Thread by @Shreya_Sanatani

ಮನೆಯಲ್ಲೇ ಹೋಟೆಲ್ ಊಟ ಬೇಕಾ...?
ಪಲ್ಯ ಚೆನ್ನಾಗಿಲ್ಲ, ಉಪ್ಪು ಜಾಸ್ತಿ.. ಎಂದು ಗಂಡ ತಟ್ಟೆಯನ್ನು ಅಲ್ಲೆ ಇಟ್ಟು ಹೋದ. ಮಕ್ಕಳು ಸಕ್ಕತ್ ಖಾರ ಚೆನ್ನಾಗಿಲ್ಲ ಎಂದು ಅವರು ತಟ್ಟೆಯನ್ನು ಅಲ್ಲೇ ಬಿಟ್ಟು ಹೋದರು.

ತಲೆ ಮೇಲೆ ಕೈಹೊತ್ತುಕೊಂಡು ಕುಳಿತಳು ಸುಬ್ಬಮ್ಮ.

ಇಷ್ಟೊಂದು ತರಕಾರಿಯೆಲ್ಲಾ ಹಾಕಿ ಮಾಡಿದ್ದೀನಲ್ಲ ಎಲ್ಲಾ ವೇಸ್ಟ್ .
೧/೫

ಎಷ್ಟು ಚೆನ್ನಾಗಿ ಆಸ್ಥೆಯಿಂದ ಮಾಡಿದ್ದರೂ ಏನೋ ಒಂದೊಂದು ರೀತಿಯ ತಕರಾರು ಎತ್ತಿ ಊಟ ಮಾಡದೆ ಹೋಗುತ್ತಾರಲ್ಲ. ಇವರಿಗೆ ಏನಪ್ಪಾ ಮಾಡುವುದು ಎಂದು ಆಲೋಚಿಸಿದ ಸುಬ್ಬಮ್ಮ, ಬಿಟ್ಟ ಪಲ್ಯವನ್ನೆಲ್ಲ ಎತ್ತಿ ಒಂದು ಬೌಲ್ ಗೆ ಹಾಕಿ ಫ್ರಿಜ್ಜಲ್ಲಿ ಇಟ್ಟಳು.
೨/೫

ಎರಡು ದಿನ ಬಿಟ್ಟು ತರಕಾರಿ ಪಲ್ಯಕ್ಕೆ ಚೂರು ಪನ್ನೀರ್ ಸೇರಿಸಿ ಬಿಸಿ ಮಾಡಿ ಚಪಾತಿ ಜೊತೆ ಎರಡೆರೆಡು ಈರುಳ್ಳಿ , ಸೌತೆಕಾಯಿ ಬಿಲ್ಲೆ, ಒಂದು ನಿಂಬೆ ತುಂಡು ಹಾಕಿ ಕೊಟ್ಟಳು.

ಗಂಡ ಮಕ್ಕಳು ಚಕಾರ ಎತ್ತದೆ "ಹೋಟೆಲಿನಲ್ಲಿದ್ದ ಹಾಗೇ ಇದೆ ಸೇಮ್ ಟು ಸೇಮ್" ಎಂದು ಚಪ್ಪರಿಸುತ್ತಾ ತಿಂದರು.
೩/೫

ಸುಬ್ಬಮ್ಮನಿಗೆ ಒಳಗೊಳಗೇ ನಗು ಹಾಗೂ ಪಲ್ಯ ಖಾಲಿಯಾದ ಖುಷಿ. ಜೊತೆಗೆ ಹೋಟಲಿನ ತರವೇ ಇದೆ ಎಂದಾಗ ಹೋಟೆಲಿನವರ ಗುಟ್ಟು ಅರ್ಥವಾಯಿತು.

ಅಂದಿನಿಂದ ಗಂಡ, ಮಕ್ಕಳು ಚೆನ್ನಾಗಿಲ್ಲ ಎಂದು ಊಟ ಬಿಟ್ಟರೆ ಬೇಸರವೇ ಮಾಡಿಕೊಳ್ಳುತ್ತಿರಲಿಲ್ಲ. ನೇರವಾಗಿ ಫ್ರಿಡ್ಜ್ ಗೆ ಇಟ್ಟು ಎರಡು ದಿನವಾದ ಮೇಲೆ ಹೋಟೆಲ್ ತರವೇ ಅಲಂಕರಿಸಿ ಕೊಡುತ್ತಿದ್ದಳು.
೪/೫

ಈಗೀಗ ಗಂಡ, ಮಕ್ಕಳಿಗೆ ಯಾವ ರೀತಿಯ ಊಟ ಬೇಕೆಂದು ಕೇಳುತ್ತಾಳೆ. ಮನೆ ಊಟ ಬೇಕೆಂದರೆ ಫ್ರೆಶ್ ಊಟ. ಹೋಟೆಲ್ ತರಾನೇ ಬೇಕು ಎಂದರೆ ಎರಡು ದಿನದ ತಂಗಳು ಅಷ್ಟೇ...!!
#source
ಒಳ್ಳೆಯ ಐಡಿಯಾ ಅಲ್ವಾ... ಎಲ್ಲರೂ ಹ್ಯಾಪಿ
😁😅😂
೫/೫