Thread by @IkTigers2

لا الہ کے دیس میں
کشور حسین پر
المیہ ہی المیہ
پاک سرزمین پر

دور تک اندھیرے ہیں
یاس ک بسیرے ہیں
گھات میں لٹیرے ہیں
غاصبوں کے ڈیرے ہیں
کسی رات چھاگئی
صبح آفرین پر
المیہ ہی المیہ
پاک سرزمین پر

#PakistanUnderFascism

اہل زر کا راج ہے
جبر تخت و تاج ہے
ظلم کا سماج ہے
روگ لا علاج ہے
ظلم کا یہ سلسلہ
تاق ہے جبین پر
المیہ ہی المیہ
پاک سرزمین پر

خوف ہے ہراس ہے
تشنگی ہے پیاس ہے
چھت ہے نا لباس ہے
چور چور آس ہے
ہائے لٹ گیا یقین
مرکز یقین پر
المیہ ہی المیہ
پاک سرزمین پر

منتشر خیال ہیں
خواب پائے مال ہیں
لوگ پر ملال ہیں
غم سے یوں نڈھال ہیں
گر پڑی ہو جیسے چھت
زیر چھت مکین پر
المیہ ہی المیہ
پاک سرزمین پر

در بدر جوان ہیں
قوم کی جو آن ہیں
کل کے پاسبان ہیں
ذہن بدگمان ہیں
بند آرزو کے در
ہوگئے ذہین پر
المیہ ہی المیہ
پاک سرزمین پر

شہر ہے یا گوٹھ ہے
نظریوں کی اوٹ ہے
نیتوں میں کھوٹ ہے
ٹھوکریں ہیں چوٹ ہے
رہزنی کا ہو گمان
اپنے ہم نشین پر
المیہ ہی المیہ
پاک سرزمین پر

بھڑیے ہیں رو برو
بہہ رہا ہے کوں بہ کوں
اپنا خون جوں بہ جوں
تیر زن چہار سو
سب کے سب جھپٹ پڑے
آج اہل دین پر
المیہ ہی المیہ
پاک سرزمین پر

سامرآجیوں کی جنگ
پورا ملک خون رنگ
عقل رہ گئی ہے دنگ
حکمران کی امنگ
جان و دل نثار ہیں
آج ایک لعین پر
المیہ ہی المیہ
پاک سرزمین پر

لاالہ کے دیس میں
کشور حسین پر

المیہ ہی المیہ
پاک سرزمین پر