രണ്ടു കാര്യങ്ങൾ ഉറപ്പ് ആണ് ഒന്നു എമിലിയാനോ മാർട്ടിനസ് എന്ന മുൻ ആഴ്‌സണൽ ഗോൾ കീപ്പർ(10 കൊല്ലം ഒരവസരത്തിനു ആയി കാതിരുന്നവൻ ആണ്) രണ്ടു പെനാൽട്ടി എങ്കിലും തടഞ്ഞിടും എന്നതും രണ്ടാമത്തേത് ലയണൽ മെസ്സിക്ക് ചെയ്യാൻ പറ്റാത്തത് ഒന്നും ഫുട്‌ബോൾ പിച്ചിൽ ഇല്ല എന്നതും.
എന്തൊരു മത്സരം ആയിരുന്നു അത്, ലോക ഫുട്‌ബോളിലെ രണ്ടു ഇതിഹാസ ടീമുകൾ തമ്മിൽ. ഓസ്‌ട്രേലിയക്ക് എതിരായ അവസാന മിനിറ്റുകളിൽ 3 പേരെ പ്രതിരോധത്തിൽ ഉപയോഗിച്ച സ്കലോണി ഇന്ന് എങ്ങനെ കളിക്കും എന്ന സൂചന നേരത്തെ തന്നിരുന്നു, വാൻ ഹാളും അതേപോലെ ആണ് ടീമിനെ ഒരുക്കുന്നത്.
രണ്ടു പേരും സൂക്ഷിച്ചു കളിച്ചു ആദ്യം. 1998 ൽ ലോകകപ്പിലെ ഏറ്റവും മഹത്തായ ഗോളുകളിൽ ഒന്നു ഡെന്നിസ് ബെർക്യാമ്പ്‌ അർജന്റീനക്ക് എതിരെ കുറിച്ച ശേഷം മൂന്നാം തവണ ലോകകപ്പിൽ പരസ്പരം ഏറ്റുമുട്ടുമ്പോൾ അർജന്റീന, ഹോളണ്ട് മത്സരത്തിൽ ഒരു ഗോൾ പിറക്കുക ആണ്.
മോളിന തന്റെ കരിയറിലെ ആദ്യ രാജ്യാന്തര ഗോൾ നേടുന്നതിന് കാരണം ഒന്നേയുള്ളൂ, അത് ലയണൽ മെസ്സി സൃഷ്ടിച്ച അത്ഭുതം ആണ്, അവിശ്വസനീയം ആയിരുന്നു ആ അസിസ്റ്റ്, അത്ര കൃത്യമായി ഡച്ച് പ്രതിരോധം കീറി മുറിച്ചു മെസ്സി നൽകുന്ന പന്ത് മികച്ച രീതിയിൽ ആണ് ലക്ഷ്യത്തിൽ എത്തിക്കുന്നത്.
ശരിക്കും കണ്ണിൽ നിന്നും കണ്ണീർ വന്ന നിമിഷം. അർജന്റീന മികച്ചു നിന്ന മത്സരത്തിൽ അക്യുന നേടി നൽകുന്ന പെനാൽട്ടി ലക്ഷ്യം കണ്ടു മെസ്സി കുറിക്കുന്നത് തന്റെ ലോകകപ്പിലെ പത്താം ഗോൾ ആണ്, അർജന്റീനക്ക് ആയി ലോകകപ്പിൽ ഏറ്റവും കൂടുതൽ ഗോൾ നേടിയവരിൽ സാക്ഷാൽ ഗബ്രിയേൽ ബാറ്റിസ്റ്റൂട്ടക്ക് ഒപ്പം.
പിന്നീട് കണ്ടത് ഡച്ച് തിരിച്ചു വരവ് ആണ്, എന്തൊരു തിരിച്ചു വരവ് ആയിരുന്നു അത്. തല കൊണ്ട് ഗോൾ അടിക്കാൻ കഴിവുള്ള, ശാരീരികമായി എന്തും നൽകുന്ന 2 പേരെയാണ് വാൻ ഹാൽ കളത്തിൽ ഇറക്കുന്നത്, Luuk De Jong ഒന്നാമൻ ആയെങ്കിൽ Wout Weghorst രണ്ടാമൻ ആയി.
ഒപ്പം ഇടത് കാലിൽ മാന്ത്രികത ഒളിപ്പിച്ചു വച്ച Steven Berghuis ഉം. രണ്ടാം മഞ്ഞ കാർഡ് പേടിച്ചു, റൊമേറോ, അക്യുന എന്നിവരെ പിൻവലിക്കുന്ന സ്കലോണി അതിനു വില നൽകുക ആണ് ആദ്യം. Berghuis ന്റെ അതുഗ്രൻ ക്രോസിൽ നിന്നു Weghorst ഉഗ്രൻ ഹെഡർ മാർട്ടിനസിനെ കാഴ്ചക്കാരനാക്കി വലയിൽ.
തുടർന്ന് കണ്ടത് വല്ലാത്ത ഒരു കാഴ്ച ആയിരുന്നു.1998 ലോകകപ്പിലെ അർജന്റീനയുടെ ഇംഗ്ലണ്ടിന് എതിരായ അവിശ്വസനീയ ഫ്രീകിക്ക് ഓർമ്മിപ്പിച്ച ഡച്ച് പട 103 മത്തെ മിനിറ്റിൽ Koopmeiners ന്റെ പാസിൽ നിന്നു Weghorst ലൂടെ ഗോൾ നേടുന്നു. അർജന്റീന താരങ്ങൾ ഉത്തരം ഇല്ലാതെ നിന്നു.
സംഘർഷങ്ങൾ നിറഞ്ഞ മത്സരത്തിൽ പക്ഷെ അർജന്റീന എക്സ്ട്രാ ടൈമിൽ നന്നായി കളിച്ചു. എൻസോയുടെ അവസാനത്തെ മിനിറ്റിലെ ഷോട്ട് പോസ്റ്റിൽ തട്ടി മടങ്ങുമ്പോൾ രണ്ടു തവണ ലൗടാരോ മാർട്ടിനസിന്റെ ശ്രമങ്ങൾ ഡച്ച് പ്രതിരോധം രക്ഷിക്കുന്നു.
തുടർന്ന് പെനാൽട്ടി ഷൂട്ട് ഔട്ടിൽ കണ്ടത് എമി മാർട്ടിനസ് ബ്രില്യൻസ് ആണ്, ആദ്യ 2 പെനാൽട്ടികൾ രക്ഷിച്ച താരം അർജന്റീന ജയം ഉറപ്പിക്കുക ആയിരുന്നു. പയ്യൻ എൻസോ പെനാൽട്ടി പാഴാക്കുന്ന സമയത്തും അർജന്റീനയുടെ പരിചയ സമ്പന്നർ അനായാസം അർജന്റീന ജയം ഉറപ്പിച്ചു.
മഞ്ഞ കാർഡുകൾ നിറഞ്ഞതെങ്കിലും ശാരീരിക മത്സരം ആയിരുന്നു എങ്കിലും അത്രമേൽ മികച്ച ക്ലാസിക് ആയി ഈ മത്സരത്തെ വാഴ്ത്താം.
നാലു ഗോളുകൾ, 2 അസിസ്റ്റുകൾ, ലോകകപ്പ് ചരിത്രത്തിൽ ഏറ്റവും കൂടുതൽ അവസരങ്ങൾ ഒരുക്കുന്ന താരം, വിമർശങ്ങൾ മറന്നു പെനാൽട്ടി സ്പോട്ടിലെ മികവ്, ലയണൽ മെസ്സി 35 മത്തെ വയസ്സിൽ തന്റെ ലാസ്റ്റ് ഡാൻസ് ആഘോഷിക്കുക ആണ്.
ഇനി ക്രൊയേഷ്യയെ സെമിഫൈനൽ നേരിടണം, അക്യുന ഉണ്ടാവില്ല എന്നത് ആവും ഒരു വലിയ വെല്ലുവിളി. ഇനി അതിലേക്ക് ആയി ഒരുങ്ങണം, ടെൻഷൻ അടിക്കണം പക്ഷെ ഈ രാത്രി ആഘോഷിച്ചു, സന്തോഷിച്ചു സുഖമായി ഉറങ്ങാം.
എല്ലാറ്റിനും നന്ദി സൗദി അറേബ്യയോട്, അതിൽ നിന്നു തിരിച്ചു വന്ന ഈ ടീമിന്. നന്ദി ഈ സുന്ദര നിമിഷങ്ങൾക്ക്. #VamosArgentina #FIFAWorldCup #Qatar2022
• • •
Missing some Tweet in this thread? You can try to
force a refresh
