Thread by @Dangeros_person

دوہزار پانچ کے زلزلے کے بعد دریائے نیلم کے کنارے ایک صاحب نے قصہ سُنایا تھا۔
فیصل آباد اور ساہیوال کے درمیان جانگلی کہلائے جانے والے علاقے میں واقع میرے گاوں کا ایک بابا ہے، ستر سال سے زیادہ کی عمر، لیکن کاٹھی بہت مضبوط ہے، بغیر لاٹھی کے بلا
#دوہرہ_نظام_انصاف_نامنظور
(1)

تھکان چلتا ہے۔ بینائی اور سماعت وغیرہ سبھی قابل رشک ہیں۔ نہایت اکھڑ مزاج مشہور ہے۔ ساری زندگی مشقت کرتے، روکھی سوکھی کھاتے اور دشمنیاں نبھاتے گزار دی تھی۔ بابے کا اکلوتا بیٹا بھی دشمنی میں جان کی بازی ہارا ہوا تھا۔ بابا اپنی اہلیہ کے ساتھ رہتا تھا۔ ایک بیٹی ساتھ والے گھر ہی (2)

بیاہی ہوئی تھی۔ وہ بھی خیال رکھتی تھی۔ لیکن بابے کے دو بھینسیں پالی ہوئی تھیں۔ جن کا دودھ کی فروخت سے میاں بیوی کی گزر اوقات تھی۔

ہم نے زلزلہ متاثرین کے لیے عطیات جمع کرنے کی مہم میں اُس کے گھر کے دروازے پر بھی پہنچے۔ بابے نے پوری بات سُنی، متعدد سوال کیے۔ پھر اٹھ کر (3)

اندر چلا گیا۔
واپس آیا تو پندرہ سو نقد اور ایک عدد بھینس کے کٹے کو ہمارے حوالے کرنے کی کوشش کی۔ ہمیں بابے کے حالات کا علم تھا، اس لیے صرف پانچسو روپے لینے پر آمادہ ہوئے۔ لیکن بابا ایک بھی سُننے کو تیار نہیں تھا۔ اکھڑ پن میں دو چار موٹی موٹی گالیاں بھی لُڑکائیں۔ خیر طویل (4)

"لڑائی جھگڑے" کے بعد ہمیں پندرہ سو پورا وصول کرنا پڑا۔ لیکن کٹا نہیں لیا۔

اگلے دن صبح ہم گاوں سے باہر سڑک کنارے کیمپ میں بیٹھے پلاننگ کر رہے تھے کہ بابا وہاں پہنچ گیا۔ بابے نے اپنی "دھوتی کی ڈب" سے چھ ہزار چار سو اور اسی روپے نکال کر گنے اور میز پر رکھ دیے۔ بابے نے بتایا کہ (5)

اُس نے چھ ہزار چار سو میں کٹا بھیچا ہے۔ جبکہ اسی روپے دو کلو دودھ کی قیمت ہے جو اُس نے روزانہ زلزلہ متاثرین کے لیے وقف کر دیا ہے۔ یہ وقم بھی ہمیں سینکڑوں گالیاں کھانے کے بعد بلآخر قبول کرنا پڑی۔

اس کے بعد یہ معمول بن گیا، بابا روزانہ صبح اسی روپے لا کر دیتا، پھر ہمارے (6)

ساتھ ہی عطیات جمع کرنے کے سفر پر روانہ ہو جاتا۔ ہم گاوں گاوں گھر گھر جاتے۔ کوئی ایک ہفتے بعد ایک روز ہم نے بابے سے درخواست کی کہ وہ آج کیمپ میں ڈیوٹی دے۔ بابا کہنے لگا پتر تمہیں معلوم ہے کہ میں زیادہ دیر بیٹھ نہیں سکتا، چلا جتنا لو۔ میں بیٹھ نہیں سکوں گا۔ ہم نے اُس روز آرام (7)

کا مشورہ دیا تو بابے موٹی سی گالی آرام کو دے ڈالی۔ "وہاں لوگ بھوکے پیاسے سردی سے مر رہے ہیں اور میں یہاں آرام کروں تف ہے"

ہم در اصل اُس روز بابے کو ساتھ نہیں لے جانا چاہتے تھے۔ اُس دن ہمارا پلان "لاشاری بلوچوں" کے گاوں جانے کا تھا۔ جن سے بابےکی پرانی دشمنی تھی، اسی دشمنی میں (8)

اس کا اکلوتا بیٹا بھی جان ہارا ہوا تھا۔ لاشاریوں کی طرف سے صلح کی کئی کوششیں ہو چکی تھیں لیکن بابا کسی کی نہیں سُنتا تھا۔ ہم نہیں چاہتے تھے کہ ہمارا دشمنوں کے پاس جانے کا سُن کر بابے کو دکھ ہو۔

لیکن جب بابا کسی طور نہیں مانا، تو ہم نے اُس کو کھل کر بتا ہی دیا۔ بات سُن کر (9)

ایسا لگا کہ بابے کو سانپ سُونگھ گَیا۔ وہ کافی دیر تک بالکل خاموش رہا، ہم ٹکٹکی باندھ کر اُسے دیکھ رہے تھے۔ لیکن کسی کو کچھ کہنے کی ہمت نہیں ہوئی۔ اُس کے چہرے پر ایک رنگ آ اور ایک رنگ جا رہا تھا۔

کافی دیر بعد بابا اٹھ کھڑا ہوا، ہم گالیاں کھانے کو تیار تھے۔ بابا بالکل پُر (10)

سکون آواز میں بولا۔ "لاشاریوں سے دشمنی میں میرا بیٹا تو مارا گیا۔ لیکن میں اپنی دشمنی میں اُس جان کو ہلاکت میں نہیں ڈالوں گا، جو بچائے جا سکتی ہے۔ آج کوئی دشمنی نہیں۔ چلو میں بھی تمارے ساتھ چلتا ہوں۔"
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج جب یار لوگ مجھے کارپوریٹ ڈونیشن کی مجبوریاں (11)

سُناتے ہیں تو مجھے وہ بابا یاد آتا ہے، جس میں نام بھی نہیں جانتا۔ جس شخص نے یہ قصہ سُنایا تھا وہ بھی اس دنیا میں نہیں رہا۔

مجھے وہ چند مٹھی بابرکت کھجوریں یاد آتی ہیں، جنہیں غزوہ تبوک کے موقعہ پر سونے اور چاندی کے ڈھیر پر بکھیرا گیا تھا۔

(12)

مادیت کے غلبے نے ہمیں اُس مقام پر لا کھڑا کیا ہے کہ ہم اپنی اصل اور اپنا مقصد بھی فراموش کر بیٹھے ہیں۔

برادر مہتاب عزیز کی وال سے اقتباس ۔
(13)
ختم ۔

@threadreaderapp
please unroll