Thread by @Nair9895

Day 65
#ശ്രീലളിതാസഹസ്രനാമം #Lalithasahasranamam

ഓം
ശ്രീ ലളിതാ സഹസ്രനാമം

ശ്ലോകം 65

ഭാനുമണ്ഡല മധ്യസ്ഥാ, ഭൈരവീ, ഭഗമാലിനീ |
പത്മാസനാ, ഭഗവതീ, പത്മനാഭ സഹോദരീ || 65 ||

ഭാനുമണ്ഡല മധ്യസ്ഥാ =
സൂര്യമണ്ഡല മദ്ധ്യത്തിൽ സ്ഥിതിചെയ്യുന്ന ദേവിക്കു നമസ്കാരം.

അനാഹത പത്മത്തിൽ സ്ഥിതി ചെയ്യുന്നവൾ. സൂര്യമണ്ഡലത്തില്‍ ദേവിയെ ധ്യാനിക്കുന്ന സന്ദര്‍ഭങ്ങളുണ്ട്‌. അതിനാല്‍ ഭാനുമണ്ഡലമദ്ധ്യസ്ഥാ.
ഈ സങ്കല്പത്തോടുകൂടി സന്ധ്യാസമയത്തു ഭക്തന്മാർ ദേവിയെ ഉപാസിക്കുന്നു.

മണിപൂരചക്രത്തിനുമുകളില്‍ ആജ്ഞാചക്രം വരെ സൂര്യഖണ്ഡമാണ്‌.

അവിടെ കുണ്ഡലിനി എത്തുമ്പോള്‍ സൂര്യമണ്ഡലമധ്യസ്ഥയാകുന്നു.

"എഷോന്തരാദിത്യേ ഹിരണ്മയ:പുരുഷോ ദൃശ്യതേ" എന്ന ശ്രുതിയിൽ പറയപ്പെട്ട ഹിരണ്മയ പുരുഷന്റെ രൂപത്തോടു കൂടിയവളെന്നു സാരം. സൂര്യമണ്ഡല മദ്ധ്യത്തിൽ, പത്മാസനത്തിൽ കേയൂരമകരകുണ്ഡലകിരീട ഹാരങ്ങളണിഞ്ഞു, ശംഖചക്രങ്ങളെ ധരിച്ചു,

സ്വർണ്ണവർണ്ണനായിരിക്കുന്ന നിലയിലാണ് ഹിരണ്മയപുരുഷന്റെ ധ്യാനം.കൂർമ്മപുരാണത്തിൽ രവി മണ്ഡലസ്തനായ ദേവന് പരമേഷ്ഠി എന്നാണു പേർ എന്നു കാണുന്നു. ചിലർ സൂര്യ മണ്ഡലമദ്ധ്യത്തിൽ കാമധേനു ആയിട്ടും ദേവിയെ ഉപാസിക്കുന്നു. സൂര്യതേജസ്സിനുകാരണം സൂര്യബിംബത്തിന്‌ ഉള്ളിലുള്ള ഭഗവതിയാണ്‌ എന്നും അഭിജ്ഞ മതം.

ഭൈരവീ = ഭൈരവ(പരമശിവ)
പത്നിയായ ദേവിക്കു നമസ്കാരം.
സ്ത്രീസമൂഹത്തെയാകെ ഭൈരവാ എന്നു പറയാം 'ലോകത്തിലെ വിദ്യകളും സ്ത്രീകളും എല്ലാം അവിടുത്തെ രൂപങ്ങളാണ് ' എന്നു ദേവീമാഹാത്മത്തിൽ പറയുന്നു.

ഭഗമാലിനീ = ഐശ്വര്യമാകുന്ന മാലയണിഞ്ഞ ദേവിക്കു നമസ്കാരം.
ഭഗങ്ങൾ = ഐശ്വര്യയാദിഷൾ ഗുണങ്ങൾ.

" ഭഗാൻ മലതി ധാരയതീതി ഭഗമാലിനീ " എന്നു വിഗ്രഹം. അഥവാ ഭഗശബ്ദത്തിനു ഭഗത്തിന്റെ (യോനിയുടെ)അടയാളങ്ങളുള്ള പദാർത്ഥങ്ങളെന്ന അർത്ഥo. ഭഗത്തെ = ഷാൾഗുണ്യം ധരിക്കുന്നവൾ.

"ഭഗാങ്ക വസ്‌തുബ് മാത്രരൂപാ. യേ യേ പദാർത്ഥാലിംഗാകാസ്‌ തേ ശർവവിഭൂതയാഃ അർത്ഥാ ഭഗാങ്കിതാ യേ യേ തേ തേ ഗൗര്യാ വിഭൂതയ: " എന്ന്.

" തിഥി നിത്യാവി ശേഷരൂപിണീ ". ഭഗമാലിനീ മന്ത്രത്തിന് ഭഗശബ്ദബാഹുല്യം ഹേതുവായിട്ട് ഭഗമാനിനീ എന്നു പറയപ്പെടുന്നു.

ലിംഗാങ്കഗങ്ങളായ പദാർത്ഥങ്ങളെല്ലാം ശിവന്റെയും ഭഗാങ്കങ്ങളായ പദാർത്ഥങ്ങളൊക്കെ ഗൗരിയുടെയും വിഭൂതികളാകുന്നു.

പത്മാസനാ = താമരപ്പൂവിലിരിക്കുന്ന ദേവീ (സഹസ്രാരപത്മ സൂചന)-

ദേവിക്കു നമസ്കാരം.
ബ്രഹ്മരൂപത്വം ഹേതുവായിട്ട് പത്മാസനാ. പത്മം ആസനമായ = പീഠമായ ഉള്ളവൾ. ബ്രഹ്മരൂപിണി ആയവൾ. അഥവാ ഭക്തന്മാർക്ക് പത്മയെ ലക്ഷ്മിയെ ശ്രീയെ വിഭജിച്ചു കൊടുക്കുന്നവളെന്നർത്ഥo.

"പത്മാം സനതീതി പദ്മാനസ" എന്നു വിഗ്രഹം. "അസൗഭാഗ്യം ധത്തേ പരമസുഖഭോഗാസ്പദമയം വി ചിത്രം തൽ ഗേഹം ഭവതി-

പ്രഥുകാർത്തസ്വരഭൃതം നിവിഷ്ടഃ പല്യങ്കേ സകലയതി കാന്താരതരണം പ്രസാദം കോപം വാ ജനനി ഭവതീ യത്ര കുരു തേ ഇതി".

പത്മനെ = ശൂരപത്മാസുരനെ നശിപ്പിച്ചവൾ എന്നും അർത്ഥം കാണുന്നുണ്ട്.

പദ്മത്തിന് ബിന്ദു എന്നൊരു അര്‍ഥം. പ്രണവത്തിന്റെ ഏഴ് ഭാഗങ്ങളില്‍ ഒന്നാണ് ബിന്ദു. അകാരം, ഉകാരം, മകാരം, ബിന്ദു,-

നാദം, ശക്തി, ശാന്തം എന്നിവയാണ് പ്രണവത്തിന്റെ ഏഴു ഭാഗങ്ങള്‍. ഈ ബിന്ദുവില്‍ ഇരിക്കുന്നത് ഈശ്വരസ്വരൂപയായ ഭഗവതിയാണ്.

ഭഗവതീ = ഭഗമുള്ളവള്‍. ജ്ഞാനസന്തോഷ നിത്യസ്വാതന്ത്ര്യാ വിഘ്‌നവൈഭവങ്ങളുള്ളവള്‍.
സകലവിദ്യകളും അറിയുന്ന ദേവീ,
പ്രശസ്തങ്ങൾ (സമഗ്രങ്ങൾ) ആയ ഭഗങ്ങൾ ഉള്ളവൾ.

ഭഗശബ്ദത്തിന് ഐശ്വര്യം, വീര്യം, യശസ്സ്, ശ്രീ, ജ്ഞാനം, വൈരാഗ്യം എന്നീ ഷൽഗുണങ്ങളെന്നർത്ഥo. ഐശ്വര്യത്തോട് കൂടിയവൾ. അഥവാ സർവ്വഭൂതങ്ങളുടെയും ഉല്പത്തി, വിപത്തി, ആയതി, ഗതി, വിദ്യ, അവിദ്യ എന്നിവ അറിയുന്നവളെന്നർത്ഥo. അങ്ങിനെയിരിക്കുന്നവളെന്നാണ് ദേവീഭാഗവതത്തിൽ "ഭഗവതീ" എന്ന ശബ്ദത്തിന്-

അർത്ഥo പറയുന്നത്.

"ഉല്പത്തിം പ്രളയ ന്ചൈവ വ ഭൂതാനാം ഗതിമാഗതിം അവിദ്യാവിദ്യയോസ്‌തത്വം വേത്തീതി ഭഗവത്യസൗ" എന്നു ദേവീഭാഗവതം.

പത്മനാഭ സഹോദരീ =
പത്മനാഭന്റെ അല്ലെങ്കിൽ ശ്രീ കൃഷ്ണന്റെ, ഭഗവാൻ മഹാ വിഷ്ണുവിന്റെ, സഹോദരിയായ ദേവിക്കു നമസ്കാരം.

പദ്മനാഭന്റെ സഹോദരിയായി-

വിളങ്ങുന്ന ദേവിക്ക് നമസ്ക്കാരം. ധര്‍മ്മം രണ്ട് രൂപത്തില്‍ അവതരിച്ചു. ധര്‍മ്മവും ധര്‍മ്മിയും. പുരുഷരൂപത്തിലുള്ള ധര്‍മ്മം വിഷ്ണുവും സ്ത്രീരൂപത്തിലുള്ള ധര്‍മ്മി ദേവിയും.

ദേവകീ ഗർഭത്തിൽ ശ്രീ കൃഷ്ണ സഹോദരിയായ മായാ ഭഗവതിയായവതരിച്ചവൾ.
" കൃഷ്ണേന സഹ ദേവക്യാ:
സാസ്മിൻ ജന്മതികക്ഷിഗാ"-

എന്നു ബ്രഹ്മാണ്ഡപുരാണം. ശ്രീകൃഷ്ണസഹോദരീ. (കാത്യായനീതിയാ ജാതാ കംസശത്രോ സ്സഹോദരീ) എന്നും പറയുന്നുണ്ട്.
ബ്രഹ്മo രണ്ടു രൂപമെടുത്തു. ധർമ്മവും ധർമ്മിയും. ധർമ്മം പുരുഷരൂപത്തിൽ വിഷ്ണുവും ധർമ്മി സ്ത്രീ രൂപത്തിൽ ദേവിയുമായി. ദേവി പരമശിവപത്നിയായി.

അവർ മൂവരും ചേർന്നാൽ അഖണ്ഡബ്രഹ്മമായി എന്നാണ് ശൈവസിദ്ധാന്തം.

"പ്രാദുർബഭൂവ ത്രിപുരാ പത്മഹസ്താ സസോദരാ പത്മാസനേ ച തിഷ്‌ഠന്തീ വിഷ്ണുനാ ജിഷ്‌ണുനാ സഹ" എന്ന്.

🙏🏻🙏🏻🙏🏻