Thread by @Shreya_Sanatani

ಯಾವುದೇ ಕೆಟ್ಟ ಚಟಗಳು ನಮ್ಮನ್ನ ಅಂಟಿಕೊಂಡಿರುವುದಿಲ್ಲ. ನಾವೇ ಕೆಟ್ಟ ಚಟಗಳಿಗೆ ಅಂಟಿಕೊಂಡಿರುತ್ತೆವೆ.ಅವುಗಳನ್ನು ಬಿಡುವ ದೃಢನಿರ್ಧಾರ ಮಾಡಿದರೆ ಯಾವುದು ಅಸಾಧ್ಯವಲ್ಲ ಎಂದು ನಿರೂಪಿಸುವ ಪುಟ್ಟ ಕಥೆ....😊
ಒಂದೂರಲ್ಲಿ ಒಬ್ಬ ಗಂಡ ಹೆಂಡತಿ ತುಂಬಾ ಪ್ರೀತಿಯಿಂದ ಸಂಸಾರ ನಡೆಸುತ್ತಿರುತ್ತಾರೆ.
1/8

ಕೆಲವು ತಿಂಗಳುಗಳ ನಂತರ ಗಂಡ ಸ್ನೇಹಿತರೊಡನೆ ಸೇರಿ ಕುಡಿಯುವ ಅಭ್ಯಾಸ ಕಲಿತ.ದಿನವೂ ಕುಡಿದು ರಾತ್ರಿ ತಡವಾಗಿ ಬರುವುದನ್ನು ಕಂಡು,ಹೆಂಡತಿಗೆ ಗಂಡನ ಆರೋಗ್ಯ ಏನಾಗುವುದೋ ಎಂದು ಭಯವಾಗ ತೊಡಗಿತು.ಪತ್ನಿ ತನ್ನ ಪತಿಗೆ ಎಷ್ಟೇ ಹೇಳಿದರೂ ಕೇಳುತ್ತಿರಲಿಲ್ಲ.ಪತಿಯು ಪತ್ನಿಯ ಬೇಸರ ಕಂಡು, ನಾನು ಏನು ಮಾಡಲಿ?
2/8

ನಾನು ಕುಡಿಯುವ ಅಭ್ಯಾಸ ಬಿಡಲು ತಯಾರಿದ್ದರೂ ಅದು ನನ್ನನ್ನು ಬಿಡಲು ತಯಾರಿಲ್ಲ,ನನ್ನನ್ನು ಗಟ್ಟಿಯಾಗಿ ಅಂಟಿಕೊಂಡಿದೆ ಎಂದು ಪತಿ ಪತ್ನಿಗೆ ಹೇಳಿದನು.ಇದನ್ನು ಕೇಳಿ ಪತ್ನಿ ಪತಿಯನ್ನು ಒಬ್ಬ ಸನ್ಯಾಸಿಯ ಬಳಿ ಕರೆದು ಕೊಂಡು ನಡೆದದ್ದನ್ನು ವಿವರಿಸಿ ಪರಿಹಾರ ಹೇಳಿ ಸ್ವಾಮಿ ಎಂದು ಕೇಳಿದಳು.ಇದನ್ನು ಕೇಳಿದ ಸನ್ಯಾಸಿಯು ನಾಳೆ ಬರಲು ಹೇಳಿದ.
3/8

ಮರುದಿನ ಪತಿ ಪತ್ನಿ ಸ್ವಾಮಿಯ ಬಳಿ ಬಂದರು.ಅಲ್ಲಿ ಸನ್ಯಾಸಿಯು ಮರವನ್ನು ಗಟ್ಟಿಯಾಗಿ ತಬ್ಬಿಕೊಂಡು ನಿಂತಿದ್ದ.ಸನ್ಯಾಸಿಯು ಮತ್ತೆ ನಾಳೆ ಬರಲು ಹೇಳಿದ.ಮರುದಿನ ಇಬ್ಬರೂ ಸ್ವಾಮಿಯ ಬಳಿ ಬಂದರು.ಅಲ್ಲಿ ಸ್ವಾಮಿಯು ಮರವನ್ನು ಹಾಗೆಯೇ ತಬ್ಬಿಕೊಂಡು ಇರುವುದನ್ನು ಕಂಡು ಆಶ್ಚರ್ಯವೆನಿಸಿತು.ಸ್ವಾಮಿ ಮತ್ತೆ ನಾಳೆ ಬನ್ನಿ ಎಂದನು.
4/8

ಮರುದಿನ ಇಬ್ಬರೂ ಸನ್ಯಾಸಿಯ ಬಳಿ ಬಂದರು.ಸ್ವಾಮಿಯು ಹಾಗೆಯೇ ಮರವನ್ನು ತಬ್ಬಿಕೊಂಡು ನಿಂತಿದ್ದನ್ನು ಕಂಡು ಪತಿಗೆ ಸಿಟ್ಟು ಬಂದು ,ನಿಮಗೆ ಏನಾಗಿದೆ ಸ್ವಾಮಿ? ಮೂರು ದಿನಗಳಿಂದ ನೀವೇಕೆ ಈ ಮರವನ್ನು ತಬ್ಬಿಕೊಂಡು ಇರುವಿರಿ? ನಿಮಗೆ ಕೈ ಕಾಲು ನೋವಾಗುವುದಿಲ್ಲವೇ? ಹೀಗೆ ಮುಂದುವರೆಸಿದರೆ ನಿಮ್ಮ ಆರೋಗ್ಯ ಏನಾಗಬಹುದು ಎಂದನು.
5/8

ಆಗ ಸ್ವಾಮಿ ಇಲ್ಲ ನಾನು ತಬ್ಬಿಕೊಂಡಿಲ್ಲ,ಈ ಮರವೇ ನನ್ನನ್ನು ಅಂಟಿಕೊಂಡಿದೆ ಎಂದನು.ಆಗ ಪತಿಯು ಮರ ಹೇಗೆ ನಿಮ್ಮನ್ನು ಅಂಟಿಕೊಳ್ಳಲು ಸಾಧ್ಯ ನೀವೇ ನಿಮ್ಮ ಕೈಗಳಿಂದ ಹಿಡಿದುಕೊಂಡಿದ್ದಿರಿ ಎಂದನು. ಆಗ ಸ್ವಾಮಿಯು ಸರಿ,ಈ ಬಂಧನದಿಂದ ಮುಕ್ತನಾಗಬೇಕಾದರೇ ಏನು ಮಾಡಬೇಕು ಎಂದು ಕೇಳಿದನು.
6/8

ಆಗ ಆ ವ್ಯಕ್ತಿಯು ಮರವನ್ನು ಹಿಡಿದುಕೊಂಡಿರುವ ಕೈಗಳನ್ನು ಬಿಡಬೇಕು ಎಂದನು.ಆಗ ಆ ಸನ್ಯಾಸಿಯು ನಗುತ್ತಾ ನಿಮ್ಮ ಪ್ರಶ್ನೆಗೆ ಉತ್ತರ ಪರಿಹಾರ ಇದೆ. ಯಾವುದೇ ಕೆಟ್ಟ ಚಟಗಳು ನಮಗೆ ಅಂಟಿಕೊಂಡಿರುವುದಿಲ್ಲ ನಾವೇ ಅವುಗಳಿಗೆ ಅಂಟಿಕೊಂಡಿರುತ್ತೆವೆ.ಕೆಟ್ಟ ಚಟಗಳನ್ನು ಬಿಡಬೇಕೆಂದು ಮನಸ್ಸಿನಲ್ಲಿ
7/8

ಧೃಢನಿರ್ಧಾರ ಮಾಡಿದರೆ ಯಾವುದು ಅಸಾಧ್ಯವಲ್ಲ ಎಂದನು.ಆಗ ಪತಿಯು ಇದನ್ನು ಅರಿತು ಕುಡಿಯುವ ಚಟ ಬಿಟ್ಟು ಖುಷಿಯಾಗಿ ಸಂಸಾರ ಸಾಗಿಸಿದರು.
ಇದೇ ಸಂತಸದ ಜೀವನ ನಡೆಸುವ ಒಂದು ಮಾರ್ಗ...😌😊
8/8
#source