Thread by @jyothi01967535

"തെയ്യം ഹിന്ദുക്കളുടെതല്ല" ..

അന്തം വിടണ്ട, പുതിയ കമ്മ്യൂണിസ്റ്റ് പരിഭ്രാന്തിയാണിത്..
കമ്മ്യൂണിസ്റ്റ് "നുണ", കമ്മ്യൂണിസ്റ്റ് ''അജണ്ട" എന്നൊക്കെ മനപ്പൂർവം പറയാതിരുന്നതാണ്. കാരണം മറ്റൊന്നുമല്ല..

~1/26

കമ്മ്യൂണിസ്റ്റ് നുണകളും അജണ്ടകളും പ്രചരിപ്പിക്കുന്നത് വ്യക്തമായ ഒരു വലിയ പ്ലാൻ സെറ്റ് ചെയ്തു വച്ചിട്ടാണ്. എന്നാൽ ഈയൊരു നുണ അവർ എടുത്തുകൊണ്ടു വരുന്നത് അവരുടെ പെട്ടെന്നുള്ള പരിഭ്രാന്തി കൊണ്ടാണ് ..

~2/26

നമുക്ക് എല്ലാവർക്കും അറിയാം "കാന്താര" എന്ന ചിത്രം വേറെ തലത്തിൽ പ്രചരിച്ചു കൊണ്ടിരിക്കുകയാണ് എന്ന്.. ഒരു ഹൈന്ദവന്റേതായ കഥയോ, ഹൈന്ദവർക്ക് വേണ്ടിയുള്ള സ്റ്റോറിയോ, ഹിന്ദുത്വ സിനിമയോ ഒന്നും അല്ലാതിരുന്നിട്ട് കൂടി ആ സിനിമയിലെ ഭൂതക്കോലവും, ഗുളികനും, കോലത്തറയും

~3/26

എല്ലാം ചിത്രം കാണുന്ന ഒരു ശരാശരി ഹൈന്ദവനിൽ പോലും അവന്റെ പാരമ്പര്യത്തെയും, വിശ്വാസത്തെയും, വേരുകളെയും ഉണർത്തുന്നു.. ഇതുതന്നെയാണ് ഇപ്പോൾ കമ്മ്യൂണിസ്റ്റുകാർ കണ്ട അപകടം. സദാസമയം കമ്മ്യൂണിസം പടച്ചു വിടുന്ന തിയറികളുടെ ചങ്ങല കഴുത്തിലിട്ട്, കപട മത സൗഹൃദത്തിന്റെയും,

~4/26

പ്രീണനത്തിന്റെയും എല്ലുകൾ കടിച്ച് വ്യാജ 'പ്രബുദ്ധ'തയുടെ ആ വരാന്തയിൽ അങ്ങനെ കിടന്നു കൊള്ളണം, അതാണ് ഒരു ശരാശരി ഹൈന്ദവൻ ചെയ്യേണ്ടത് ..

എന്നാൽ ദേ ഇപ്പൊൾ ഹൈന്ദവ സ്വത്വബോധത്തെ ഉണർത്തുന്ന മേൽപ്പറഞ്ഞ പോലെ ഉള്ളവ നടന്നാൽ, ഇത് തുടർന്നാൽ, ഒരു മാറ്റം വരും എന്ന ബോധ്യം അവർക്കുണ്ട്.

~5/26

അതുകൊണ്ട് അവർ ഈ ചെയ്യുന്നത് പുതിയ യുക്തി ഒന്നുമല്ല. പണ്ട് തൊട്ടേ ഉള്ള സ്ഥിരം പരിപാടി തന്നെയാണ്. എന്താന്നോ? ഹൈന്ദവനെ inspire ചെയ്യുന്നത് എന്താണോ, അതിനെ ഹൈന്ദവമല്ലാതാക്കുക എന്ന ലളിതമായ തിയറി.

ഇത് ഇതിനു മുൻപ് പല ഘട്ടങ്ങളിൽ അവർ ചെയ്തിട്ടുണ്ട്, അതിന്റെ ഒരു മുൻ വേർഷനാണ്

~6/26

"ദളിതർ ഹിന്ദുവല്ല" എന്ന കണ്ടുപിടിത്തം. ഏറെക്കുറെ അതിൻറെ ചുവടുപിടിച്ചാണ് ദളിത്-മുസ്ലിം സഖ്യം എന്ന സംഗതിയൊക്കെ ആ പാവം അംബേദ്കറിന്റെ പേര് പറഞ്ഞു തട്ടിപ്പ് നടത്തുന്ന ചിലർ പരീക്ഷിച്ചത് .. വേറൊന്നാണ് ശബരിമല പ്രക്ഷോഭ സമയത്തും, എല്ലാ ശബരിമല

~7/26

സീസണിലും "ശബരിമല ഹൈന്ദവന്റേതല്ല, ഗോത്രവാസികളുടെയാണ് വനവാസികളുടേതാണ്" എന്നെല്ലാം പറഞ്ഞുള്ള ചില നരേറ്റീവുകൾ.

അവിടെയും പതിവുപോലെ ഒരു വശത്ത് ബ്രാഹ്മണരെ കൊണ്ടുവന്നിരുത്തും, എന്തെന്നാൽ അവരുടെ തിയറിക്ക് ആ ഒരു ഭാഗം ഒഴിച്ചുകൂടാൻ ആവാത്തതാണ്. ഒരു വശത്ത് ബ്രാഹ്മണരെ വയ്ക്കുക,

~8/26

മറുവശത്ത് ഹൈന്ദവർ എന്നും. അതായത് ഒന്ന് ബ്രാഹ്മണ മതവും ബാക്കിയെല്ലാം മറ്റു മതങ്ങളും. കൂട്ടിന് ബ്രാഹ്മണരുടെ ക്രൂര കഥകൾ, ബ്രാഹ്മണർ കൊന്ന് തള്ളിയ ആയിരക്കണക്കിന് ബുദ്ധരുടെയും ദളിതരുടെയും കഥയൊക്കെ പടച്ച് വിടും, എങ്ങനെയുണ്ട് കളി?

~9/26

ഇതിൽ അവർ പ്രതീക്ഷിക്കുന്നത് ശബരിമല വിഷയം വെച്ച് അയ്യപ്പസ്വാമിക്കെതിരെ എന്ന് പറഞ്ഞാൽ എന്തായാലും ആളെ കിട്ടില്ല അപ്പോ ബ്രാഹ്മണ അധിനിവേശം പറയുക, അത് വഴി ബ്രാഹ്മണ വിരോധമുള്ള പത്ത് പേരെയെങ്കിൽ പത്ത് പേരെ കിട്ടിയാൽ അത് വച്ചൊരു പിളർപ്പ് നടത്താലോ എന്നാണ്.

~10/26

കുറ്റം പറയരുതല്ലോ, പത്തൊന്നുമല്ല അതിൽ അധികം വിഡ്ഢികളായ ഹിന്ദുക്കളെ അവർക്ക് എപ്പോഴും കിട്ടാറുമുണ്ട് കേട്ടോ ..

ഈ ഹൈന്ദവമായതിനെ ഹൈന്ദവമല്ലാതാക്കുക എന്ന പ്രവർത്തിക്ക് ഈയടുത്തായി ഇവിടെ നടന്ന ഒരുപാട് സംഭവങ്ങളുണ്ട്.

~11/26

വാമനമൂർത്തിയുമായി ബന്ധപ്പെട്ട 'ഓണം' ഹൈന്ദവന് ഒരു ബന്ധവുമില്ലാത്ത ഒന്നാണ് എന്നതും, 'യോഗ'യ്ക്ക് ഹൈന്ദവരുമായോ ഹൈന്ദവ സന്യാസിവര്യന്മാരുമായോ ഒരു ബന്ധവുമില്ല എന്നതുമൊക്കെ.

അതിൽ ഏറ്റവും പ്രസിദ്ധമായ കമ്യൂണിസ്റ്റ് ഉഡായിപ്പ് ..
"ശ്രീ നാരായണ ഗുരുദേവൻ ഹിന്ദു സന്യാസിയല്ല"

~12/26

എന്ന വാദമാണ്. ശ്രീനാരായണ ഗുരുദേവൻ സാമൂഹിക പരിഷ്കർത്താവായിരുന്നു എന്നാൽ അദ്ദേഹം ഹൈന്ദവ സന്യാസിയൊന്നുമല്ല എന്ന തിയറി. ഗുരുദേവൻ പ്രതിഷ്ഠ നടത്തിയ ക്ഷേത്രങ്ങളുടെ പേരും എണ്ണവും വെച്ചും, രചിച്ച ശിവ, വിഷ്ണു, ദേവീ, വിനായക, മുരുക സ്ത്രോത്രങ്ങളും മറ്റ് ഹൈന്ദവീയമായ ദശകങ്ങളും

~13/26

എല്ലാം എടുത്ത് വെച്ച് സകലരും മുന്നോട്ട് വന്ന് ഇത് അന്നേ പൊളിച്ച് കയ്യിൽ കൊടുത്തതിനാൽ പിന്നീട് ഇത് അവർ അധികം പൊക്കിക്കൊണ്ടു വന്നിട്ടില്ല.

ഇതിന് സമാനമായ ഒന്ന് ഈയടുത്തായി നമ്മുടെ തൊട്ടടുത്ത തമിഴ്നാട്ടിൽ നടന്നിട്ടുണ്ട്.

~14/26

പെട്ടെന്നൊരു നാൾ അവർ "തിരുവള്ളുവർ" ഹൈന്ദവനല്ല എന്നങ്ങ് പ്രഖ്യാപിച്ചു .. മാത്രമല്ല സഹായത്തിനു DMK സർക്കാർ സംവിധാനങ്ങളെയും തമിഴ്നാട്ടിലെ ലെഫ്റ്റ് ലിബറൽസിനെയും കൂട്ടുപിടിച്ചു..
തീർന്നില്ല, എന്നിട്ട് അതിന്മേൽ ആറേഴ് മാസം നീളുന്ന വിവാദം, ചർച്ച, ബഹളം എന്നിവയും നടത്തി.

~15/26

സ്വാഭാവികമായും എന്ത് സംഭവിക്കും?

തിരുവള്ളുവർ ഹൈന്ദവനാണ് എന്ന ഉത്തമ ബോധ്യം ഉള്ള തമിഴ്നാട്ടിലെ ഹൈന്ദവർ, അല്ലെങ്കിൽ ഹൈന്ദവരിലെ പ്രതികരിക്കുന്നവർ "തിരുവള്ളുവർ ഹൈന്ദവൻ തന്നെയാണ്" എന്ന് പറയും .. "ഠിം" ആ സമയത്ത് ഇവന്മാർ പ്ലേറ്റ് ഒന്നുമറിക്കും,

~16/26

എന്നിട്ട് പെട്ടെന്ന് പറയും "തിരുവള്ളുവരിനെ ഹിന്ദുത്വക്കാർ ഇതാ ഹിന്ദുവാക്കുന്നു, സംഘിയാക്കുന്നു" എന്നൊക്കെ .. അതായത് 2000 വർഷങ്ങൾക്കു മുന്നേ ഹൈന്ദവ സംബന്ധിയായ വിഷയങ്ങൾ ചേർത്ത് 'കുറലു'കൾ എഴുതിയ തിരുവള്ളുവരിനെ ഇന്ന് ഇപ്പോൾ സംഘികൾ ചേർന്ന് ഹിന്ദു ആക്കി എന്ന് ,

~17/26

കേൾക്കണേ ആ ഒരു അവസ്ഥ .. അവിടെ എല്ലാവരും വെറുതെയിരിക്കുന്ന സമയത്ത് ഒരു ഹൈന്ദവനും വന്നു "തിരുവള്ളുവർ ഹിന്ദുവാണ്" എന്ന് പറഞ്ഞിട്ടില്ല , പകരം അവനത് പറയേണ്ടി വരുന്നത് മറ്റു ചിലർ ചേർന്ന് "തിരുവള്ളുവർ ഹൈന്ദവൻ അല്ല" എന്നത് ആവർത്തിച്ചു പറയുമ്പോഴാണ് ..

~18/26

അതുപോലെ മുരുക ഭഗവാൻ ഹൈന്ദവ ദൈവമേ അല്ല അത് ദ്രാവിഡനായ ഒരു വ്യക്തിയാണ്, ഹൈന്ദവർക്ക് അവിടെ അവകാശമില്ല എന്ന് പറഞ്ഞിരുന്ന ദൈവ വിശ്വാസമില്ലാത്ത ഒരുകൂട്ടം കമ്മ്യൂണിസ്റ്റ് ദ്രാവിഡ് ടീമുകളും ഉണ്ടായിരുന്നു അവിടെ. അവറ്റകളെ തമിഴ്നാട്ടിലെ ഹിന്ദുക്കൾ പണ്ടേ തുരത്തിയതും ആണ് ..

~19/26

എന്തായാലും ആ തരം പരിപ്പ് അവിടെ വേവില്ല എന്ന് ഉറപ്പാണ്, അതിൻറെ തെളിവാണ് ഹൈന്ദവരെല്ലാം "വേശ്യ സ്ത്രീയുടെ മക്കളാണ്" എന്നാക്ഷേപിച്ച ഡിഎംകെ എംപി രാജയെ പിന്തുണച്ച് ആ ഭാഗത്ത് നിന്നും ഒരാളും ശബ്ദിക്കാതിരുന്നത് .. ആ മാറ്റം വ്യക്തമാണ് ..

വീണ്ടും കാന്താരയിലേക്ക് വരാം, "തെയ്യങ്ങൾ

~20/26

ഹൈന്ദവരുടെതല്ല"
എന്നതാണ് വിഷയം. കേട്ട ഉടൻ ചിരിച്ചു തള്ളാൻ വരട്ടെ, കമ്മ്യൂണിസത്തിന് കാലകത്തി കൊടുക്കുന്ന, തലച്ചോറിൽ ചകിരിച്ചോറും, കമ്മ്യൂണിസ്റ്റ് വിഡ്ഢിത്തരവും മാത്രമുള്ള പത്ത് ഹിന്ദുക്കൾ എങ്കിലും അതിനെ അനുകൂലിക്കില്ലേ? അതും ഈ പ്രബുദ്ധ കേരളത്തിൽ?

~21/26

യെസ്, അനുകൂലിക്കും.. അതുവച്ച് ആ പത്തിനെ നൂറ് ആക്കാനും, നൂറിനെ ആയിരം ആക്കാനും ആണ് ഈ അജണ്ട കൊണ്ടുള്ള ലക്ഷ്യം.

കള്ളും മീനും നേദിക്കുന്ന തെയ്യങ്ങൾ എങ്ങനെ ഹൈന്ദവം ആകും, തെയ്യങ്ങൾ കെട്ടുന്നത് പണ്ട് മൺമറഞ്ഞുപോയ താഴ്ന്ന വിഭാഗത്തിൽപ്പെട്ട ആളുകളാണ് എന്നൊക്കെയാണ് തട്ടി വിടുന്നത്.

~22/26

അതിന് സനാതന ധർമ്മത്തിലെ വൈവിധ്യത്തെ കുറിച്ചോ, വ്യത്യസ്ത രീതികളെ കുറിച്ചോ ഒന്നും വലിയ ക്ലാസ് എടുക്കേണ്ടതില്ല, പകരം തെയ്യങ്ങളെ കുറിച്ച് കൃത്യമായി അറിയുന്ന ഒരു സാദാ കണ്ണൂർകാരൻ തന്നെ 'എല്ലാ തെയ്യങ്ങൾക്കും കള്ളും മീനും നേദിക്കില്ലെന്നും, ഈ പറയുന്ന സോ കോൾഡ്

~23/26

സവർണ്ണരുടെ സംഗതി എന്ന് കമ്മികൾ പറയുന്ന രാമായണ കഥ; മുഴുവൻ കഥാപാത്രങ്ങളോടെയും കെട്ടിയാടുന്ന തെയ്യങ്ങൾ ഉണ്ടെന്നും' അറിയിച്ചാൽ അത് തീരും ..

അതുകൊണ്ട് ഇതെല്ലാം അത്ര ഭീകരമായി കണ്ട് ചെറുത്ത് തോൽപ്പിക്കാനൊന്നും ഇല്ല, ഒരു ഹൈന്ദവ ഏകീകരണം അല്ലെങ്കിൽ സത്വം തിരിച്ചറിയുന്ന ഹിന്ദു

~24/26

എന്ന ഒരു പോയിന്റ് എത്തിയപ്പോൾ വിറളി പിടിച്ച കമ്മ്യൂണിസ്റ്റുകൾ എന്ന രീതിക്ക് കാണാവുന്നതേയുള്ളൂ. എങ്കിലും ഞാൻ ആ മേൽപ്പറഞ്ഞ തരം കമ്മ്യൂണിസവും ചകിരിച്ചോറും നിറച്ച തലയുള്ള പത്ത് വിഡ്ഢി ഹിന്ദുക്കളെ എങ്കിലും കിട്ടാതിരിക്കില്ലല്ലോ അവർക്ക്.

~25/26

ആ പത്ത്, നാളെ നൂറാകാതെ ഇരിക്കാൻ ശ്രദ്ധ കൊടുക്കുക എന്നത് മാത്രമാണ് ഇതിലെ നമ്മുടെ പണി...

മൂർത്തി ക്ഷമിച്ചോട്ടെ ..
ഗുളികൻ ക്ഷമിക്കരുത് .. ✌🏼🔥🔱

Copied from FB

#kantara #hinduism

~26/26