Thread by @inaciugalan

🎂🏛Güei la @RAEinforma fai 308 años. ¡Felicidaes!

@NConcostrina contólo asina na @La_SER ▶️

¿Y si falamos de la rellación de la RAE col #asturianu?

🎖Por exemplu, la RAE ye miembru d’honor de l’Academia de la Llingua Asturiana @ALLA_ast

Abro filu🧵⤵️

L’ilustráu xixonés Gaspar Melchor de Xovellanos, pioneru de la filoloxía asturiana, foi miembru de la @RAEinforma dende 1783. Poco dempués, en 1790, propunxo crear una Academia Asturiana de les Bones Lletres. Magar que dexó les instrucciones, morrió enantes de ser a facela. ⤵️

El 9 de marzu de 1884 Apolinar de Rato y Hevia (por ciertu, bisgüelu del ex ministru Rodrigo Rato) manda una carta n’#asturianu al presidente de la @RAEinforma, pidiendo incluyir pallabres asturianes na edición 12a del diccionariu.

📜Carta completa: bibliotecavirtual.asturias.es/i18n/consulta/…
⤵️

Alredor del añu 1925 discútese la idea de crear unes cátedres de cada llingua d’España dientro de la @RAEinforma. Delles figures asturianes reivindiquen que l’#asturianu entre nesta medida.

Pero… ⤵️

El 26 de payares de 1926 la @RAEinforma crea les secciones catalana, gallega y vasca y afiten places d’académicos pa caúna d’estes llingües. Dexen fuera al #asturianu.

¿D’ónde yera’l presidente de la RAr d’entós, D. Ramón Menéndez Pidal? Pues… asturianu… ¡cómo non!

⤵️

Aquella midida duró poco, el 22 de mayu de 1930 derogóse la presencia de les demás llingües na @RAEinforma.

⤵️

Pero tornemos atrás, porque aquella marxinación del #asturianu tuvo les sos consencuencies, con numberoses declaraciones de protesta n’Asturies, como la del escritor Pin de Pría.

📒 academiadelallingua.com/lletresasturia… ⤵️

Nos años ochenta y noventa, col arranque de los tímidos procesos de normalización n’Asturies hai miembros de la RAE que llancen ataques contra l’#asturianu, que reciben respuestes como esta del secretariu de l’ALLA… ⤵️

Y ye que dende la recuperación de l’@ALLA_ast en 1980, les academies del castellán, galego, euskara y català son miembros d’honor de la entidá asturiana, participando representantes de toes elles na inaguración de la mesma. ⤵️

Y na @ALLA_ast hebo y hai miembros que lo fueron y son de les dos academies, como:

-Dña. Mª Xosefa Canellada Llavona (†)
-D. Emilio Alarcos Llorach (†)
-D. Alonso Zamora Vicente (†)

-D. José Ramón Morala Rodríguez
-Dña. Josefina Martínez Álvarez
⤵️

Tamién podemos falar de cómo define al #asturianu la @RAEinforma. En 2012 visité la RAE pa entregar esti informe. iniciativapolasturianu.org/entregau-l-inf… ⤵️

Y la @RAEinforma cambió la definición, anque non como esperábemos. iniciativapolasturianu.org/la-rae-va-estu… ⤵️

La cosa foi a peor… iniciativapolasturianu.org/iniciativa-pol… ⤵️

Por suerte l’@iec sí que fixo’l cambiu, porque tamién nel casu del català la al entidá académica tamién tenía una defición poco acertada. iniciativapolasturianu.org/l-institut-d-e… ⤵️

Paezme que toi saliéndome del tema, que yera la RAE y l’#asturianu. Pues de momentu, hasta equí. ¿Conociéis estes hestories?