Thread by @thenisiraj

"ஓர் இனத்தை அடிமைப் படுத்த வேண்டுமா?
அவ்வினத்தின் மொழியை அழித்து விடு" -இப்பன்ஸ்

"அயர்லாந்து வேண்டுமா? அல்லது காலிக் மொழி வேண்டுமா' என்று கேட்கப்பட்டால் நான் அயர்லாந்தை விட்டு விடுவேன், காலிக் மொழி வேண்டும் என்று கேட்பேன்" என்கிறார் அயர்லாந்தின் விடுதலைக்காக போராடிய திவேலரா.
1/n

1963 மாநிலங்களவையில் பேரறிஞர் அண்ணா "ஜனநாயகம் என்பது பெரும்பான்மை எண்ணிக்கை அடிப்படையிலான ஆட்சி மட்டும் அல்ல; சிறுபான்மை மக்களின் உரிமைகள், உணர்ச்சிகள் ஆகியவையும் புனிதம் என்று கருதி, அவற்றைக் காப்பதற்குப் பெயர்தான் ஜனநாயகம்".

"இந்தி ஆட்சி மொழியாவதை எதிர்த்து
2/n

உணர்ச்சிப்பூர்வமாக தெரிவிக்கபடும் எதிர்ப்பை இந்த மசோதா கணக்கிலேயே எடுத்துக்கொள்ளவில்லை. இந்த எதிர்ப்பு இந்தியாவின் ஏதோ ஒரு சிறு பகுதியிலிருந்து வரவில்லை. தென்னிந்திய மாநிலங்கள் அனைத்திலிருந்தும் வருகிறது என்றார்.

'இந்தியா ஒற்றை நாடல்ல'

இந்தியர்கள் அனைவருக்கும் பொதுவாக ஒரு
3/n

மொழி வேண்டும் என்று பலரும் பல விதங்களில் வாதாடினர். அது ஏற்கப்பட்டால் இந்தியாவில் பேசப்படும் மொழிகளில் ஒன்றைத்தான் பொதுமொழியாக ஏற்க வேண்டும். அதில் யாருக்கும் எந்த சந்தேகமும் இல்லை.

இந்தியா 'ஒற்றை நாடு' என்று ஏற்றுக்கொள்வோமானால், இந்த வாதத்தை ஏற்றுக்கொள்ளலாம். ஆனால்,
4/n

இந்தியா 'கூட்டாட்சி நாடு' இந்தியச் சமூகம் பன்மைத்துவம் கொண்டது. ஆகையால் ஒரே ஒரு மொழியைப் பொதுமொழியாக ஏற்பது ஏனைய மொழி பேசுவோருக்கெல்லாம் அநீதி இழைப்பது போன்றதாகிவிடும்.

இந்தியா ஒரே நாடல்ல. இந்தியா பல்வேறு இனக் குழுக்களையும் மொழிக் குடும்பங்களையும் கொண்ட நாடு. இதனாலேயே
5/n

இந்தியாவை 'துணை கண்டம்' என்று அழைக்கிறோம். இதனால்தான், ஒரே மொழியை இந்தியாவின் ஆட்சிமொழியாக நம்மால் ஏற்க முடியவில்லை.

தேசிய கீதமான 'ஜனகண மன' பாடலும், தேசத் தாய் வாழ்த்தாக பாடப்படும் 'வந்தே மாதரம்' பாடலும் இந்தியில் இயற்றப்பட்டவை அல்ல.

நான் தமிழுக்காக வாதாடுகிறேன்.
6/n

அதற்காக இந்திக்காக வாதாடுபவர்களின் தாய்மொழிப் பற்றை நான் மறுக்கவில்லை. அவர்கள் இந்திக்காகப் பாடுபடட்டும்.
என்று நீண்ட நெடிய உரை நிகழ்த்தி இந்தி திணிப்புக்கு எதிராக அன்றே வலுவான போராட்டத்தை நடத்தி அதில் வெற்றியும் அடைந்தார். மீண்டும் இந்த பாசிச சக்திகள் இந்தியை தூக்கி வருகிறது.
7

மொழி என்பது கருத்தை விளக்கும் கருவி தானே இதில் சொந்த மொழி,
வந்த மொழி என பாகுபடுத்தி
ஏன் சண்டையிட வேண்டும்? என்று பொறுப்பற்ற சிலர் அலட்சியமாக பேசுகின்றனர்!
மொழியை வெறும் தொடர்பு கருவியாக மட்டுமே உலகம் ஏற்றிருக்குமானால்
அச்சுப்பொறிகளும், தட்டெழுத்தும், கணினியும்,
8/n

விஞ்ஞான சாதனங்களும் மலிவாகப் பெருகிவிட்ட இந்நாளில் சிரமம் இன்றி கற்கக்கூடிய ஒரு மொழியை
மனித குலம் தேர்ந்தெடுத்து இருக்கும்.
நாகரிகம் பெற்ற எந்த இனமும் தனது தனித்தன்மையை இழக்க தயாராக இல்லை.
மொழி கருவியல்ல வாழ்வின் வழியாகும்.

"எங்கள் வாழ்வும் எங்கள் வளமும்
மங்காத தமிழ்
9/n

என்று சங்கே முழங்கு"
என்று பாவேந்தர் பாடினார்.
அதன் உண்மையான காரணம் உயிரைவிடவும்,
நாட்டை விடவும்
மொழியே பெரிது என்பதுதான்.
ஒரு நாட்டின் எல்லைகள் விரிவடைந்து கொண்டே போகலாம், அதன் பூகோள அமைப்புகள் மாறலாம்.

"நாட்டுப்பற்று என்பது அவர்களின் தாய்மொழிப்பற்றையே
அடிப்படையாகக்
10/n

கொண்டதாகும்" என்று வரலாற்று அறிஞர் 'டாயின்பி' கூறுகிறார்.

நம்மை அடிமைப்படுத்த
இந்தி வருகிறது.
இதுவே இறுதிப் போராக இருக்கட்டும்...
#இந்தி_வேண்டாம்_போடா
#HindiImposition

@TRBRajaa @isai_ @hihareesh @vasantalic @IlovemyNOAH2019 @Anti_CAA_23