਰ ਨੇ ਸਿੱਧੂ ਦੀ ਸਕਿਊਰਟੀ ਵਾਪਸ ਲੈ ਲਈ, ਦੂਜੀ ਗੱਲ ਚਲੋ ਜੇ ਲੈਣੀ ਹੀ ਸੀ ਤਾਂ ਟੀ.ਵੀ. ਤੇ ਐਲਾਨ ਕਰਨ ਦੀ ਕੀ ਲੋੜ ਸੀ?

ਇਸ ਨੇ ਕਾਤਲਾਂ ਦੇ ਹੌਸਲੇ ਹੋਰ ਵਧਾਏ।ਸਰਕਾਰ ਨੇ ਸਫਾਈ 'ਚ ਇਹ ਬਹਾਨਾ ਬਣਾਇਆ ਕਿ ੬ ਜੂਨ ਤੱਕ ਸਿੱਖਾਂ ਵੱਲੋਂ ਘੱਲੂਘਾਰਾ ਦਿਵਸ ਮਨਾਇਆ ਜਾਣਾ ਸੀ ਸੋ ਕੋਈ ਅਣਸੁਖਾਵੀ ਘਟਨਾ ਨਾ ਵਾਪਰੇ ਇਸ ਕਰਕੇ ਸਾਨੂੰ ਵੱਧ ਤੋਂ ਵੱਧ ਪੁਲਿਸ(police personnel) ਦੀ ਲੋੜ ਸੀ ਹੁਣ ਇਹ ਸਵਾਲ ਉਠਦਾ ਹੈ ਕਿ ਲੋਕਾਂ ਦੀਆਂ ਸਕਿਊਰਟੀਆਂ ਖੋਹ ਕੇ ਵੀ ਸਰਕਾਰ ਕੋਲ

ਇੰਨਾਂ ਪ੍ਰਬੰਧ ਨੀ ਸੀ ਕਿ ਉਹ ਕਾਤਲਾਂ ਨੂੰ ਫੜ ਸਕਦੇ ਜਾਂ ਸੁਰਾਖ ਲਾ ਸਕਦੇ? ਜੋ ਘੱਲੂਘਾਰੇ ਦਿਹਾੜੇ ਨੂੰ ਮੁੱਖ ਰੱਖਦਿਆਂ ਥਾਂ-ਥਾਂ ਤੇ ਐਨੇ ਨਾਕੇ ਤੇ ਚੈੱਕ ਪੋਇੰਟ ਲਾਏ ਸੀ ਉਹ ਸਭ ਕੀ ਉਥੇ ਘੁੰਕਣੀਆਂ ਵੇਚ ਰਹੇ ਸੀ? ਕਾਤਲ ਕਿਵੇਂ ਲੰਘ ਗਏ ਐਨਾ ਅਸਲਾ ਲੈਕੇ ਉਥੋਂ? ਬਾਕੀ ਸਿੱਧੂ ਨੂੰ ਕਤਲ ਕਰਨ ਦੀਆਂ ਪਹਿਲਾਂ ਵੀ ਕਈ ਕੋਸ਼ਿਸ਼ਾਂ ਹੋ ਚੁੱਕੀਆਂ ਸਨ

ਅਤੇ ਸ਼ਗਨਪ੍ਰੀਤ ਸਿੰਘ ਨੇ ਸਿਮਰਨਜੋਤ ਸਿੰਘ ਮੱਕੜ ਨੂੰ ਦੱਸਿਆ ਕਿ ਪੰਜਾਬ ਪੁਲਿਸ ਨੇ ਡੇਢ ਸਾਲ ਪਹਿਲਾਂ ਸਿੱਧੂ ਨੂੰ ਮੁਹਾਲੀ ਬੁਲਾ ਕੇ ਦੱਸਿਆ ਸੀ ਕਿ ਪੰਜ ਬੰਦੇ ਉਸਤੇ ਹਮਲਾ ਕਰ ਸਕਦੇ ਹਨ ‘ਤੇ ਉਹਨੂੰ ਤੋਹਫ਼ਾ-ਗਿਫ਼ਟ ਤਰ੍ਹਾਂ ਦੀ ਡੱਬਾ ਬੰਦ ਚੀਜ ਦਿੱਤੀ ਜਾ ਸਕਦੀ ਹੈ ਜੋ ਕਿ ਵਿਸਫੋਟਕ ਬੰਬ ਸਮੱਗਰੀ ਹੋ ਸਕਦੀ ਹੈ

ਫੇਰ ਇਸ ਤਰ੍ਹਾਂ ਹੋਇਆ ਵੀ ਕਿ ਕੋਈ ਸਿੱਧੂ ਨੂੰ ਡੱਬੇ 'ਚ ਬੰਬ ਬੰਦ ਕਰਕੇ ਦੇ ਗਿਆ ‘ਤੇ ਬਾਦ 'ਚ ਇਸਦੀ ਜਾਂਚ ਹੋਈ
ਇਸ ਦੀ ਤਸਦੀਕ ਸਿੱਧੂ ਨੇ ਯਾਦਵਿੰਦਰ ਕਰਫਿਓ ਕੋਲ ਇੱਕ ਇੰਟਰਵੀਓ 'ਚ ਵੀ ਕੀਤੀ ਸੀ। ਇਸ ਦਾ ਮਤਲਬ ਹੈ ਕਿ ਪੁਲਿਸ ਨੂੰ ਇਸਦੀ ਜਾਣਕਾਰੀ ਸੀ ਪਰ ਫਿਰ ਵੀ ਇਹ ਜਾਣਦੇ ਹੋਈ ਵੀ ਪੁਲਿਸ ਦਾ ਸਿੱਧੂ ਦੀ ਸਕਿਊਰਟੀ ਨੂੰ ਜ਼ਰੂਰੀ ਨਾ ਸਮਝਣਾ ‘ਤੇ

ਅਵੇਸਲੇ ਹੋ ਜਾਣਾ ਸ਼ੱਕ ਪੈਦਾ ਕਰਦਾ ਹੈ। ਸਿੱਧੂ ਦੇ ਕਤਲ ਦੀ ਜਾਂਚ 'ਚ ਹੁਣ ਤੱਕ ਸਰਕਾਰ ਦੀ ਭੂਮਿਕਾ ਅਤੇ ਉਸਦੇ ਕਾਤਲਾਂ ਨੂੰ ਜਵਾਈ ਬਣਾ ਕੇ ਰੱਖਣਾ ਵੀ ਵੀ ਇਹ ਸਾਫ਼ ਕਰਦਾ ਹੈ। ਫੇਰ ਲਾਰੈਂਸ ਬਿਸ਼ਨੋਈ ਨੇ ਇਹ ਗੱਲ ਸਾਫ਼ ਕੀਤੀ ਕਿ ਉਹਦਾ ਇਸ ਕਤਲ ਨਾਲ ਕੋਈ ਸੰਬੰਧ ਨਹੀਂ ਪਰ ਫੇਰ ਪੁਲਿਸ ਗੱਲ ਗੂਠਾ ਦੇਕੇ ਉਹਤੋਂ ਇਕਬਾਲ ਕਰਾਂ ਲੈਂਦੀ ਹੈ

ਕਤਲ ਪੰਜਾਬ ‘ਚ ਹੋਇਆ ਪੁੱਛ-ਗਿੱਛ ਦਿੱਲੀ ਪੁਲਿਸ ਕਿਉ ਕਰ ਰਹੀ ਸੀ? ਇਹ ਗੱਲਾਂ ਸੋਚਣ ਵਾਲੀਆਂ ਹਨ ਇਹ ਖੇਡ ਬਹੁਤ ਵੱਡਾ ਹੈ।

ਸਿਆਸੀ ਕਤਲਾਂ ਦਾ ਦਾਇਰਾ ਬਹੁਤ ਵੱਡਾ ਹੁੰਦਾ ਹੈ ਇਹਦੇ ‘ਚ ਰਾਜਨੀਤਿਕ ਲੋਕ ਕਈਆਂ ਦੇ ਮੋਢੇ ਤੇ ਰੱਖ ਕੇ ਚਲਾਉਦੇ ਹਨ। ਫੇਰ ਡੀ.ਜੀ.ਪੀ ਦੇ ਮੂੰਹੋਂ ਗੱਲ ਨਿਕਲ ਗਈ ਉਹ ਕਹਿੰਦਾ ਕਿ ਗੋਲੀਆਂ ਏ.ਐਨ ੯੪ ਬੰਦੂਕ ਚੋਂ ਚੱਲੀਆਂ ਹਨ,

ਭਲਾ ਡੀ.ਜੀ.ਪੀ ਕੋਲ ਕਿਹੜਾ ਦੂਰਦਰਸ਼ਨ ਲੱਗਿਆ ਸੀ ਉਹ ਇੰਨ੍ਹਾਂ ਸਪੱਸ਼ਟ ਕਿਵੇਂ? ਕਤਲ ਤੋਂ ਬਾਅਦ ੨-੩ ਦਿਨ ਚੈਨਲਾਂ ਤੇ ਖਬਰਾਂ ਚੱਲੀਆਂ ਕਿ ਮੂਸੇਵਾਲੇ ਦੇ ਕਤਲ 'ਚ ਸਰਕਾਰੀ ਕਾਰਤੂਸ ਵਰਤੇ ਗਏ ਹਨ ਪਰ ਗਲਬਾ ਪੈਣ ਤੇ ਚੁੱਪ ਹੋ ਗਏ ਕਾਤਲਾਂ ਵੱਲੋਂ ਜੋ ਵੀ ਅਸਲਾਖ਼ਾਨਾ ਜਾਂ ਸਮੱਗਰੀ ਵਰਤੀ ਗਈ ਸਰਕਾਰੀ ਸਹਿਯੋਗ ਤੋਂ ਬਿਨਾ ਉਹਦੀ ਵਿਵਸਥਾ ਹੋ ਹੀ ਨਹੀ ਸਕਦੀ

ਫੇਰ ਕਾਤਲ ਇੱਕੋ ਦਮ ਕਿਵੇਂ ਤੇ ਕਿੱਧਰ ਅਲੋਪ ਹੋਏ ਕੁਛ ਸਮਝ ਨੀ ਲੱਗਾ। ਇੱਕ ਸਵਾਲ ਇਹ ਵੀ ਉਠਦਾ ਹੈ ਕਿ ਭਾਰਤ ਦੀ ਸਭ ਤੋਂ ਮਹੱਤਵਪੂਰਨ ਤਿਹਾੜ ਜੇਲ੍ਹ 'ਚੋਂ ਬਹਿ ਕੇ ਬੰਦੇ ਮਰਾਉਣੇ ਇੰਨ੍ਹੇ ਸੌਖੇ ਹਨ? ਗੈਂਗਸਟਰਾਂ ਨੂੰ ਇਸਦੀ ਪਿਸ਼ਟਭੂਮੀ ਸਰਕਾਰ ਦਿੰਦੀ ਹੈ ਸਿੱਧੂ ਦੇ ਕਤਲ ਤੋਂ ਮਹੀਨਾਂ ਪਹਿਲਾਂ ਇਹ ਖ਼ਬਰ ਆਈ ਸੀ ਕਿ ਲਾਰੈਂਸ ਬਿਸ਼ਨੋਈ ਦਾ ਖ਼ਦਸ਼ਾ ਹੈ

ਕਿ ਪੁਲਿਸ ਉਹਦਾ ਝੂਠਾ ਮੁਕਾਬਲਾ ਬਣਾਉਣਾ ਚਾਹੁੰਦੀ ਹੈ ਇਹ ਗੱਲ ਸ਼ੱਕ ਪੈਦਾ ਕਰਦੀ ਹੈ ਕਿ ਸ਼ਾਇਦ ਲਾਰੈਂਸ ਨੂੰ ਧਮਕਾਇਆ ਜਾ ਉਸਤੇ ਕੋਈ ਦਬਾਅ ਪਾਇਆ ਗਿਆ ਹੋਵੇ। ਝਾੜੂ ਸਰਕਾਰ ਵੱਲੋਂ ਮਹੀਨਾਂ ਪਹਿਲਾਂ ਐਲਾਨ ਕੀਤਾ ਗਿਆ ਸੀ ਕਿ ਭੜਕਾਊ ਗੀਤ ਗਾਓੁਣ ਵਾਲਿਆਂ ਤੇ ਕਾਰਵਾਈ ਹੋਏਗੀ, ਹੁਣ ਸਮਝ ਆਈ ਕਿਇਹ ਕਿਹੜੇ ਭੜਕਾਊ ਗੀਤਾ ਤੇ ਕਾਰਵਾਈ ਦੀ ਗੱਲ ਕਰਦੇ ਸੀ.

ਇਹ ਅਸਿੱਧੇ ਤੌਰ ਤੇ ਇੱਕ ਧਮਕੀ ਸੀ। ਸਰਕਾਰ ਅਤੇ ਹਿੰਦੂਤਵੀ ਤਾਕਤਾਂ ਹਮੇਸ਼ਾਂ ਤੋਂ ਸਾਡਾ ਖੇਡ ਖਡੀਈਆ ਦੇਖਦੀਆਂ ਆ ਰਹੀਆਂ ਹਨ, ਮਰਨ ਵਾਲੇ ਵੀ ਸਾਡੇ ਹੁੰਦੇ ਹਨ ਅਤੇ ਮਾਰਨ ਵਾਲੇ ਵੀ ਸਾਡੇ ਪਰ ਮਰਾਉਣ ਵਾਲਿਆਂ ਦਾ ਦੋਵਾਂ ਨੂੰ ਹੀ ਨਹੀਂ ਪਤਾ ਹੁੰਦਾ ਸੋ ਇਹ ਗੱਲ ਕਿਸੇ ਨੂੰ ਸਪੱਸ਼ਟ ਨਹੀਂ ਹੁੰਦਾ ਕਿ ਸਾਡੀ ਵਰਤੋਂ ਹੋ ਰਹੀ ਹੈ।
–ਗੁਰਦੀਪ ਸਿੰਘ

@UnrollHelper unroll