Thread by @Riaz_Hussain77

#پاکستان_کیسے_ٹوٹا
جرنیلی تایخ👇
جنرل ایوب نے1956ءکا آئین معطل کردیا جب انہوں نے1962ء میں صدارتی آئین نافذ کرنےکا منصوبہ بنایا تو انکےبنگالی وزیرقانون جسٹس ریٹائرڈ محمد ابراہیم نےجنرل ایوب کو روکنےکی کوشش کی
انکی کتاب
#ڈائریز_آف_جسٹس_محمد_ابراہیم
میں جنرل ایوب
کےساتھ انکی
👇1/20

سرکاری خط و کتابت شامل ہے، جس میں وزیر قانون نے صدر پاکستان کو وارننگ دی تھی کہ صدارتی آئین پاکستان توڑ دے گا۔ پاکستان کے فوجی صدر نے اپنے بنگالی وزیر قانون کی وارننگ نظر انداز کر دی۔ اس صدارتی آئین کے خلاف مشرقی پاکستان کے گورنر جنرل اعظم خان نے بھی استعفیٰ دے دیا۔
👇2/20

ایوب خان اپنی ضد پر قائم رہے اور انہوں نےایک پنجابی جج، جسٹس ریٹائرڈ محمد منیر کو اپنا وزیر قانون بنا لیا۔ نئے وزیرقانون کو یہ ذمہ داری سونپی گئی کہ وہ کسی طرح بنگالیوں سے جان چھڑائیں
جسٹس محمد منیر نےاپنی کتاب #فرام_جناح_ٹو_ضیاء میں لکھاھے کہ1962ء میں وزیرقانون بنانے
👇3/20

کے بعد جنرل ایوب نے مشرقی پاکستان سےتعلق رکھنےوالے ایک بنگالی وزیر رمیض الدین کے پاس مجھےبھیجا اور میں نےانہیں کہا کہ آپ ہم سےعلیحدگی اختیار کرلیں یا کنفڈریشن بنا لیں

رمیض الدین نےجواب میں کہا کہ ہم اکثریت میں ہیں
آپ اقلیت ہیں
اگر آپ علیحدہ ہونا چاہتےہیں تو ہو جائیں
👇4/20

لیکن اصل پاکستان تو ہم ہیں
جس کی شہادت سے پتا چلتاھے کہ جنرل ایوب بنگالیوں کے ساتھ نہیں رہنا چاہتےتھے کیونکہ وہ صدارتی نظام کےخلاف تھے
یہی وہ سال تھا
جب تحریک پاکستان کےرہنما حسین شہید سہروردی کو غداری کےالزام میں گرفتار کیا گیا تو ڈھاکا میں پاکستان کے خلاف نعرے لگ گئے
👇5/20

حسین شہید سہروردی کی نواسی بیرسٹر شاہدہ جمیل کہتی ہیں کہ انکے نانا علاج کیلئے بیروت گئے وہاں انکی پراسرار حالات میں موت ہوگئی۔ہم انہیں مغربی پاکستان میں دفن کرنا چاہتےتھے لیکن جنرل ایوب نے اجازت نہ دی لہٰذا انکی تدفین ڈھاکا میں ہوئی

محترمہ فاطمہ جناح نے ایوب خان کے خلاف
👇6/20

1965ء کےصدارتی الیکشن میں حصہ لیا تو مشرقی پاکستان میں شیخ مجیب الرحمٰن سمیت مغربی پاکستان سے ولیخان، غوث بخش بزنجو، عطاء اللہ مینگل اور سردار خیر بخش مری سے لےکر مولانا مودودی تک سب نےفاطمہ جناح کی حمایت کی لیکن ایوب خان نے فاطمہ جناح کو انڈین ایجنٹ قرار دے دیا۔ دھونس
👇7/20

اور دھاندلی سےانہیں ہرا دیا
فاطمہ جناح ڈھاکا سےجیت گئیں لیکن مغربی پاکستان سے ہار گئیں

فاطمہ جناح کی شکست
نےبنگالیوں کو پاکستان سےمایوس کر دیا
اس مایوسی کا نتیجہ 1966ء میں شیخ مجیب الرحمٰن کےچھ نکات کیصورت میں سامنےآیا
پہلا نکتہ تھاکہ حکومت کا کردار وفاقی اور پارلیمانی
👇8/20

ہونا چاہیے
یعنی اصل لڑائی صدارتی نظام
کےخلاف تھی۔پھر1968ء میں شیخ مجیب کو اگرتلہ سازش کیس میں ملوث کر دیاگیا

وہ ایوب خان،جو جسٹس منیر کی مدد سےپاکستان توڑنا چاہتاتھا
اس نےمجیب پر پاکستان کےخلاف سازش کا الزام لگا دیا
الزام عدالت میں ثابت نہ ہوسکا اور شیخ مجیب کی مقبولیت
👇9/20

مزید بڑھ گئی۔1969ء میں معروف صحافی الطاف حسن قریشی نےشیخ مجیب الرحمن کا انٹرویو کیا۔یہ انٹرویو قریشی صاحب کی کتاب #ملاقاتیں_کیا_کیا میں موجود ہے

قریشی صاحب نےمجیب سے پوچھا کہ موجودہ بحران کا حل کیاھے؟ مجیب نےجواب میں کہا کہ 1956ء کا آئین بحال کر دیں۔ قریشی صاحب نےکہا
👇10/20

کہ چھ نکات تو کچھ اور ہی کہتے ہیں
مجیب نے جواب دیا کہ چھ نکات قرآن اور بائبل نہیں، ان پر نظر ثانی ہو سکتی ھے
پھر انہوں نے الطاف حسن قریشی کو وہی کہا
جو رمیض الدین نے جسٹس منیر سے کہا تھا
ہماری آبادی 56 % ہے
مغربی پاکستان علیحدگی کا تصور کر سکتاھے
ہم نہیں کر سکتے
وہ حصہ
👇11/20

اگر الگ ہونا چاہتا ہے تو ہو جائے

آئی ایس پی آر کے سابق سربراہ اور صدر یحییٰ خان کے پریس سیکریٹری بریگیڈیئر اے آر صدیقی نے اپنی کتاب
#جنرل_محمد_یحییٰ_خان میں لکھاھے کہ جنرل عمر نے مشرقی پاکستان میں کرنل ایس ڈی احمد کے ذریعے خان قیوم کی کنونشن مسلم لیگ، جماعت اسلامی
👇12/20

صبور خان، فضل القادر چوہدری، نورالامین،خواجہ خیرالدین، مولوی فرید احمد
کچھ دیگر میں بھاری رقوم تقسیم کئیں
اس دھاندلی کےباوجود شیخ مجیب کی عوامی لیگ نےقومی اسمبلی اور مشرقی پاکستان کی صوبائی اسمبلی میں اکثریت حاصل کر لی

اکثریتی جماعت کو اقتدار منتقل کرنے سےگریز کیا گیا
👇13/20

16 دسمبر 1971ء کےسرنڈر کے بارے میں اہم ترین حقیقت یہ ہے کہ یحییٰ خان نےمشرقی پاکستان میں اپنےکمانڈر جنرل امیر عبداللہ نیازی کو سرنڈر کا نہیں
سیزفائر کیلئےاقدامات کا حکم دیا تھا۔منیر احمد منیر کی کتاب
#المیہ_مشرقی_پاکستان
#پانچ_کردار میں جنرل یحییٰ خان کا انٹرویو شامل ہے
👇14/20

یحیی خان نےبتایا
میں نےنیازی کو سرنڈر کا نہیں کہا تھا بلکہ اسے کہا تھا کہ UNOکو بولو کہ سیز فائر کرا دے
میں نے کہا تھا کہ دشمن کے آگے ہتھیار پھینکنے کا سوال ہی پیدا نہیں ہوتا

بھارتی فوج کے لیفٹیننٹ جنرل جیکب نے #سرنڈر_ایٹ_ڈھاکا
میں لکھاھے
16 دسمبر کو جنرل نیازی کے پاس
👇15/20

ڈھاکا میں 30 ہزار فوج موجود تھی۔ اگر نیازی کچھ دن مزاحمت کرتا تو شاید یو این او سیز فائر کرا دیتا۔ جیکب لکھتا ہے کہ ہم تو صرف کھلنا اور چٹاکانگ پر قبضہ کرنے آئے تھے، 13 دسمبر تک ڈھاکا ہمارے پلان میں شامل نہ تھا۔ لیکن جب نیازی کو یہ کہا گیا کہ اگر تم سرنڈر کر دو تو تمہیں
👇16/20

مکتی باہنی کے حوالے نہیں کیا جائے گا تو وہ سرنڈر کے لیے مان گیا۔ بقول جیکب سرنڈر کے وقت نیازی کی آنکھوں میں آنسو تھے

ڈاکٹر صدر محمود نے اپنی کتاب ''پاکستان کیوں ٹوٹا؟‘‘ میں جنرل راؤ فرمان علی کا انٹرویو شامل کیا ہے، جنہوں نے بتایا کہ چھ دسمبر کو جیسور پر قبضہ ہوا تو
👇17/20

جنرل نیازی گورنر ہاؤس ڈھاکا میں آ کر رونے لگا۔ راؤ فرمان علی نے یہ قصہ اپنی کتا ب
#How_Pakistan_got_divided
میں بھی بیان کیاھے

انہوں نے لکھا ہے کہ فوج نے اپنے قید خانے اور عدالتیں بنا رکھی تھیں اور سویلین کو بغیر وجہ اٹھا لیا جاتا تھا
👇18/21

کئی دانشوروں کو میری مداخلت پر رہا کیا گیا۔ مشرقی پاکستان فرائض سرانجام دینے والے میجر جنرل ابوبکر عثمان مِٹھا نے اپنی کتاب
#بمبئی_سے_جی_ایچ_کیو_تک میں لکھا ہے کہ ہمارے خفیہ ادارے مشرقی پاکستان میں، جن کو غائب کر دیتے تھے، ان میں 90 فیصد مسلمان ہوتے تھے
👇19/21

ان حرکتوں سے پاکستان کے حامی ہمارے مخالف بن گئے۔ جنرل مٹھا کے پاس لاپتہ فراد کے لواحقین آتے تھے لیکن کوئی بازیاب نہ ہوتا تھا۔

جنرل نیازی نے بنگالیوں کو ان کی نسل بدلنے کی دھمکی دی اور پاکستان کا جغرافیہ بدل کر واپس آیا۔ اس کی نگرانی میں جو ظلم و ستم ہوا
👇20/21

اس کی گواہی راؤ فرمان سے لے کر جنرل مٹھا تک بہت سے فوجی افسران نے دی۔ لیکن یہ کہنا درست نہیں کہ فوجی آپریشن میں 30 لاکھ بنگالیوں کو قتل کیا گیا اور دو لاکھ عورتوں کا ریپ ہوا۔
End
فالو اور شیئر کریں 🙏