Thread by @MSivaRajan7

🌺 (21/01/23 ) *தை* *அமாவாசையில்* *முழுநிலவு உற்சவம்!*

திருக்கடவூர்
அன்னை அபிராமி உடனமர் அருள்மிகு அமிர்தகடேசுவரர் திருக்கோயிலில் தை அமாவாசை அன்று மாலை....

அன்னை அபிராமி தனது பக்தர் அபிராமிப் பட்டருக்காக அமாவாசை அன்று முழுநிலவு காட்டிய ஐதீகவிழா நடைபெறும்.

திருக்கடையூர் அபிராமி அம்மன் ஆலயத்தில், தை அமாவாசை அன்று மாலை 7 மணிக்கு மேல் தருமபுரம் ஆதீனம் பங்கேற்க அபிராமி பட்டர் உற்சவம் நடைபெறும்.

அப்போது அபிராமி அந்தாதி பாடப்படும். அந்த சமயத்தில் அபிராமி அம்மன் நவரத்தின அங்கி அணிந்து வீற்றிருப்பார்

ஒவ்வொரு
பாட்டின் நிறைவிலும் அபிராமி அம்மனுக்கு தங்கக் காசு சமர்ப்பித்து, தீபாராதனை செய்யப்படும்.

79 – வது பாடலின்போது ஆலய கொடி மரத்தின் அருகில் பவுர்ணமி தோன்றும் ஐதீக நிகழ்வு நடத்திக் காட்டப்படும்.

'தாரமர் கொன்றையும்' என்று துவங்கும் விநாயகர் வணக்கப் பாடலோடு சேர்த்து மணி மணியான 101 அந்தாதித் திருப்பாடல்களால் கோர்க்கப் பெற்றிருப்பது அபிராமி பட்டர் அருளியுள்ள அபிராமி அந்தாதி.

அனுதினமும் சில திருப்பாடல்களைப் பாராயணம் புரிந்து வந்தாலே போதும், வெகுவிரைவில் 100 பாடல்களிலும் பயிற்சி கைகூடி விடும், அத்தனை எளிமையான இனிமையான திருப்பாடல்கள்.

இப்பனுவலின் பாடல்கள் யாவுமே அதீத மந்திர சக்தி பொருந்தியவை ஆதலின் இன்ன பாடலுக்கு இன்ன பலன் எனும் சிந்தனையை விடுத்து வாரம் அல்லது மாதம் ஒருமுறையேனும் 100 அந்தாதிப் பாடல்களையும் முழுமையாய்ப் பாராயணம் புரிந்து அன்னை அபிராமியின் திருவருளால் நலமெலாம் பெற்று வாழ்வோம்.

🌼 *அபிராமி அந்தாதி.*

🌺தனம் தரும் கல்வி தரும் ஒரு நாளும் தளர்வறியா

🌺மனம் தரும் தெய்வ வடிவும் தரும் நெஞ்சில் வஞ்சமில்லா

🌺இனம் தரும் நல்லன எல்லாம் தரும் அன்பர் என்பவர்க்கே

🌺கனம் தரும் பூங்குழலாள் அபிராமி கடைக்கண்களே!!!'

#அபிராமி_அம்மன்

#அபிராமி_அந்தாதி

#அபிராமி_பட்டர்

#அபிராமி_அந்தாதி_தோற்றம்

#அபிராமி_அந்தாதி_திருவிழா

#அபிராமி_அந்தாதி_ஐதீகம்

#சாக்தம்

#அம்பாள்வழிபாடு

#ஓம்ஐம்க்லீம்சௌம்