Thread by @keerthanaram142

#பரவும்_விஷச்செடி
By
ஶ்ரீதர் சுப்ரமணியம்

ரன்பீர் கபூர், ஆலியா பட், அமிதாப், நாகார்ஜுனா போன்றோர் நடித்த 'பிரம்மாஸ்த்ரா' படம் இந்த வாரம் வெளியாகவிருக்கிறது. பெரும் பொருட் செலவில் பேன்-இந்தியா லெவலில் எடுக்கப்பட்ட இந்தப் படத்தினை விளம்பரப்படுத்தும் பயணத்தில் ரன்பீர், ஆலியா மற்றும்

இயக்குனர் அயான் முகர்ஜி ஈடுபட்டுள்ளனர். அதற்காக மத்தியப் பிரதேசத்தில் பயணத்தில் இருக்கும் போது உஜ்ஜைன் நகரத்தில் உள்ள மகாகால் கோயிலுக்கு போயிருக்கிறார்கள். அங்கே ரன்பீருக்கு எதிராகக் கூடிய பஜ்ரங்தள உறுப்பினர்கள் பெரும் கோஷங்களை எழுப்பி இவர்களை கோயிலுக்குள் நுழைய விடாமல் தடுத்துப்

போராடி இருக்கிறார்கள். போலீஸ் வந்தும் கூடப் பயனின்றிப் போனதில், இயக்குனர் அயான் முகர்ஜி மட்டும் கோயிலுக்குள் போய் வழிபட்டு விட்டு வந்திருக்கிறார்.

பஜ்ரங் தளத்தினரின் போராட்டத்துக்குக் காரணம்: ரன்பீர் கபூர் மாட்டுக்கறி சாப்பிடுபவர் என்பதுதான். அதாவது 2011ல் ஏதோ ஒரு பேட்டியில்

தனது குடும்பத்தினரின் உணவுப் பழக்கங்கள் பற்றிப் பேசுகையில் இதைக் குறிப்பிட்டு இருக்கிறார். அவர் குடும்பம் பெஷாவர் நகரத்தில் இருந்து குடிபெயர்ந்தவர்கள் என்பதால் அவர்கள் மட்டன்,சிக்கன் இவற்றுடன் மாட்டுக்கறியும் சாப்பிடும் வழக்கம் கொண்டிருந்திருக்கிறார்கள், என்று சொல்லி இருக்கிறார்.

அதே பழக்கம் தனக்கும் இருக்கிறது என்றும் பேசி இருக்கிறார். அந்தப் பழைய பேட்டியை யாரோ தோண்டி எடுத்து இணையத்தில் வலம் விட்டு விட, சர்ச்சை கிளம்பி விட்டிருக்கிறது.

இதில் ஆச்சரியம் என்னவெனில் ரன்பீர் குடும்பத்தில் அனைவரும் பஞ்சாபி இந்துக்கள். அந்தக் குடும்பத்தினர் மாட்டுக்கறி

சாப்பிடுகிறார்கள் என்ற சேதி உண்மையில் இந்துத்துவர்களுக்கு விழிப்புணர்வை கொடுத்திருக்க வேண்டும். முஸ்லிம்கள் மட்டும்தான் மாட்டுக்கறி சாப்பிடுபவர்கள் என்று இவர்கள் செய்து வரும் பிரச்சாரம் போலி என்பது புரிந்திருக்க வேண்டும். இந்துக்கள் எல்லாருமே மாட்டுக்கறியை ஒதுக்குபவர்கள் அல்ல;

பஞ்சாபி இந்துக்கள், கேரள இந்துக்கள், வட கிழக்கு இந்துக்கள், தமிழ் இந்துக்கள், தெலுகு இந்துக்கள் போன்றவர்களில் பலர் மாட்டுக்கறி சாப்பிடுபவர்கள். தலித்துகளும் கூட சாஸ்திரப்படி இந்து வரையறையில் வர மாட்டார்கள் எனினும் தேசம் முழுக்க அவர்களில் பலரும் மாட்டுக்கறி பழக்கம் உள்ளவர்கள்.

எனவே மாட்டுக்கறியை ஒதுக்குதல் என்பது இந்து மரபில் சில சாதியினர் மட்டுமே பின்பற்றும் குறுகிய வழக்கம் என்ற தெளிவு ரன்பீர் பேட்டி மூலம் இவர்களுக்குக் கிடைத்திருக்க வேண்டும்.
ஆனால் அந்தத்தெளிவு எல்லாம் சிந்திக்கும் திறன் படைத்தவர்களுக்கு மட்டும்தான் கிடைக்கும். மூளை முழுக்க வெறுப்பு

மண்டிக் கிடக்கும் மூடர்களுக்குக் கிடைக்க வாய்ப்பில்லை. எனவே, ரன்பீரை கேரோ செய்து மறித்து கோயிலுக்குள் புக விடாமல் துரத்தி அடித்திருக்கிறார்கள். இது நடந்த பின் ஆமீர், டாப்சி படங்களுக்கு எதிராக இணைய பாய்காட் பிரச்சாரம் ஆரம்பித்தது போல 'பிரம்மாஸ்த்ரா' படத்துக்கும் எதிராக

பாய்காட்டை துவங்கி விட்டிருக்கிறார்கள்.

இந்த பாய்காட் மூலம் படம் தோல்வி அடைந்தால் அதில் ரன்பீர், ஆலியா இருவருக்குமே பெரிய பாதிப்பு இருக்காது. லால் சிங் சட்டா தோல்வி அடைந்ததில் ஆமிருக்கு பெரிய இழப்பு இல்லை. டென்ஷனைக் குறைக்க ஜாலியாக அமெரிக்கா போய் விட்டார். மாறாக பெரும் செலவில்

தயாரிக்கப்பட்டிருக்கும்
படத்தில் வேலை செய்த நூற்றுக்கணக்கான தொழிலாளர்கள் மற்றும் ஆயிரக்கணக்கான தியேட்டர் ஊழியர்கள் போன்றோர் பாதிப்படைவார்கள். ஏற்கனவே பாண்டேமிக்கில் அடி வாங்கிய திரையரங்குகள், பாலிவுட் படங்களின் தொடர் தோல்விகள் காரணமாக மேலும் பாதிப்புக்கு உள்ளாகி வருகின்றன.

இனிமேல் பெரிய பட்ஜெட் படங்கள் மட்டுமே மக்களை திரையரங்குகளுக்கு இழுத்து வரும் சக்தி கொண்டிருக்கின்றன. அப்படிப்பட்ட படங்களையும் இப்படி பிரச்சினை பண்ணி தோல்வியடைய வைப்பதன் மூலம் ஆயிரக்கணக்கான சாமானிய மக்களின் சோற்றில்தான் மண்ணைப் போடுகிறோம் என்பதை உணர்வதே இல்லை.

அது ஒரு புறம் இருக்க, மாட்டுக்கறி பிரச்சினையில் முஸ்லிம்களைத்தான் குறி வைக்கிறார்கள் என்று பலர் கவலைப்படாமல் இருந்தார்கள். முஸ்லிம்களை ஒடுக்கி முடித்து விட்டு இப்போது இந்துக்களில் ஒரு சாராரையும் குறி வைக்க ஆரம்பித்திருக்கிறார்கள். அடுத்து வேறு சர்ச்சையில் வேறொரு இந்துக்

குழுவினரை டார்கெட் செய்வார்கள். இவர்கள் பின்பற்றும் உயர்சாதி பிராமணீய சித்தாந்தத்துக்கு மாறாக இயங்கும் அனைத்து இந்து மரபுகளும் அடி வாங்கப் போகிறார்கள். அவர்களை எல்லாம் அடித்து காலி பண்ணி அப்புறம் நாத்திகர்கள் பக்கம் வரக்கூடும்
இந்துத்துவ விஷச்செடி வேகமாக பரவிக் கொண்டு வருகிறது.