Thread by @kingsmanT11

#बळीराजा
ईश्‍वर अवतार घेतो केव्हां? आणि कशाला?
परित्रणाय साधूनाम् विनाशायच दुष्कृताम् ..!
धर्मसंस्थापनार्थाय संभवामि युगे युगे..!
साधू संतांचे रक्षण करवून, गोरगरिबांचे कल्याण, आणि दुष्टाचा नाश करायला. याचाच अर्थ धर्माची संस्थापना होय.

मग बळीराजाने कोणते दुष्कर्म केलं ? 👇

बळीराजा हा जुलमी राजा होता ? प्रजेवर अन्याय करत होता ? तो प्रजेचा छळ करत होता ? त्याने साधू संताना त्रास दिला ? त्यांच्या यज्ञात बाधा आणली ? स्रियांना त्रास दिला ?
अज्जिबातच नाही. तसा उल्लेख कुणी वाचला नाही कारण तसा उल्लेख कुठेच नाही, बळीराजा हा अंत्यत न्यायप्रिय राजा होता 👇

बळीराजा हा प्रजाहितदक्ष राजा होता- त्याची चुकी काय एवढीच सांगितले जाते की-

त्याने शताश्वमेघ यज्ञ करून खुद्द इंद्राचे सिंहासन घेणार होता. त्याचें ९९ मेध पूर्ण होऊन १०० व्याला सुरूवात झाली होती. तेवढ्यात बुटका, आखूड पावलांचा, मोहक चेहऱ्याचा एक सुकुमार बटू येऊन उभा राहिला. 👇

तस पाहिलं तर भारतीय क्षत्रिय राजे आधीपासूनच उदार मनोवृत्तीचे कुठेही कपट नाही- विशेष कुणी साधू, ब्राह्मण, फकीर आला की तिजोरीतील खजिना त्यांच्या पायावर रिता करायला मागेपुढे बघणार नाही. एवढे उदार.
याच कारणाने आमच्या श्रेष्ठ श्री विष्णुदेवाने ब्राह्मण अवतार अर्थात वामन अवतार घेतला👇

त्याना माहीत होतं- बळीराजाकडे काही मागितलं तर नाही म्हणणार नाही- अशा आणि यज्ञाच्या काळात मागणी केली असल्याने. त्यात बळीने वामन महाराजांना विनंती केली काय इच्छा आहे आपली प्रभू - ती मागणी आपल्याला माहीत आहे. तीन पावले जमीन दे.
त्यात बळीला हसू आलं, कसली क्षुल्लक मागणी केली. 👇

पण श्री वामन यांनी आपला देव अक्राळ विक्राळ करत एक पाऊल स्वर्गावर एक पाऊल धरणीवर देऊन व्यापले. मग पुढच पाऊल कुठं टाकू विचारलं ? तेव्हा बळी आपल्या क्षत्रिय धर्माला जागला आणि वचन पुर्ण करायला म्हटला माझ्या टाळक्यावर ठेवा. आणि त्याच क्षणी श्री वामन प्रभुनी बळीला थेट पाताळात लोटला.👇

नंतर वामन त्यावर प्रसन्न झाले बळीला पाताळाचे राज्यपद दिले. आणि स्वतः त्याचे द्वारपाल झाले.

हे सगळं वाचलं तुम्ही ! यात तुम्हाला ईश्वर अवताराचे महानकार्य दिसले ? यात वामनाने कुठे गोर गरिबांचे कल्याण केले ? यात कुठं साधू संतांचे परित्राण केलं ? यात कोणता थोर संदेश दिला ? 👇

जसे रामाने आणि कृष्णाने, नरसिंहाने अवतार घेऊन मानवाला अनेक नीतिमूल्ये शिकवली. प्रेम, सद्गुण, दया, क्षमा, शांती, मोठ्यांचा आदर शिकवला. - अन्यायी लोकांचे वध केले. दुष्ट लोकांना धर्म सांगितला. अहंकारी लोकांना अद्दल घडवली. गोरगरीब लोकांचे दुःख दूर करून अनेकांना मोक्षमार्ग दिला. 👇

बळीराजा हा काय राक्षस होता ? बळीराजा हा पापी होता का? त्याने कुणाचे अहित केले ? त्याना कुण्या गरिबाला छळले.? याचे दाखले कुठेही नाही. कारण तो तसा नव्हताच. त्याचा गुन्हा एकच की तो इंद्राची सत्ता घेणार होता. हीच भीती इंद्राला वाटली म्हणून विष्णूंना विनंती केली बळीकडे बघा.👇

यापूर्वी आपण वाचलं असेल. कैक नीच दैत्य लोकांनी त्रैलोकवर आक्रमणे केली. मग तो रावण असेल. अथवा इतर दैत्य मंडळी.
बळीने रावणाप्रमाणे कुणा देवाला बंदीवान केलं नाही. बळीने जरासंधा सारख राजेलोक बंदी केले नाही. बळीने हिरण्यकश्यपा सारख देवाच्या जपावर- भक्तीवर बंदी आणली नाही.👇

त्याने कुठलेही दुष्कर्म केलं नाही. तरीही त्याला कट पाताळात ढकलले.

या कथेत आपल्याला निरीक्षण केल्यास दिसून येईल - बळीची ईश्वरभक्ती, प्रजाहितदक्ष कारभार, सर्वगुणसंपन्नता, कुणी ब्राह्मण आला तर त्याला रित्या हाताने परत जाऊ न देणे. साधू ब्राह्मणाना दिलेले वचन पाळणे. 👇

त्यासाठी स्वतःच्या महाराज्यविस्तार या प्रिय महत्वकांक्षावर तात्काळ पाणी सोडून राज्यत्याग करणे. अन प्रभुनी त्याला पाताळात पाठवले तर त्यावर गुरगर न करता. वचन आज्ञा पाळणे. हे सगळं निरीक्षण सर्वाना दिसून येईल. 👇

वामन अवतार विष्णूच्या इतर अवताराच्या सर्वस्वी उलट अवतार आहे. भटभिक्षुकी मनोवृत्तीने अवतार मुद्दाम विष्णुच्या अवतार लिस्ट मध्ये घुसडून दिला असे ठाम मत महाराष्ट्राचे प्रबोधनकार केशव ठाकरे यांचे आहे. आणि ते अनेकांना बरोबरच वाटते. ईश्वर अवताराची एकही उद्देश या वामन अवतारात नाहीच. 👇

आता ही सगळं पुराणकथा वाचून तुम्हीच ठरवा हा ब्राह्मणरुपी वामन अवतार कोणत्या धर्म संस्थापनेसाठी झाला होता की आपले राज्य वाचविण्यासाठी ?

इडा पीडा जाऊदे बळीचे राज्य येउदे..
#जय_श्री_विष्णूदेव

वर - देव ऐवजी देह वाचावे
एक अक्षर चुकल्याने क्षमा असावी. 🙏