Thread by @Moona_sikander1

بہت واہیات بات ہے
جادو مذاق نہیں ہوتا

ایک بار ہم نے یہ مذاق کیا تھا اور آج تک پچھتاتے ہیں

میرے بھائی کا نکاح ہوا تھا
رخصتی دو سال بعد ہونا طے پائی تھی، جب دو سال بعد وہ آیا تو ہم شادی کی ساری تیاری کر چکے تھے، ہال بک ہو چکا تھا، دلہن کے کپڑے تک تیار تھے
لڑکی نے طلاق مانگ لی
👇

https://twitter.com/Fsk_kkk/status/1635335806662631424

اسے اس عرصے میں کوئی اور پسند آ گیا تھا
خیر
لڑکی کا حق تھا مگر نکاح کے بعد یہ کوئی اچھی بات بھی نہیں
طلاق دے دی
نکاح کے موقع پر اور اس کے بعد جتنے تحائف ہم نے دئیے تھے وہ واپس نہیں لئے
نصف مہر بھی ادا کیا
بات ختم ہوئی

مگر بات ختم نہیں ہوتی

لڑکی والوں نے اپنی ناپ کی قمیض واپس
👇

کرنے پر بہت اصرار کیا
تھوڑا سا ہمیں بھی غصہ آیا کہ ہم نے اتنے قیمتی کپڑے اور تحائف واپس نہیں مانگے اور وہ ایک پرانی سی پہنی ہوئی قمیض واپس مانگ رہے ہیں جو اب پتہ نہیں کہاں رکھی ہے
خیر کسی نے بتایا کہ پہنے ہوئے کپڑے پر جادو ہوتا ہے شاید اس خوف سے مانگ رہے ہوں
میں نے اور میری
👇

بہن نے شرارت میں اس قمیض پر ایک تعویذ جیسا کچھ بنا دیا
چوکور ڈبہ اس میں نو خانے اور کچھ الٹے سیدھے الفاظ
تاکہ وہ ڈر جائیں
بس شرارت ہی تھی
مگر - - - - - -
میرے بھائی کی دوسری جگہ شادی ہوئی
ڈیڑھ سال ہی گزرا تھا کہ اس کی انتہائی پراسرار طریقے سے موت ہو گئی

بہت سے لوگ اس کی میت
👇

کو دیکھ کر کہہ رہے تھے کہ اس پر جادو ہوا ہے
ہم فوراً اسے اسپتال لے کر گئے تھے مگر ڈاکٹر کہہ رہا تھا کہ اسے مرے ہوئے آٹھ گھنٹے ہو چکے ہیں
اس کی انگلیاں اور آنکھیں ایسی تھیں جیسے کوئی بہت بھیانک چیز دیکھ لی ہو اور اپنا دفاع کر رہا ہو
اور اس کی وفات کے بہت عرصہ بعد تک نہ جانے کون
👇

اس کی قبر پر مسور کی کچی دال بکھیر کر چلا جاتا تھا

ہم بہن بھائیوں اور ہمارے والدین نے کبھی جادو نہیں کیا
نہ کسی پر کروایا
بس ایک مذاق ہی کیا تھا مگر پتہ نہیں کیوں کبھی کبھی لگتا ہے کہ وہ مذاق ہی جان لیوا تھا
واللہ اعلم

#حقیقت