Thread by @senthazalravi

Launching MadeInIndia ecom B2B / B2C in Scandinavia / Nordic to Identify new markets for Tamil Nadu!

தமிழ் நாட்டில் தயாராகும் உடைகள், மற்ற பொருட்களை ஸ்கண்டிநேவியாவில் சந்தைப்படுத்த ஒரு இணைய தளத்தை கட்ட வேண்டும் என்பது என் கனவு.
இதில் முக்கியமாக நான் கொண்டுவர விரும்பியது உடைகள்.

சுவீடனில் பத்து மில்லியன் மக்கள் - மற்ற ஸ்காண்டிநேவிய நாடுகளை கணக்கில் எடுத்துக்கொண்டால் (டென்மார்க் - பின்லாந்து - நார்வே), அல்லது மொத்த நார்டிக் நாடுகளும் என்றால் ஐஸ்லாந்து கூட இதில் வரும், ஆக 25 மில்லியன் மக்கள் தொகை. இது தான் நான் டார்கெட் செய்ய நினைக்கும் சந்தை.

கடந்த ஆண்டு நான் கேள்விப்பட்ட வரை, திருப்பூர் / கோவை / கரூர் போன்ற ஊர்களில் கடந்த சில ஆண்டுகளில் டெக்ஸ்டைல் துறை கடந்த காலங்களில் இருந்ததை போல இல்லாமல் சற்று மந்தமான நிலையில் - வெளிப்படையாக சொன்னால் சோடை போய் - இருப்பது கொஞ்சம் வருத்தமாக இருக்கிறது.

இதற்கு காரணமாக நான் நினைப்பது (பலரை விசாரித்து அறிந்துகொண்டது)

1. பண மதிப்பு இழப்பு
2. நூல் விலை உயர்வு
3. ஒன்றிய அரசின் பெரிய ஆதரவு இல்லை
4. கொரோனா பேரழிவு

வங்காள தேசத்தில் இருப்பதை போல அரசு உதவி நமது நாட்டில் இல்லை என்பதால் விலையில் அவர்களோடு போட்டி போட இயலாத சூழல் இருப்பதாக சொல்கிறார்கள்.

இதனை சமாளிக்க புதிய சந்தைகளை (நார்டிக் ) கண்டறிவது தான் ஒரே வழி. ஏற்கனவே பல உற்பத்தியாளர்கள் நார்டிக் நாடுகளில் தங்களுக்கான சந்தைகளை கண்டறிந்து கொடுத்து கொண்டு தான் இருக்கிறார்கள், இது புதிது அல்ல, ஆனால் மிக சிலரே அந்த அளவுக்கு தொடர்புகளை ஏற்படுத்தி வெற்றியடைந்து இருக்கிறார்கள்.

தமிழ் நாட்டில் உற்பத்தியாகும் துணிகளின் சந்தை மதிப்பு 60,000 கோடி என்று சொல்கிறார்கள். உரிய வகையில் கவனிப்புடன், முனைப்புடன் செயல்படவில்லை என்றால் இது வரும் காலங்களில் மிக அதிக அளவில் குறைந்து விட வாய்ப்பு இருப்பதை யாரும் மறுக்க இயலாது.

இப்படியான யோசனை வந்தவுடன் நான் சில உற்பத்தியாளர்களை தொடர்பு கொண்டபோது, கொள்முதல் செய்ய கிளையண்ட் வந்தால் ஓக்கே இல்லை என்றால் முடி போட்டு விடுவது என்பது போல சிலர் இருப்பதாக சொல்கிறார்கள். இதற்கு காரணமாக நான் நினைப்பது

1. போதுமான அளவுக்கு சொத்துக்கள், முதலீடுகள் இருப்பதால் போதும் என்ற மனநிலை
2. இளைய தலைமுறை வேறு துறைகளை நாடி சென்றுவிடுதல் (உதாரணம் தகவல் தொழில் நுட்பம், உணவாக துறை)

3. பிராண்டிங், மார்க்கெட்டிங் மாற்றிய அனுபவம் இல்லை, கற்கவும் விருப்பம் இல்லை (இதனை உடைத்து சொன்னது, இங்கே சுவிடனுக்கு வந்து இருந்த எழுத்தாளர் ஜெயமோகன் அவர்கள்)

25 கோடி வருட டர்ன் ஓவர் இருக்கும் ஒரு உற்பத்தியாளரிடம் உங்கள் தயாரிப்புகளை அனுப்புங்க என்று சொன்னால் சில டி-ஷார்ட்களை தரையில் போட்டு வாட்சப் காமிரா கொண்டு போட்டோ எடுத்து அனுப்பிறார்கள்.

பீட்டர் இங்க்லண்ட் மாதிரியான பல நூரு பிராண்ட்களை உருவாக்கும் சக்தி கொண்ட திருப்பூர் ஏன் தன்னை இப்படியாக சுருக்கி கொள்கிறது என்பது ஒரு வெளி ஆள் ஆக, டெக்ஸ்டைல் துறையை சாராத ஒரு நபராக பார்க்கும்போது எனக்கு உள்ளபடியே ஆச்சர்யமாக உள்ளது.

நான் Made In India என்ற ஒரு தளத்தை சுவீடன், நார்வே, பின்லாந்து, டென்மார்க் ஆகிய நாடுகளில் கட்டுகிறேன். இந்த தளத்தில் உங்கள் தயாரிப்புகளை சந்தைப்படுத்த உங்களை அழைக்கிறேன். இந்த தளத்தை B2B ஆகவும் B2C ஆகவும் இரு தரப்பினருக்காகவும் கட்டமைக்க இருக்கிறேன்.

இந்த தளம் மொபைல் அப்ளிக்கேஷன் ஆகவும் (ஆண்ட்ராய்டு மற்றும் iOS) இங்கே மார்க்கெட் செய்யப்படும். அப்படி செய்யப்படும் போது அது வேறு ஒரு பிராண்ட் பெயரில் (இங்கே உள்ள மக்களை - குறிப்பாக இளையோரை) கவரும் வகையில் இருக்கும்.

இப்படி ஒரு யோசனை வந்தவுடன் ஒரு நண்பர் சொன்னார், ரவி உனக்கு டெக்ஸ்டைல் துறையில் பணம் சம்பாதிக்க வேண்டும் என்றால் பங்களா தேஷ் இல் இருந்து துணிகளை வாங்கு.

டாக்காவிலோ அல்லது ஏன் உத்தர பிரதேசத்தில் கூடவோ ஒரு தொழில் சாலை செய், அதில் மேட் இன் இந்தியா என்று ஒட்டி இந்தியாவிலும் விற்பனை செய்யலாம், ஐரோப்பாவிலும் விற்பனை செய்யலாம் என்கிறார்.

எனக்கு அப்படியான நோக்கம் அல்ல, பணம் சம்பாதிக்க வேண்டும் என்றால் நான் வெற்றிகரமாக இயங்கும் உணவக துறையில் (The South Indian உணவக சங்கிலி) என்னுடைய நேரத்தை செலவு செய்தாலே போதும்.

ஒரு நண்பர் சில மாதம் முன்பு சொன்னார், இப்போது எல்லாம் இரண்டு ஷிப்ட் பார்த்துக்கொண்டு இருந்த என்னுடைய பெற்றோர் ஒரு ஷிப்ட் பார்க்கிறார்கள், வேலை எல்லாம் மிகவும் குறைந்துவிட்டது என்று.

நான் கூட படித்த காலத்தில் வேடிக்கையாக இப்படி நினைத்தது உண்டு - திருப்பூர் பஸ் ஸ்டாண்டு சென்று இறங்கினால் காதலும், வேலையும் கிடைக்கும். ஆனால் இன்று அந்த நிலை இல்லை என்பதை அறிந்து மிகவும் வருந்தினேன்.

நாங்கள் இங்கே சுவீடனில் பிடிக்கும் ஒரு கிளையண்ட், அல்லது விற்பனை செய்யும் 100 டிஷர்ட் மூலம் எங்கோ திருப்பூரில் பட்டன் தைக்கும் ஒரு பெண்ணுக்கு வேலை வாய்ப்பு அதிகரிக்கிறதா ? அது தான் வேண்டும். அது தான் நோக்கம்.

நீங்கள் ஒரு உற்பத்தியாளர் ஆக இருந்தால், இந்த பதிவு உங்கள் கண்ணில் பட்டால், இந்த குறிப்பிட்ட வாட்ஸ் அப் குழுவில் இணைக, அல்லது நேரடியாகவும் என்னை தொடர்பு கொள்ளலாம். ([phone]) chat.whatsapp.com/JgbU4dJJbG65lv…

மிக மிக முக்கியமாக இந்த Form இல் உங்களை பற்றிய தகவல்களை இட்டால் உங்களை தொடர்புகொள்ள மிக உதவியாக இருக்கும் forms.gle/BKd53nDMBXNA1k…
கொஞ்சம் லேட்டாக புத்தாண்டு வாழ்த்துக்களை சொல்லிக்கொண்டு முடிக்கிறேன், நன்றி !!!
#MadeInIndia