Thread by @Shreya_Sanatani

ಆತ ಆಕೆಯನ್ನು ಹುಡುಗಿ ನೋಡೋದಕ್ಕೆ ಬಂದದ್ದಾಗಿತ್ತು.....

ಆಕೆ ಬಂದ ಹುಡುಗನ ಮುಂದೆ ಒಂದು ಪ್ರದರ್ಶನ ವಸ್ತು ಎಂಬತೆ ಮೇಕಪ್ ಮಾಡಿ ಟ್ರೇಯಲ್ಲಿ ಟೀಯನ್ನು ಇಟ್ಟು ವೈಯ್ಯಾರದಿಂದ ಆತನ ಮುಂದೆ ಟೀಯನ್ನು ಚಾಚಿದಳು....

ಆತ ಟೀಯನ್ನು ತೆಗೆದು ರುಚಿಸುತ್ತಾ ಆಕೆಯನ್ನೊಮ್ಮೆ ಓರೆ ನೋಟ ನೋಡಿದ...
೧/೮

" ಟೀಯಲ್ಲಿನ ಸಕ್ಕರೆಯ ಹಾಗೆ ಹುಡುಗಿ ತುಂಬಾ ಸ್ವೀಟಾಗಿದ್ದಾಳೆ " ಆತ ಮನದಲ್ಲೇ ಅಂದುಕೊಂಡ.

ಆಕೆಯೂ ಆತನನ್ನೊಮ್ಮೆ ಅಡಿಯಿಂದ ಮುಡಿಯವರೆಗೂ ನೋಡಿದಳು.
" ಆತನ ನೋಟ ನೋಡಿದರೆ , ಚಪಲ ಚೆನ್ನಿಗರಾಯನ ತರಹ ಇದ್ದಾನೆ " ಆಕೆ ಮನದಲ್ಲಿ ಅಂದುಕೊಂಡಳು

ಆತ ಹೇಳಿದ - ಹುಡುಗಿಯ ಜೊತೆ ಮಾತನಾಡಬೇಕಿತ್ತು.
೨/೮

ಹುಡುಗಿಯ ಅಪ್ಪ - ಅದಕ್ಕೇನಂತೆ ಆಚೆ ಬದಿಯ ಕೋಣೆಯಲ್ಲಿ ಕುಳಿತು ಮಾತಾಡಬಹುದು.

ಅವರಿಬ್ಬರನ್ನೂ ಆಚೆ ಬದಿಯ ಕೋಣೆಗೆ ಕಳುಹಿಸಿ, ಇತ್ತ ಹಿರಿಯರು ತಮ್ಮ , ಮನೆ ಮನೆತನದ ಬಗ್ಗೆ ಎಲ್ಲಾ ಮಾತನಾಡುತ್ತಿದ್ದರು.

ಅತ್ತ ಆತ ಸ್ವಲ್ಪ ನಾಚಿಕೆಯಿಂದಲೇ ಆ ಕೋಣೆಯ ಕಿಟಕಿಯ ಸರಳುಗಳನ್ನಿಡಿದು ಹೊರಗಡೆ ನೋಡುತ್ತಾ ನಿಂತ.
೩/೮

ಆತನ ಪಕ್ಕದಲ್ಲಿ ಆಕೆ ಕೂಡಾ ತಲೆ ತಗ್ಗಿಸಿ ನಿಂತಳು.

ಆತ ಆಕೆಯತ್ರ ಹೆಸರನ್ನು ಕೇಳಿದ...
ಆಕೆಯ ವಿದ್ಯಾಭ್ಯಾಸದ ಕುರಿತು ಕೇಳಿದ...
ಆಕೆಯ ವಯಸನ್ನು ಕೇಳಿದ...
ಆಕೆಯ ಇಷ್ಟಗಳನ್ನು ಕೇಳಿದ...
ಕೊನೆಗೆ ನೀನು ಕನ್ಯೆಯಾ ಅಂತ ಕೇಳಿದ. ಜೊತೆಗೆ ಇಂದಿನ ಕಾಲವಲ್ಲವಾ... ಆದ್ದರಿಂದ ಕೇಳದಿದ್ದರೆ ಒಂದುವೇಳೆ... "
೪/೮

ಆತ ಮಾತನ್ನು ಮುಗಿಸುವುದಕ್ಕೆ ಮುಂಚೆನೆ ಆಕೆ ಗಾಜಿನ ಬಳೆಗಳನ್ನು ಹಾಕಿದ್ದ ಕೈಗಳಿಂದ ಪಟೀರ್ ಅಂತ ಒಂದೇ ಹೊಡೆತವಾಗಿತ್ತು ಆತನ ಕೆನ್ನೆಗೆ... ಹೊಡೆತದ ರಭಸಕ್ಕೆ ಆಕೆಯ ಕೈಯಲ್ಲಿನ ಐದು ಬಳೆಗಳಲ್ಲಿ ನಾಲ್ಕೂ ಬಳೆಗಳು ಪುಡಿಪುಡಿಯಾಗಿ ಕೆಳಕ್ಕೆ ಬಿತ್ತು...

ನಂತರ ಹೇಳಿದಳು - " ಇಂದಿನ ಕಾಲವಲ್ಲವೇ... ನಾನು ಹೆಣ್ಣಲ್ಲವೇ...
೫/೮

ಹೀಗೆ ಮುಖನೋಡಿ ಕೆನ್ನೆ ರಸಾಯನವನ್ನು ಕೊಡುವುದರಿಂದಲೇ ಈ ಕ್ಷಣದವರೆಗೂ ಕನ್ಯೆಯಾಗಿದ್ದೇನೆ.

ಅಷ್ಟರಲ್ಲಿ ಹೊಡೆತದ ಆಘಾತದಿಂದ ಎಚ್ಚೆತ್ತುಕೊಂಡು ಒಮ್ಮೆ ಆತ ನಡುಗಿದ... ನಂತರ ಸುತ್ತಲೂ ನೋಡಿದ..... ಅಬ್ಬಾ... ಯಾರೂ ನೋಡಿಲ್ಲ... ಗಡ್ಡ ಇರುವ ಕಾರಣ ಬೆರಳಚ್ಚು ಕಾಣಿಸುವುದೂ ಇಲ್ಲ... ಆತನಿಗೆ ತುಸು ಸಮಾಧಾನವಾಯಿತು...
೬/೮

ಆತ ಎಷ್ಟರಮಟ್ಟಿಗೆ ಹೃದಯಶುದ್ಧಿಯಿರುವ ಕುವರನಾಗಿದ್ದಾನೆ ಅಂತ ಅರ್ಥ ಮಾಡಿಕೊಳ್ಳೋದಕ್ಕೆ ದೊಡ್ಡ ವಿದ್ಯಾಭ್ಯಾಸದ ಅಗತ್ಯವೇನೂ ಇಲ್ಲ...

ಹಲವು ಕೆಟ್ಟ ಸ್ತ್ರೀಯರ ಸಂಘವನ್ನು ಮಾಡಿದವನಿಗೆ ಮಾತ್ರ ಇಂತಹ ಒಂದು ಜಾಗದಲ್ಲಿ, ಇಂತಹ ಒಂದು ಪ್ರಶ್ನೆಯನ್ನು ಕೇಳೋದಕ್ಕೆ ಮನಸು ಬರತ್ತೆ....
೭/೮

ಬಿಸಿನೀರಲ್ಲಿ ಬಿದ್ದ ಬೆಕ್ಕು ತಣ್ಣೀರನ್ನು ಕಂಡಾಗಲೂ ಒಮ್ಮೆ ಸಂಶಯಿಸುತ್ತದೆ...

ಏನೂ ಹೇಳದೆ, ಆತ ಕೆನ್ನೆಯನ್ನು ಸವರುತ್ತಾ ಹೊರ ನಡೆದ... ಆತನ ಹಿಂದೆ ಆಕೆಯೂ ನಡೆದಳು...

ಆತ ಮೊದಲು ಕುಡಿದ ಸಿಹಿಯಾದ ಟೀಗೆ ಈವಾಗ ಏನೋ ಒಂದು ಕಹಿಯಾದ ಸ್ವಾದ ಅಂತ ಆತನಿಗೆ ಅನಿಸಿತು...😌
೮/೮
#source