Thread by @MSivaRajan7

#ஸ்வாமி

*ஸ்வாமி என்றால் என்ன?*_

ஸ்வாமி என்றால் என்ன? 'ஸ்வம்' என்கிற வார்த்தைக்கு 'உடைமை', 'சொத்து' என்று
அர்த்தம்.

'ஸ்வம்' என்பதே தெலுங்கில் 'ஸொம்மு' என்றாகியிருக்கிறது. 'ஸொம்மு'
என்றால் 'சொத்து'.

ஸ்வந்தம் - நமக்குச் சொந்தமானது - அதுவே நம் சொத்து.

கோயிலைச் சேர்ந்த சொத்தைக் கேரளத்தில் 'தேவஸ்வம்' என்கிறார்கள் அல்லவா?
உடைமைக்கு சொந்தக்காரர் யாரோ அந்த உடையவர்தான் 'ஸ்வாமி'. ஸ்வாமி என்பதற்கு

குருவும் ஸ்வாமியும் ஒன்று என்பதால்தான் வைஷ்ணவர்கள் ஸ்ரீ ராமாநுஜரை 'உடையவர்' என்றே சொல்கிறார்கள்.

'ஸ்வாமி' என்றால் சொத்துக்கு உரிமைக்காரர் என்றேன்.

எந்தச் சொத்து? சகலப் பிரபஞ்ஜமும்தான். அதிலுள்ள நாமும் அவன் சொத்துத்தான்.

உள்ளதனைத்தும் அவன் ஒருவனுக்கே உடமையாகும்.

அவன் இல்லாவிட்டால் இந்தப் பிரபஞ்சமும் இல்லை, நாம் பாத்தியதை கோருகிற சொத்துக்களும் இல்லை.

நாம் அவர் சொத்தை எடுத்து வேறு ஒரு ரூபத்தில்
மாற்றுகிறோமே தவிர புதிதாக எதுவும் செய்யவில்லை.

'மூலப்பொருளை (element) செய்'. 'அணுவை (atom) உண்டாக்கு' என்றால் எந்த விஞ்ஞான நிபுணராலும் அது
முடியாத காரியம்.

இத்தனை மெஷின்கள், குண்டுகள் செய்கிற விஞ்ஞானியால்

ஒரு சின்னஞ்சிறிய இலையைச் செய்ய முடியுமா?

எல்லாவற்றையும் செய்கிற ஒரே ஒருத்தருக்குத்தான் அவையெல்லாம் சொந்தம்.

அதனால்தான் அவர் உடையவர், ஸ்வாமி என்று அழைக்கப்படுகிறார்.

நாமும் அவரது
உடமைகள் தான்.

நம் சொத்து என்று நாம் நினைத்துக் கொண்டிருப்பதை நம் இஷ்டப்படி விநியோகிக்க உரிமை பெற்றிருக்கிறோம் அல்லவா? அப்படியே ஸ்வாமியின் சொத்தாகிய
நாமும், நம்மை அவன் இஷ்டப்படி நடத்தட்டும் என்று விட்டுவிட்டால் நமக்கு எந்த பாரமும் இல்லை. ஒரே ஆனந்தம் தான்.

நமக்கென்று சொந்தமாக ஒரு ஆசையும் ஒரு துவேஷமும் பாராட்டுவதற்கு உரிமை இல்லை என்று தெரிந்து கொண்டு விட்டால், அப்புறம் ஒரு அலைச்சலும் இல்லை. ஒரே நிம்மதிதான்! 'ஸ்வாமி' என்கிற வார்த்தையே, நமக்கு நம்மிடமே எந்த சொந்தமும் இல்லை.

நாம் அவன் தன்னிஷ்டப்படி விநியோகிக்க உரிமை பெற்றிருக்கிற அவனுடைய
சொத்துத்தான் என்பதை உணர்த்துவதாக அமைந்திருக்கிறது.

இப்படி உணர்வதுதான் பக்தியின் பரம லக்ஷியமான சரணாகதி என்பது.

#ஸ்வாமி