Thread by @alifnagri

اپنی کتاب The Story Hunter میں Eduardo Galeano لکھتے ہیں:
سن 1959 میں میکسیکو کی ریاست چیاپاس میں پہلا بشپ پہنچا اسکا نام فرنینڈو بینیٹیز تھا اگرچہ وہ پرتگالی استعمار کے لئے مقامی لوگوں کی آزادی کو مذہبی کارڈ استعمال کر کے سمیٹنے کے لیے لایا گیا بشپ تھا
لیکن
جب اس نے دیکھا کہ
+

مذہب کا استعمال کرکے لوگوں کے حقوق سلب کئے جا رہے ہیں۔ آزادی کے نام پر انکو محکوم بنایا جا رہا ہے تو اس نے اس سب سے لاتعلق ہوتےہوئےکہا کہ اس کا نام آزادی کیسے ہو سکتا ہے جبکہ یہ بنیادی طور پر دوسرے انسانوں کو نیچا دکھانے کی کوششیں ہوں!

اس کے بعد باقی تمام بشپ، فرنینڈو سے ناراض
2

ہو گئے اور اسے عہدے سے بے دخل کر دیاگیا لیکن اس نے ملک نہ چھوڑا اور وہاں کے باشندوں سے گھلنے ملنے لگا اور زور دیتا رہا کہ وہ کسی کے سامنے سر نہ جھکائیں،
آزاد رہیں ،غلام نہیں"
اس شروعات کے برسوں بعد لوگوں نے حملہ آوروں کیخلاف بغاوت کی اور فرنینڈو کو غریبوں کے بشپ کا خطاب دیا!
3

آخرکار چرچ نے فیصلہ کیا کہ فرنینڈو کو جلاوطن کر دیا جائے لوگ اسے الوداع کہنےکے لئے نکل آئے اور اس سے کہا:
شکریہ، فرنینڈو، آپ کا شکریہ، ہم اب سر جھکا کر نہیں چلیں گے!

کوئی بھی یہ بات یقین سے نہیں کہہ سکتا کہ طاقت کے اداروں اور مذہبی بہروپیوں کے درمیان پہلا گٹھ جوڑ کب ہوا تھا
+

جیسے ماضی میں مصر کے ہیکل آف امون کے فرعونوں اور پادریوں کے درمیان ، یورپ کی تاریخ میں شہنشاہوں اور ویٹیکن کے درمیان ، اور مشرقی ایشیا ، جنوبی ایشیا خطے بھی اس سے محروم نہیں رہے
تاہم، یہ جاننا اہم نہیں ہے کہ یہ کب شروع ہوا؟ کب ختم ہوگا ؟
بلکہ شائد یہ کبھی ختم نہیں ہوگا!
اہم بات
+

یہ ہے کہ اس تعلق کے نتیجے میں تاریخ کا سب سے بدصورت بچہ پیدا ہوا ، یعنی ’’مقدس ظلم‘‘
کیونکہ یہ عام زندگی میں کسی بھی بحث کو مذہبی نوعیت کی بحث بناتا آرہا ہے اور حکمران وقت پر کوئی بھی تنقید اک گناہ کبیرہ کے طور پر پیش کرتارہا ہے

اللہ تعالیٰ نے انبیاء اکرام کو مبعوث فرمایا کہ
+

لوگوں کو آزاد کریں، انھیں خوف سے آزاد کریں انکو خواہشات کی غلامی سے آزاد کریں ، ان کو دوسروں کی غلامی سے آزاد کریں۔
بہت سادہ بات کہ ہر وہ دعوت جس کی بنیاد اس بنیادی مقصد پر نہ ہو وہ ہرگز دین کا حصہ نہیں ہے اور اس کا عظیم اسلام سے کوئی تعلق نہیں ہو سکتا

حضرت عمر بن الخطاب رض کا
+

فرمان عالیشان جو ہمیشہ کےلئے ایک مشعل راہ کہ
"تم لوگوں کو کیسے محکوم بنا سکتے ہو جبکہ ان کی ماؤں نے انہیں آزاد جنم دیا!

حکمرانوں کے مزاج کے مطابق ریڈی میڈ فتاویٰ اسی گٹھ جوڑ کا نتیجہ تو ہو سکتے ہیں مگر انکا فقہ سے کوئی تعلق نہیں ہو سکتا

البتہ یہ بھی ضروری نہیں کہ فقہاء کی
+

حکمرانوں سے صرف دشمنی ہی ہو بلکہ ضرورت اس بات کی ہے کہ وہ حکمرانوں کا ہاتھ پکڑیں ​​اور اس راستے پر چلانے کی کوشش کریں جو اللہ کے بیان کردہ حکمرانی کے اصولوں کیطرف جاتا ہے ،
جس میں فلاح ہے۔۔

جہاں تک فقہاء اور بڑے علماء جو سنتوں ، بدعتوں اور طہارت، ناپاکی کے بارے احکام بتاتے ہیں
+

مگر جب ان سے قوموں کی تقدیر سنوارنے اور حکمرانوں کو سیدھا رستہ دکھانے کے اہم امور کی بابت پوچھا جائے تو انکا علم حکمران کے سامنے یا
تو ختم ہو جاتا ہے یا
وہ بھی ڈھول بجانے والے بن جاتے ہیں۔۔!!

#الف_نگری