Thread by @iamkhadim786

ٹرانس جینڈر لعنتی قانون کے خلاف احتجاج کا بھرپور حصّہ بنیں تاکہ ہم قوم لوط کی طرح اللہ کے عذاب کی پکڑمیں نہ آجائیں

#AmendTransgenderAct

*🎙️ٹرانس جینڈر ایکٹ اور سینیٹر مشتاق احمد کے انکشافات*

ٹرانس جینڈر سے متعلق بہت کچھ کہا اور لکھا جارہا ہے، اس ایکٹ میں جو غیر شرعی شقیں ہیں، وہ کسی ذی شعور اور ذی فہم سے ڈھکی چھپی نہیں ہیں، میرا مذہب "انسانیت" کے نام پر کہہ کر "دین اسلام" سے دوری،

آزادی نسواں، جسم فروشی اور حقوق کے نام پر "سیکولرازم" کے فروغ اور "اجتماعیت" کے عنوان پر "وحدة الأدیان" کی تعبیر سمجھ سے بالاتر ہے، ملک و ملت کا تحفظ ہر شہری اور امتی کے ذمہ ہے، اس معاملے میں ہر فرد اپنے تمام سیاسی و ذاتی مفاد کو بالائے طاق رکھتے ہوئے دینی، اخلاقی و ملی کردار

پیش کرے، یہاں مسئلہ صرف چند صفحات کا نہیں ہے، مسئلہ مسلم تہذیبوں کے تشخص اور اسلامی ثقافت کی بقاء کا ہے، تہذیبوں اور ملتوں کے باہمی تصادم کا ہے، اس میں تہذیبی دہشت گردی اور خاندانی جارحیت کار فرما ہے، یہ ایکٹ قرآن و سنت، دستور پاکستان، اسلامی معاشرے، قانون نکاح و وراثت اور

حقوق نسواں اور آزادی اقوام کے خلاف ہے۔

📖 ٹرانس جینڈر کی تین تعریفیں اور چشم کشا حقائق
اس ایکٹ میں ٹرانس جینڈر کی تین تعریفیں کی گئی ہیں مگر عجیب کام یہ کیا گیا کہ ان تعریفات کو انگریزی مسودہ میں رکھا گیا مگر اردو مسودہ سے حذف کردیا گیا، اور خاموشی سے ایوان (سینٹ و قومی اسمبلی)

میں یہ قانون پاس کروا دیا گیا، یہ انکشاف بھی قابل توجہ ہے جس سے اس بات کا اندازہ ہوتا ہے کہ گذشتہ چار سال سے اس پر کیوں خاموشی رہی ؟ اردو مسودہ میں ان تینوں تعریفات کو ذکر نہ کرنے کا سبب سوائے اس کے کیا ہوسکتا ہے کہ کوئی وبال نہ اٹھے، اردو دان طبقہ اور دینی جماعتیں نہ دیکھ سکیں

اور خاموشی سے یہ قانون پاس کردیا جائے، اس قانون میں ٹرانس جینڈر کی تین تعریفات کی گئی ہیں:
1- پیدائشی طور پر جن میں مرد و عورت کی علامات ہوں، ان کو انٹر سیکس اور خنثی کہا جاتا ہے، یہ حقیقی فرد ہے، اصل قانون انہی کے لئے ہے۔
2- جس کے اعضاء کسی حادثے کے سبب متاثر ہوئے اور اس سے اس

کی جنسی صلاحیت متاثر ہوگئی ہو، یہ معذور ہے، خنثی حقیقی نہیں ہے۔
3- جس کو نفسیاتی یا دماغی بیماری ہو اور وہ خود کو مخالف جنس سمجھے، یہ دماغی بیماری ہے، یہی سے ہم جنس پرستی کا چور دروازہ کھلتا ہے۔
اس قانون میں ہر مرد و عورت کو یہ اختیار دیا گیا ہے کہ ہر فرد اپنی جنس کو بدل سکتا ہے

چاہے وہ حقیقت میں کچھ اور بھی ہو، یہ قرآن و حدیث اور دستور پاکستان کے خلاف ہے۔
یہ لاء 160 مسلم ممالک میں سے کسی بھی ایک مسلم ملک میں نہیں ہے، بلکہ ہندوستان جیسے سیکولر ملک میں بھی نہیں ہے۔
جن گنتی کے چند ممالک میں ہے، وہ بھی میڈیکل چیک اپ کی شرط کے ساتھ ہے جس میں دو سال تک طبی

آبزرویشن بھی ہے اور ساتھ میں کسی ماہر نفسیات کا سرٹیفکیٹ بھی لازمی ہے، مزید یہ کہ زندگی میں ایک بار جنس بدلنے کا موقعہ فراہم کیا گیا ہے جبکہ ہمارے ہاں اس نوع کی کوئی شرط نہیں ہے، یہاں بار بار جنس بدلنے کی بھی اجازت ہے اور کوئی طبی و نفسیاتی چیک اپ نہیں ہے۔
اس سے خاندانی نظام پر

اثر پڑے گا، نکاح و وراثت کے معاملات متاثر ہوں گے بلکہ ایسے لوگ خاتون بن کر خواتین کے پرائیوٹ مقامات اور مخصوص اداروں میں بھی جاسکیں گے، یہ تہذیبی دہشت گردی اور خاندانی جارحیت ہے۔
نادرا کے اعداد و شمار کے مطابق جولائی 2018ء سے جون 2021ء تک تقریبا 28 ہزار سے زائد افراد نے جنس

بدلی ہے، اس میں صرف 24 کے قریب حقیقی ٹرانس جینڈر ہیں۔

📖 کیا یہ ایکٹ منظور ہوگیا ہے ؟
پہلے یہ سمجھیں کہ بل ؛ ایک مجوزہ قانون ہوتا ہے، یہ پہلے کسی ایک ایوان (سینٹ یا قومی اسمبلی) میں پاس ہوتا ہے، پھر دوسرے ایوان میں جاتا ہے۔
بل منظوری کے لئے تین جگہوں سے فائنل ہوتا ہے یعنی

قومی اسمبلی، سینٹ اور صدر، ان تینوں کے مجموعہ کو "پارلیمنٹ" کہا جاتا ہے، اس کے بعد یہ بل ، منظور شدہ قانون بن جاتا ہے جس کو ایکٹ کہتے ہیں !!
ٹرانس جینڈر بھی ایکٹ ہے، یہ منظور شدہ ہے۔
اس ایکٹ کو 7 مارچ 2018ء کو سینٹ سے پاس کروایا گیا جو کہ سینٹ کے 50 فیصد ممبران کا الوداعی دن

تھا اور میری تعیناتی 11 مارچ 2018ء کو سینٹ میں ہوئی، جب اس ایکٹ کا سنا تو پھر اس دوران اس پر ہوم ورک کیا جس کو نومبر 2021ء میں پیش کیا مگر سینٹ میں عام طور پر چار ماہ میں ہوجانے والے فیصلے کو دس ماہ تک مؤخر کیا گیا، اب ستمبر 2022ء میں اس پر سماعت ہوئی ہے اور اکتوبر 2022ء میں

مزید ووٹنگ ہوگی، اس ایکٹ کو فوری طور پر ختم کرنے کے لئے دو راستے ہیں:
ایک راستہ وفاقی شرعی عدالت کا ہے مگر یہ راستہ طویل ہے اور سودی نظام کی مثال سامنے ہے جبکہ دوسرا راستہ آرڈیننس کا ہے جو کہ فوری راستہ ہے، آرڈیننس کیا ہے ؟
صدر مملکت کا عارضی طور پر کوئی حکم نامہ جاری کرنا

"آرڈیننس" کہلاتا ہے (جس کی مدت 120 دن ہوتی ہے اور اگر مزید ضرورت ہوئی تو 120 دن مزید توسیع کی جاسکتی ہے) اب اگر اس عارضی حکم نامہ "آرڈیننس" کو ایوان (سینٹ و قومی اسمبلی) پاس کردے تو وہ مستقل ایکٹ بن جاتا ہے، میری تجویز یہ ہے کہ اگر فوری روک نہیں سکتے تو کم از کم خلاف شرع قوانین

کو آرڈیننس کے ذریعہ روک کر اس میں غور و ترامیم کرنے کا موقع دیا جائے۔
1973ء سے اب تک 50 سال ہوگئے ہیں اور تقریبا 1800 آرڈیننس مختلف مقاصد کے لئے جاری کئے گئے ہیں جن میں شاید ہی قرآن و سنت پیش نظر ہو مگر اب ایک آرڈیننس کے ذریعہ اسلام اور ملت اسلامیہ کو تحفظ فراہم کریں، اس وقت

الحمد للہ ! منبر و محراب کی طاقت سے عوامی رد عمل سامنے آیا ہے اور اس پر سیاسی رہنما پریس کانفرنس کرکے وضاحت کررہے ہیں، اس پر سارے دینی طبقات اور مختلف فورم کے حضرات مبارکباد کے مستحق ہیں !!

سینیٹر مشتاق احمد صاحب
@SenatorMushtaq

@threadreaderapp compile