Thread by @xvn29

"ہاں میں مہاجر ہوں"

ازقلم: سارا (ربیل)

تم کیوں میرے حق میں
آواز اٹھاؤ گے؟
تمہارے شہر میں
تمہاری لاشیں نہیں ملتیں
میرے شہر میں
میرے گھر جلائے جاتے ہیں
میرے اپنے جلائے جاتے ہیں
میرے شہر میں
قیمت ہمارے سر کی لگاتے ہیں
میرے شہر میں
ہمارے اپنے مٹائے جاتے ہیں

#StopKillingsOfMohajirs

سنا تم نے؟
"ہاں میں مہاجر ہوں"
میں ہندوستان سےہجرت کرکےپاکستان پہنچا تھا،اپنے وطن، پاک وطن،اس وطن کی خاطر میں نے اپنے آباؤ اجداد کی پرکھوں کی زمین کو چھوڑ دیا تھا جہاں مجھے بتایا گیا تھا کہ میں "آزادی" کے ساتھ اپنے وطن میں زندگی گزار سکوں گا لیکن افسوس صد

#StopKillingsOfMohajirs

افسوس صد افسوس
ہم کہ ٹہرے اجنبی
اتنی مداراتوں کے بعد

مگر یہاں اس وطن پاک وطن میں میرے لئےکوئی جگہ نہیں تھی میں یہاں آکر جنگلوں میں بسایا گیا، مجھے پاکستان کے کسی شہر میں سر چھپانے کی جگہ نہیں دی گئی، میں ہندوستان سے چلا تو رستا کٹتا نہ تھا، پاؤں زخمی تھے

#StopKillingsOfMohajirs

جگر لہولہان تھا چہرہ گرد آلود تھا
دماغ سوچنے سمجھنے سے قاصر تھا بس ایک آس تھی ایک امید تھی کہ شاید میں زندہ اپنے پاک وطن کی سرزمین پر قدم رکھ کر سجدہ شکر بجالاؤنگا، میں دیکھ رہا تھا لوگ کٹے پھے لٹے مٹے، راستوں راہوں میں لاشوں کی صورت زمین پر بکھرےپڑے تھے

#StopKillingsOfMohajirs

میری آنکھیں دھندھلا گئی تھیں میری أنکھوں سے آنسو رواں تھے میں خود ایک لٹے ہوئے بکھرے ہوئے خاندان کے ساتھ محو سفر تھا میرے دادا کے پانچ بھائی اس کاروان کاحصہ تھے مگر میرے دادا کے پانچوں بھائیوں کے خاندان میں کوئی جوڑا مکمل نہ تھا

#StopKillingsOfMohajirs

کوئی گھر مکمل افراد کے ساتھ نہیں تھا میرے ساتھ کوئی فرد ایسا نہ تھا
جو مکمل خاندان کے ساتھ سفر کررہا ہو، کسی کا بیٹا بچھڑ گیا تھا کسی کی ماں مر گئی تھی کسی کے والد کا سایہ سر سے اٹھ گیا تھا کسی کے بھائی کا لاشہ ٹکڑے کردیا گیا تھا

#StopKillingsOfMohajirs

تو کسی کی بہن کی عصمت کا سودا ہوگیا تھاچاروں جانب خون ہی خون تھا اوراگریہ کہاجائے کہ خون کی ہولی کھیلی جارہی تھی توبیجا نہ ہوگا
لیکن پھربھی شوق سفرتھا کہ سارا غم ہم بھول بیٹھے تھے
مگر شوق سفر تھا کہ ہمیں اپنے پاک وطن پہنچنے کےعلاوہ کچھ نظر نہیں آرہا تھا

#StopKillingsOfMohajirs

گاڑی تھی کہ بس چلی جارہی تھی ہندو بلوائیوں کے حملے مسلسل ہر اسٹیشن پر ہورہے تھے گاڑی کے ڈبوں کو آگ لگائی جارہی تھی لیکن۔۔۔۔۔!!
انتظار تھا کہ۔۔۔
ختم نہیں ہورہا تھا
انتظار۔۔۔!!
پاک وطن کی سر زمین پر سجدہ شکر
ادا کرنے کا انتظار

#StopKillingsOfMohajirs

انتظات تھا بس انتظار
طویل انتظار اس امید پر کہ
اپنے وطن پاک وطن کی زمیں پر سجدہ شکر بجالانے کا وہ لمحہ میری طلب کو بڑھائے جارہا تھا
میں بے چین تھا میرے ساتھ میرے اپنے بےچین تھے سوال تھا سب کے لبوں پر بس ایک۔۔۔!!
"پاکستان کب أئے گا؟"

#StopKillingsOfMohajirs

"پاکستان کب آئے گا؟"
یہ سوال تھا جو لب زدعام تھا سب کو پاکستان پہنچنے کی جلدی تھی سب کو وطن پاک پہنچنا تھا پھرشاید ہم پاکستان کی حدود میں داخل ہوچکے تھے ہمیں نہیں معلوم تھا ہم کس راستے پر ہیں، کہا ناں کہ منزل کا نشاں معلوم نہ تھا، اپنا انجام معلوم نہ تھا

#StopKillingsOfMohajirs

بس شوق سفر تھا
کہ ہم کارواں کی مانند رواں تھے
"کیا پاکستان آگیا؟"
اب یہ سوال سب کی زبان پر تھا لیکن ہمارے بڑے بوڑھے ہمیں ہر اسٹیشن پر یہی کہتے رہے نہیں بیٹا ابھی پاکستان نہیں آیا جب ف
گاڑی رکتی اسٹیشن آتا سب بیتابی سے ایک ہی سوال کرتے
"کیا پاکستان آگیا؟"

#StopKillingsOfMohajirs

اورجواب یہی ملتا
"نہیں بچوں ابھی پاکستان نہیں آیا"
ایسا کیا تھا کہ سفر بہت طویل ہوگیا تھا وقت تھا کہ تھم ہی نہیں رہا تھا اب تو ہندو بلوائی بھی نظر نہیں آرہے تھے اب کوئی شور نہ تھا نہ آگ نہ دھواں نہ لاشوں کے ڈھیر تو یہ کونسی زمیں تھی؟ جہاں ہم پہنچ گئے تھے؟

#StopKillingsOfMohajirs

"یہ کونسی زمیں تھی جہاں ہم پہنچ گئے تھے؟ ہمارے ننھے ذہن سوال کر رہے تھے اور جواب ڈھونڈ رہے تھے ہمارے بڑے جو ہر اسٹیشن پر باہر نکلتے دوروازے تک جاتے پھر واپس آجاتے پہلے پہل بہت خوشی خوشی ہر اسٹیشن پر اتررہے تھے پھر آہستہ آہستہ ہمارے بڑوں کے۔۔۔۔۔

#StopKillingsOfMohajirs

کے قدم بوجھل اور أنکھیں نمناک سی تھیں وہ ہمیں مایوسی سے دیکھتے اور یہی جواب دیتے نہیں بیٹا ابھی اکستان بہت دور ہے پاکستان ابھی نہیں آیا آپ سب سو جاؤ اب ہم محفوظ ہیں اب ہمیں کوئی بھی نقصان نہیں ہوگا
جب پاکستان آئے گا ہم آپکو اٹھ دینگے

#StopKillingsOfMohajirs

اور ہم سب پرسکون ہوکر سو گئے کارواں چلتا رہا اسٹیشن گزرتے رہے اندھیری رات صبح کے سویرے میں تبدیل ہوگئے لیکن ہمیں ہمارے سوال کا جواب ابھی تک نہیں ملا تھا
"پاکستان ابھی تک نہیں آیا تھا"

#StopKillingsOfMohajirs

اور پھر طویل کٹھن سفر گویا تمام ہوا ایک اسٹیشن پر گاڑی رکی ہم نے کھڑکی سے باہر جھانکا جنگل بیابان ویران سنسان اسٹیشن تھا، ہمارے بڑے بزرگ گاڑی سے نیچے اترے اور دمکتے چہروں کے ساتھ واپس آئےاور ہمیں نوید دی کہ مبارک ہو پاکستان آگیا ہے
ہم پاک وطن پہنچ گئےہیں

#StopKillingsOfMohajirs

یہ کیسا پاکستان تھا؟
جنگل ویران بیابان؟
نہ زمیں پر سبزہ نہ کھیت نہ پہاڑ نہ انسان نہ رونق؟
اس سے پہلے جو پرسکون اسٹیشنز گزرے وہ تو بہت پررونق تھے آباد تھے زندگی سے بھرپور تھے لوگ تھے کھیت تھے کھلیان تھے بڑے شہر تھے آباد تھے مگر یہ کیسا علاقہ تھا؟

#StopKillingsOfMohajirs

نہ کوئی آیا نہ کسی نے خوش آمدید کہا کوئی آتا بھی تو بھی کیسے؟
وہاں تو کوئی تھا ہی نہیں وہ تو جنگل بیابان تھا ویران سنسان تھا
یہ کیسا پاکستان تھا؟

#StopKillingsOfMohajirs

ہمارے بزرگوں نے کہا
"یہی ہے ہمارا پاکستان"
یہی ہے ہماری پہچان
ہماری مٹی جس کے لئے ہم نے لاکھوں جانوں کا نزرانہ دیا
جسکی بنیادوں میں ہمارا لہو ہے
"یہی ہے وہ پاکستان"
اور ہم ہمارے خاندان والے اور ہمارے ساتھ آنے والے سینکڑوں ہزاروں لوگوں نے پاک سر زمین پر۔۔۔

#StopKillingsOfMohajirs

سجدہ شکر ادا کیا
اور ایک دوسرے کو مبارکباد دی
کہ ہم اپنے پاکستان پہنچ گئے ہیں
"ہمارا پاکستان"
اور پھر ہم مہاجروں نے ایک جنگل بیابان شہر کو اپنی محنت طاقت روپے پیسے تعلیم ہنر عقل و شعور کو استعمال کرتے ہوئے "شہر کراچی" بنا دیا
جو پاکستان کی شہہ رگ بن گیا

#StopKillingsOfMohajirs

گویا پاکستان کا معاشی حب بن گیا
اور جس جنگل بیابان میں ہمیں آباد کیا گیا اسی شہر نے ناصرف خود کو پروان چڑھایا بلکہ اسی پاکستان کے صوبوں اور شہروں کو امداد دی 80٪ ریونیو دیا کہ وہ شہر جن سے ہم قیام پاکستان کے وقت گزرے تو وہ کہتے تھے آگے جاؤ

#StopKillingsOfMohajirs

"آگے جاؤ یہ پاکستان نہیں ہے"
ان تمام "تعصبی" صوبوں شہروں نے ہمیں حقیرفقیر جان کر،ننگا بھوکا مان کر ہمیں زمیں نہ دی ہمیں آباد کرنےکی حامی نہ بھری اور ہمیں جنگل بیابان میں آباد کردیا گیا جہاں سندھ میں رہنے والے خود بھی رہنا پسند نہیں کرتے تھے ہمیں آباد کیا

#StopKillingsOfMohajirs

پھر سب نے دیکھا کہ مہاجرین پاکستان کے ساتھ نام نہاد پاکستانیوں نے کیسا سلوک کیا، ریاست نے ہم پر کیا مظالم ڈھائے، ظلم جبر ذیادتی کے ذریعے کس طرح مہاجر قوم کی نسل کشی کی گئی آپ ہم سب جانتے ہیں

#StopKillingsOfMohajirs

اور جب ہمیں ہمارے لیڈر قائد رہنماء کی صورت میں قائد تحریک جناب " الطاف حسین کی صورت میں ایک راہبر ملا تو انہیں گرانے مٹانے ستانے تڑپانے ختم کرنے کی ہر ممکن کوشش کی گئی گویا مہاجر نام کو مٹانے کی کوشش کی گئی

#StopKillingsOfMohajirs

ہم پر طرح طرح کے مظالم ڈھائے گئے
ہمارے نوجوانوں بھائیوں ساتھیوں کارکنان اور ہمدردوں کو صفحہ ہستی سے مٹانے کے لئے اوچھے ہتھکنڈے استعمال کئے گئے منفی پروپیگنڈہ کیا گیا کیونکہ اشرافیہ ریاست اسٹیبلشمنٹ، و تمام ادارے ہمیں سمندربرد کردینے کے خواب دیکھتے تھے۔۔۔

#StopKillingsOfMohajirs

انہیں " مہاجر" کبھی گوارا نہیں ہوئے
انکی نفرت بڑھتی چلی گئی انہیں الطاف حسین اور ایم کیو ایم سے نفرت تھی مہاجر سے نفرت تھی انہیں ہمیں ہمارے جائز حقوق دینا گوارا نہ تھا اس لئے قیام پاکستان سے آج تک ہم نفرت کی آندھی میں پل رہے ہیں آنکھوں میں کھٹک رہے ہیں۔۔

#StopKillingsOfMohajirs

ہمارا جرم کیا ہے؟
کیا مہاجر ہونا
ہمارا جرم ہے؟
کیا کراچی والا ہونا
ہمارا جرم ہے؟
پاک وطن کی طلب میں اپنی پرکھوں کی زمین جائیداد
مال متاع دولت
چھوڑ کر پاکستان آنا
ہمارا جرم ہے؟
لاکھوں جانوں کا نذرانہ دینا
ہمارا جرم ہے؟

#StopKillingsOfMohajirs

کیا زمیں کی بنیادوں کو
اپنے خون سے سینچنا
ہمارا جرم ہے؟
وطن کی طلب میں
حق پرچلنا
ہمارا جرم ہے؟
کیا الطاف حسین سے
محبت کرنا
ہمارا جرم ہے؟
کیا ایم کیو ایم سے
ہمارا تعلق ہونا
ہمارا جرم ہے؟
"ہمارا جرم کیا ہے؟"

#StopKillingsOfMohajirs

کبھی ہمارے پیاروں کو
ماورائے عدالت قتل کرتے ہو
کبھی ہمارے اپنوں کو
مرگلہ کی پہاڑیوں میں
زندہ دفن کرتے ہو
کبھی کیٹی بندر میں
بہاتے ہو
کبھی جنگل بیابانوں میں
پھینک دیتے ہو
جلا دیتے ہو
مسخ کردیتے ہو
شناخت مٹا دیتے ہو

#StopKillingsOfMohajirs

لیکن سوال تو
پھر وہی ہے
"ہمارا جرم کیا ہے"
ہم افف تک نہیں کرتے
پرامن احتجاج کرتےہیں
تم ہم پرگولیاں چلاتےہو
ہمارے قائد کا
گھر جلاتے ہو
ہم تم سے اپنا
حق مانگتے ہیں
تم ہمیں مٹادیتے ہو
ہم سے اتنے
نالاں کیوں ہو؟
بند کردو ظلم
بند کردو ہماری
نسل کشی کرنا

#StopKillingsOfMohajirs

انصاف کرو
کہ کہیں دیر نہ ہوجائے
انصاف کرو
اس سے پہلے کہ
مکافات عمل ہوجائے
انصاف کرو
کیونکہ تم نے ہمیں
کاٹ دیا
دیوار سے
لگادیا
نام و نشاں مٹانے کی
ہرممکن کوشش کرلی
الطاف حسین سے
دور کرنے کا
ہر جتن کر لیا
لیکن سنو
مان لو تم
کہ تم جیت کر بھی
ہار گئے ہو

#StopKillingsOfMohajirs

جنھیں تم لاش
سمجھ کر
پھینکتے ہو ناں
جنھیں تم دیوار سے
لگا رہے ہو
جنھیں تم ظلم سے
دبا رہے ہو
جنکا نام و نشاں
مٹا رہے ہو
وہ ہار کر بھی
جیت گئے ہیں
تم جیت کر بھی
ہار گئے ہو۔۔۔!!
"ماں لو تم ہار گئے ہو"

#StopKillingsOfMohajirs

@threadreaderapp
Please compile

@UnrollHelper
please unroll