Thread by @MSivaRajan7

#செல்வம்_தரும்_வில்வம் :~

#வில்வ_மரம் :~

வில்வ மரத்தைக் கற்பக விருட்சம் என்று சொல்வார்கள்.

வில்வங்களில் மகாவில்வம், கொடி வில்வம், சித்த வில்வம், கற்பூர வில்வம் உள்பட 21 முக்கிய வகைகள் உள்ளன.

வில்வ இலைகளை காலையில் சூரிய உதயத்துக்கு முன்பாகவே பறித்துவிட வேண்டும்.

{திங்கள் கிழமை, சதுர்த்தி, அஷ்டமி, பிரதோஷம், சிவராத்திரி, அமாவாசை, பவுர்ணமி} ஆகிய நாட்களில் பறிக்கக் கூடாது.

வில்வ இலையைப் பறித்து சிறிது தண்ணீர் தெளித்து பிறகு அதை பூஜைக்காக பயன்படுத்தலாம்.

வில்வம் சிவபெருமானுக்கு உகந்த அட்சரம். அதைவிடச் சிறந்த அட்சரம் ஒன்றும் இல்லை.

"வில்வ இலை இரண்டு
வீசும் கை கண்டு
சிவனே வருவதுண்டு"

என்ற வரிகளே இதன் சிறப்பை உணர்த்துகிறது.

பாற்கடலில் இருந்து லட்சுமிதேவி தோன்றிய போது அவளது கரங்களில் இருந்து வில்வ மரம் தோன்றியதாக வராக புராணத்தில் கூறப்பட்டுள்ளது.

எனவே வில்வ மரத்தை அன்னை மகாலட்சுமியின் வடிவமாக கூறுகிறார்கள்.

இதனால் வில்வ மரத்தை மனதார வழிபட்டால், ஈசன் சிவபெருமானின் கருணை கிடைப்பதோடு,

லட்சுமி தேவியின் பரிபூரணமான அருளையும் பெறலாம்.

வில்வ இலை கொண்டு சிவனை அர்ச்சனை செய்வது லட்சம் எண்ணிக்கையிலான தங்க மலர்களைக் கொண்டு அர்ச்சனை செய்ததற்குச் சமம்.

மேலும் கங்கை முதலான புண்ணிய நதிகளில் நீராடிய, 108 சிவ தலங்களுக்குச் சென்று தரிசித்த பலன் கிடைக்கும்.

வில்வத்தைச் சிவனுக்கு பக்தி நிறைந்த மனதோடு எந்தவித எதிர்பார்ப்புமின்றி அர்ப்பணித்தாலே மூன்று ஜென்ம பாவங்கள் நம்மை விட்டு நீங்கும் என்கின்றன தர்மசாஸ்திரங்கள்.

வில்வ மரத்தில் மட்டுமின்றி வில்வ இலைகளிலும் மகாலட்சுமி வாசம் செய்வதால், வில்வ இலைகளுக்கு தனிச்சிறப்பு உண்டு.

மேலும், காளிகா புராணத்தில் மகாலட்சுமி வில்வமரங்கள் அடங்கிய காட்டிலேயே தவம் செய்தாள் என்று குறிப்பிடுகிறது.

வில்வ மரத்தடியில் "ரைவத மன்வந்திரத்தில் "மகாலட்சுமி தோன்றியதாக கூறப்படுகிறது.

மகாலட்சுமி தேவிக்கு உகந்த மரம் "வில்வ மரம்" என்று *"ஸ்ரீ சூக்தம்"* கூறுகிறது.

வில்வ மரத்தடியில் செல்வம் தரும் திருமகள் அலைமகள்
(ஸ்ரீ தேவி) வசிக்கிறாள்

வைணவ ஸ்தலமான ஸ்ரீ ரங்கத்தில் மகாலட்சுமியாக கருதப்படும்
ஸ்ரீ ரங்கநாயகி நாச்சியார் தாயாரின் சன்னதிக்கு அருகில் அவருக்காக வில்வ மரம் அமையப் பெற்றுள்ளது.

தாயாரின் தல விருட்சமாக கருதப்படுவது வில்வம் தான்.

சமஸ்கிருதத்தில் வில்வத்திற்கு
'ஸ்ரீ பலம்" என்று பெயர் உண்டு.

அதாவது சகலவிதமான செல்வ வளத்தை குறிப்பதாகும்.

திருமகள் தேவி மகாலட்சுமிக்கு வில்வம் இலை, மலர் கொண்டு அர்ச்சனை செய்து வழிபட்டு சகல செல்வ வளத்தையும் பெறலாம் என்பதே உண்மையாகும்.

இதை உணர்த்தும் விதமாக மார்கழி மாதத்தில் திருப்பதியில் பெருமாளுக்கு வில்வத்தால் அபிஷேக அர்ச்சனை செய்யப்படுகிறது.

ஏனென்றால் அங்கு வீற்றிருக்கும் பெருமாளின் உள்ளத்திலே லஷ்மி தேவி வசிப்பதாக கூறப்படுவதாலே ஸ்ரீ தேவிக்குரிய வில்வத்தால் செய்யப்படும் அர்ச்சனையை

பெருமாள் தனக்குரியதாக விரும்பி ஏற்றுக் கொள்வதாகவும் உணரப்படுகிறது.

திருவந்திபுரத்தில் மகாலட்சுமிக்கு வில்வத்தால் தான் அர்ச்சனை.

உண்மையில் செல்வம் என்பது பணம், நகை, நிலம், உணவு மட்டுமல்ல, நல்ல ஆரோக்கியமான உடல்நலம், நிறைவான தெளிவான உள்ளம், குற்றமற்ற நெஞ்சம், என்பனவும் அடங்கும்.

ஏழரைச் சனி, அஷ்டமச்சனி சனி தசா, புத்தி நடைமுறையில் உள்ளவர்களுக்கு மிகவும் உகந்த வழிபாடு *#வில்வபிரயோகம்* தான்.

வீடுகள் மற்றும் தொழில் அமைப்புகளில் உள்ள லஷ்மிதேவியின் உருவத்திற்கு வில்வ இலை சமர்ப்பித்து தீபம் ஏற்றி தினந்தோறும் வழிபடுவதும்

தேவையற்ற விரயங்களை குறைத்து பொருட் சேர்க்கைக்கு வழிவகுக்கும்.

நம்பிக்கையுடன் செயல்பட்டு நல்வாழ்வு பெறுங்கள்...

#வில்வம்

#வில்வ_இலை

#வில்வ_அர்ச்சனை

#வில்வ_இலை_சிறப்பு

#வில்வ_இலை_மகிமை