Thread by @Moona_sikander1

داستان نیوٹرل کی
مونا سکندر کے قلم سے

بہت زمانے گزرے مصر پر ایک بادشاہ حکومت کرتا تھا فرعون نامی،
بڑا ظالم
اس نے اس خوف سے کہ قومِ بنی اسرائیل میں سے کوئی بچہ اس کی سلطنت اجاڑ دے گا، بنی اسرائیل کے ہر نر بچے کو قتل کرنا شروع کر دیا اس کی اپنی قوم کے کچھ لوگ اس کو پسند
👇

نہیں کرتے تھے مگر بادشاہ کے خوف سے "نیوٹرل" ہو گئے
آج ان کا نام تک مٹ گیا
مگر اس کی بیوی نیوٹرل نہیں ہوئی، اس نے ہمت کی اور خدا کے حکم سے بنی اسرائیل کے اسی بچے کی پرورش کا بیڑا اٹھایا جس سے فرعون خوفزدہ تھا
نام تھا اس کا آسیہ
رہتی دنیا تک یہ نام زندہ رہے گا
👇

ایک تدبیر تم کرتے ہو، ایک اللہ کرتا ہے اور اللہ بہتر تدبیر کرنے والا ہے

پھر وقت گزرا
موسیٰ علیہ السلام اپنی قوم کو لے کر چلے اپنے آبائی وطن بیت المقدس کی جانب
مگر وہاں تو قبضہ تھا "عمالقہ" نامی قوم کا
موسیٰ علیہ السلام نے اللہ کے حکم سے اپنی قوم کو کہا کہ لڑو ان سے
👇

اللہ تمہیں ان پر غالب ہی کرے گا، مگر بنی اسرائیل خوفزدہ ہو گئے ان کی طاقت سے اور حق کا ساتھ دینے سے انکار کر دیا، نیوٹرل ہو گئے اور کہا کہ

اے موسیٰ ! ہم تو وہاں کبھی نہ جائیں گے جب تک وہ وہاں موجود ہیں بس تم اور تمہارا رب، دونوں جاؤ اور لڑو، ہم یہاں بیٹھے ہیں"
المائدہ:24

👇

پھر کیا ہوا؟
وہ بھٹکتے رہے سالوں تک ایک بے آب و گیاہ وادی میں

نیوٹرل کا ایک قصہ تو ہمیں ملتا ہے قوم ثمود کا بھی
جب صالح علیہ السلام کی قوم نے اللہ کی نشانی ایک اونٹنی کو قتل کرنے کی سازش کی،
قتل کرنے والے تو چند ہی لوگ تھے مگر باقی قوم اس ظلم کو دیکھ کر نیوٹرل ہو گئی
👇

اور پھر اس کی پاداش میں اللہ نے پوری قوم پر عزاب نازل کردیا
پہلے ایک زبردست چنگاڑ کی خوفناک آواز آئی پھر شدید زلزلہ آیا جس سے پوری آبادی اتھل پتھل ہو کر چکنا چور ہو گئی تمام عمارتیں ٹوٹ پھوٹ کر تہس نہس ہو گئیں اور قوم ثمود کا ایک ایک آدمی گھٹنوں کے بل اوندھا گر کر مر گیا

👇

پس انہیں زلزلہ نے آ پکڑا، پھر صبح کو اپنے گھروں میں اوندھے پڑے ہوئے رہ گئے۔
الاعراف:78

پھر صالح ان سے منہ موڑ کر چلے اور فرمایا اے میری قوم! میں تمہیں اپنے رب کا پیغام پہنچا چکا اور تمہاری خیر خواہی کی لیکن تم خیر خواہوں کو پسند نہیں کرتے تھے۔
الاعراف :79

👇

زمانے گزرتے رہے، نیکی اور بدی کی جنگ میں نیوٹرل آتے رہے
مٹتے رہے، نشان عبرت بنتے رہے
کبھی منافقین مدینہ کی شکل میں تو کبھی کوفے والوں کی صورت

اللہ کی نظر میں نیوٹرل اتنے برے ہیں کہ منافقین کا مقام جہنم کا سب سے نچلا درجہ ہے

👇

اللہ ہمیں حکم دیتا ہے کہ ظلم کے خلاف آواز بلند ضرور کرو
جتنی تمہاری استطاعت ہے
سو میری استطاعت یہی ہے

اللہ قبول فرمائے

مرشد میں لڑ نہیں سکا پر ، چیختا رہا
خاموش رہ کے ظلم کا حامی نہیں بنا
افکار علوی

#ازقلم_موناسکندر