Read on Twitter
: 📷#తిరుపతి📷
ఇది మా ఊరు కాదు...
నా చిన్నప్పటి విషయాలేవీ ఇప్పుడు లేవు...
ఆ మనుషులూ కొందరు లేరు...
పరిస్ధితులు మారాయి(లేవు)...
కేటీ రోడ్డులో పచ్చని పొలాలు, మంగలోళ్ళబాయి, జియ్యంగారి గుడి, పేట గుడి, కోళ్ళఫారాలు, సెంట్రల్ స్కూలు ఏవీ లేవు...
ఇది మా ఊరు కాదు...
నా చిన్నప్పటి విషయాలేవీ ఇప్పుడు లేవు...
ఆ మనుషులూ కొందరు లేరు...
పరిస్ధితులు మారాయి(లేవు)...
కేటీ రోడ్డులో పచ్చని పొలాలు, మంగలోళ్ళబాయి, జియ్యంగారి గుడి, పేట గుడి, కోళ్ళఫారాలు, సెంట్రల్ స్కూలు ఏవీ లేవు...
మూలటర్నింగు, మూడు కొళాయిలు, కర్ణ మసాలా, వి.వి.మహాల్ రోడ్డు పొడవునా టింబర్ డిపోలు లేవు...
వీథి వీథిలో చేదబాయిలు, వీధి కొళాయిలు, ఇత్తడి బిందెలతో కులాయిల దగ్గర పోరాటాలు లేవు... ఉదయాకేఫ్ లేదు...
టికే స్ట్రీట్ లో సారాయంగడి, జాలీ ఐస్ లేదు...
మిట్టా వైన్స్ లేదు...
వీథి వీథిలో చేదబాయిలు, వీధి కొళాయిలు, ఇత్తడి బిందెలతో కులాయిల దగ్గర పోరాటాలు లేవు... ఉదయాకేఫ్ లేదు...
టికే స్ట్రీట్ లో సారాయంగడి, జాలీ ఐస్ లేదు...
మిట్టా వైన్స్ లేదు...
మహావీర్ టాకీస్ లేదు, దాని మురుకూ, రోస్ మిల్క్, పన్నీరు సోడా లేదు... అప్పారావు మసాలా పూరీ లేదు... కర్నాలవీథీలోని కుమార కూల్ డ్రింక్స్ లో ఫేమస్ కోకో కోల, టేస్టీ ఫ్రూట్ సలాడ్ లేదు... రైల్వేస్టేషన్ దగ్గరి కొండ బస్టాండు, ఇండియన్ కాఫీ బోర్డు, ఒకటో సత్రం లేదు...
సుగుణా, స్టూడెంట్ మెస్సులు లేవు.. గాంధీరోడ్డులో రామక్రిష్ణా బేకరీ, పాత డీలక్సు, ఆల్ఫా డీలక్సు, సిలోన్ పరోటా లేదు... కొత్తిండ్లు లేదు... ఉల్లి పట్టెడ పేరు లేదు... ఎర్ర రంగు టేసన్లు, నిక్కరు పోలీసు లేదు... పార్కు స్కూలనే పేరు లేదు... కోనేటికాడ ఎస్వీ హైస్కూలు లేదు...
ముక్కు టెంపోలు, రిక్షాలు, నూరు కేజీల బియ్యం మూటలు లేవు... సోడా బాటిల్ రౌడీల్లేరు... కాసురాళ్ళ బండలు పరచిన వీధుల్లేవు... ఇసుక వీధిలో సున్నపురాసుల్లేవు... దారి పక్కన గంపల్లో బియ్యం అమ్మేవాళ్ళు, గంపల్లో నూనాయిందం, పాలు పెరుగు, ఇడియాప్పం లేదు...
బుజాన మూటతో రిబ్బన్లు, వెదురు తడికెకు లోబాడీలు, చెడ్డీలు, బనియన్లు అరుస్తూ అమ్మేవాడు లేడు... కిరసనాయిలు, ఉప్పు అమ్మే ఒంటెద్దుబండి శెట్టిగారు లేడు... చిమిడిపోయిన బఠానీ సుండలమ్మే బాపనాయన లేడు... గద్దె, సోది, బుడబుక్కలు లేవు... మట్టి కొలిమిల కంసలోళ్ళు లేరు...
ఇంటికొచ్చే చాకళ్ళు, మంగళ్ళు, గంపలో కుండలు, మట్టి బొమ్మలు ఉండీలు అమ్మే కుమ్మరోళ్ళు లేరు... సున్నపు గానుగలు, నూనె గానుగలు, వడ్ల మిషన్లు లేవు... విజయా రామక్రిష్ణా టెంట్లు లేవు... సప్పరాలు, పులి వేషాల్లేవు... చెరువులు, మట్టి రోడ్లు, గుర్రపుబండ్లు, ముక్కుబస్సులు లేవు...
ఇంకేమేమి లేవో మీరు చెప్పండి... ఈ తరం తెలుసుకుంటుంది... నన్ను తెలియని వాళ్ళే లేని చోట నాకు తెలియని వాళ్ళు నిండి పోయారు... ఇంకా మరికొన్ని లేనివి... జ్యోతి టాకీసు, ఐ.యస్.మహాల్, బాలాజీ&శ్రీరామ, రామకృష్ణ డీలక్స్, శ్రీనివాసా, లీలామహల్, జయభారత్, వెంకటేశ్వర థియేటర్లు(ప్రస్థుతం మూతబడి,
త్వరలో లేపేసే భూమా థియేటర్లతో సహా).., మంగళం రోడ్డులోని ఆహ్లాద పైర్లు, ఈతాడిన బావులు, మద్దె మానులు, రైల్వేస్టేషన్ దగ్గర.. విష్ణునివాసం ఎదురుగా.. ఇప్పటి రిజర్వేషన్ కౌంటర్ స్ధానంలో పాత బస్టాండ్, పక్కనే మొట్టమొదటి గోపాల్ సైకిల్ షాప్(నా మొదటి హీరో సైకిల్ కొన్న చోటు)
(ఇప్పటి హీరో మోటార్ సైకిల్స్ షోరూమ్ ఓనర్ గోపాల్ ది), డిఆర్ మహాల్ రైల్వేగేటు, రాయల్ చెరువు రైల్వేగేటు, మీటర్ గేజ్ బొగ్గింజను రైళ్లు(పాకాల, కాట్పాడి రైళ్లు), రాయల్ చెరువు(ఇప్పటి రాయల్ నగర్), కృష్ణపురం ఠాణా దగ్గరి మునిసిపల్ ఆఫీస్, గాంధీరోడ్ లోని కూరగాయల మార్కెట్, కర్నాలవీథి
బేక్సైడ్ గోవింద రాజుల గుడి దగ్గరి టెలిఫోన్ ఎక్స్చేంజ్, రైల్వే స్టేషన్ దగ్గరి బాలాజి భవన్ కళ్యాణ మండపం, పాత తిరుచానూరు రోడ్డులో కరెంట్ ఆఫీస్ దగ్గరి సూరా వాళ్ల పెట్రోల్ బంక్, ఒకప్పటి విష్ణుప్రియ హోటల్.. ఇప్పుడు కెన్సెస్, ఒకప్పటి ఊర్వశి హోటల్..
ఇప్పుడు రిలయన్స్ మార్ట్&మినర్వా హోటల్, ఊర్వశి ఓనర్ ఋషి(చిరకాల మిత్రుడు) లేడు, పాత రేణిగుంట రోడ్డు లోని ఊర్వశి హోటల్ దగ్గర RTO ఆఫీస్(నేను టు వీలర్ లైసెన్స్ తీసుకున్న చోటు), తరువాత RTO ఆఫీస్ లు వరుసగా.. బాలాజి కాలనీ, తుమ్మలగుంట, కపిలతీర్ధం దగ్గరి కొండ మెయిన్ రోడ్ లో..,
భవానినగర్ లో పెద్దాయన(MLA) ఇంటి దగ్గరి మధు సైకిల్ షాప్(నా చిరకాల మిత్రుల పెద్ద అడ్డా), రేణిగుంట రోడ్డు లోని మోపేడ్స్(సువేగా) ఫ్యాక్టరీ(ఇప్పటి చదలవాడ డెంటల్ కాలేజ్), చివరిగా భేరివీథీ లోని కైనెటిక్ షోరూం(నా Luna tfr plus కొన్నచోటు).
నా ఊరికి నేను దూరమౌతున్న ఫీలింగు... ఈ ఊరు నాదే... ఈ ఊరు నా ప్రాణం... నా ఊరు తిరుపతి...📷 కానీ ఇప్పుడు నా ఊరు కాదు.
• • •
Missing some Tweet in this thread? You can try to
force a refresh
