Thread by @Moona_sikander1

سانحہ تو یہ بھی ہے کہ، بولتا نہیں کوئی

ہم قتل کے بعد واویلا مچانے والی قوم ہیں
ایمبولینس خراب ہوئی، کوئی نہیں بولا
لیاقت علی خان کو گولی لگی، شور ہوا، مگر تحقیقات کہیں دب گئیں اور احتجاج بھی
بھٹو کو پھانسی دی گئی، لوگ آج تک اسے غلط کہتے ہیں
مگر بس کہتے ہیں
👇

مارشل لاء پر مارشل لاء لگتے رہے، پاکستانیوں کے خون کا سودا ہوتا رہا، پرائی جنگ میں ہمارے بیٹے شہید ہوتے رہے،
ہم جنت کے خواب دیکھتے رہے

پچھتر سال سے اسلام کے نام پر بننے والے ملک میں مطلق العنان حکمرانوں کے طویل دورِ حکومت میں بھی ملک میں اسلامی قوانین کا نفاذ نہ ہوسکا،
👇

اور ہم ریفرنڈم میں ووٹ کاسٹ کرتے رہے کہ اسلام کے ساتھ ہیں تو ضیاء الحق کی حکومت کی توسیع پر ووٹ دیجئے، ووٹ دیا مگر سوال نہ کیا کہ اسلام کے ساتھ ہم تو ہیں، مگر حکمران کس دین کے پیروکار ہیں جو سوال اٹھانے پر تو مار دیتے ہیں مگر اسلامی قوانین کا اطلاق نہیں کرتے کہ مغرب کی
👇

نظر میں یہ قوانین سفاکانہ ہیں

پھر ہم نے دیکھا کہ جب کٹھ پتلی حاکم اپنے سہولت کاروں کی حکم عدولی کرے تو آم کی پیٹی میں "تحائف" بھیج کر انہیں اور ممکنہ باغیوں کو ختم کر دیا جاتا ہے
گیارہ سال، مائی لارڈ بنے رہنے والے کت قتل کی تحقیقات بھی آج تک نہ ہو سکیں

پھر جمہوریت کے نام پر،
👇

مہرے بٹھائے جاتے ہیں، پھر انہیں قتل کیا جاتا ہے، زرا سا شور اور پھر سناٹا
پھر سب سے پہلے پاکستان کے نعرے پر قوم کو مارا جاتا ہے
پھر، پھر، پھر

اس سارے سلسلے میں اصل مجرم کون ہے؟
وہ سب جو اپنے مفادات کی خاطر ہمیں قتل کررہے ہیں یا ہم خود
جو یہ سوچتے ہیں کہ

👇

تمام شہر جلے ایک میرا گھر نہ جلے

جو آج بھی کہتے ہیں فلاں ڈکٹیٹر کے دور میں ملک خوشحال تھا
مگر یہ بھول جاتے ہیں کہ وہ خوشحالی ہمیں ہمارے ہی ہم وطنوں کے خون کی قیمت کے عوض حاصل ہوئی تھی

کہیں بلوچ سردار نجی جیلوں میں ہمیں قید رکھتے ہیں، کہیں سندھی وڈیرے، کہیں پنجابی چوہدری،
👇

تو کہیں پختون سردار
بھائی لوگ بھی پیچھے نہیں رہے ہیں اس سارے عمل میں

ہم کیوں نہیں بولتے

ہم کیوں گریبان نہیں پکڑتے ان سفاک درندوں کا
ہم کب تک غلام رہیں گے؟
تبدیلی تب آئے گی جب ہم کسی سیاست دان کے لیے نہیں، خود اپنے حق کے لئے نکلیں گے

👇

ورنہ کرتے رہو غلامی اور لٹواتے رہو اپنے بچوں کی عزتیں اور جوانیاں

رہے نام اللہ کا

#ازقلم_موناسکندر
#کب_جاگو_گے