मुंबईत २७ फेब्रुवारी ते २५ मार्च २०२३ या कालावधीत महाराष्ट्र विधिमंडळाचे #अर्थसंकल्पीयअधिवेशन होणार आहे. या अधिवेशनात दि. ९ मार्च रोजी सन २०२३-२४ चा अर्थसंकल्प सादर केला जाणार आहे. विधानसभा आणि विधानपरिषद कामकाज सल्लागार समितीच्या बैठकीत हा निर्णय घेण्यात आला. 
विधानसभा कामकाज सल्लागार समितीची बैठक विधानसभा अध्यक्ष ॲड राहुल नार्वेकर आणि विधानपरिषद कामकाज सल्लागार समितीची बैठक उपसभापती डॉ.नीलम गोऱ्हे यांच्या अध्यक्षतेखाली विधानभवन येथे घेण्यात आली.
मुख्यमंत्री एकनाथ शिंदे, उपमुख्यमंत्री देवेंद्र फडणवीस, विधानसभा उपाध्यक्ष नरहरी झिरवाळ, विधानसभा विरोधी पक्षनेते अजित पवार, दूरदृश्यप्रणालीद्वारे विधान परिषद विरोधी पक्षनेते अंबादास दानवे, मंत्री राधाकृष्ण विखे पाटील, चंद्रकांत पाटील, गिरीश महाजन आदी मान्यवर उपस्थित होते.
या बैठकीत २७ फेब्रुवारी ते २५ मार्च दरम्यान होणाऱ्या विधानपरिषद व विधानसभा बैठकांच्या तात्पुरत्या दिनदर्शिकेवर चर्चा करण्यात आली. राज्याच्या विधिमंडळाच्या प्रथम (अर्थसंकल्पीय) अधिवेशनाची सुरुवात सोमवार, दिनांक २७ फेब्रुवारी रोजी राज्यपालांच्या अभिभाषणाने होणार आहे.
• • •
Missing some Tweet in this thread? You can try to
force a refresh
