Thread by @PrinceMateenk

#کوہستان_میں_تعلیمی_فقدان
جب سےاس فلڈ میں ہوں اس سے زیادہ خوبصورت تحریر اور تصویریں آج تک نہیں دیکھیں
👇
تحریر: عامر گمریانی
چند دن قبل ان دو بچوں کے متعلق لکھا تھا یہ بچےبدقسمتی سے یتیم ہیں۔ان کی ماں سکول میں داخلےکے لئے میرے پاس لائی تھی۔ہم نےدونوں کوسکالرشپ پر داخلہ دے دیا۔⏬

تین اپریل کو سکول کھلا تو یہ دونوں بھائی بن سنور کر سکول پہنچے لیکن پہنچتے ہی مزاحمت کی ایک نئی تاریخ رقم کرنی شروع کی۔ اسمبلی میں تمام بچوں سے فاصلے پر کاندھوں پر بیگ لٹکائے کھڑے روتے رہے۔کوئی ٹیچر پاس جانے کی کوشش کرتی تو یہ زاروقطار رونے لگتے۔ میں مسلسل ان کا مشاہدہ کرتا رہا⏬

میری کوشش تھی کہ کسی طرح ہوا کے دوش پر وہ شفقت ان بچوں کے دل میں اتر جائے جو میں ان کے لئے محسوس کر رہا تھا۔ تھوڑی دیر گزری تو یہ میرے قریب آئے۔ میں نے اپنی انگلی آگے کی کہ ان میں سے کوئی پکڑ لے۔ ابتدا میں یہ مجھ پر بھروسہ کرنے کے لئے تیار نہیں تھے کہ ان کے دل میں خوف تھا کہ ⏬

میں انہیں کلاس روم لے جاؤں گا۔ تھوڑی دیر بعد ایک نے ڈرتے ڈرتے میری انگلی پکڑ لی لیکن دوسرے کے دل میں اب بھی میرے متعلق اندیشے تھے۔ میں نے ایک کے ساتھ چہل قدمی شروع کی تو دوسرا بھی پیچھے پیچھے آنے لگا۔ اعتماد کی فضاء قائم ہوئی تو دوسرے صاحب نے بھی میری انگلی پکڑ لی۔
⏬

آج چوتھا دن تھا اور یہ دونوں ایک لمحے کے لئے بھی مجھ سے جدا ہونے کو تیار نہیں۔ سارا دن میرے ساتھ مختلف کلاس رومز میں چلتے پھرتے ہیں۔ میں کلاس لیتا ہوں تو یہ میرے دائیں بائیں کھڑے رہتے ہیں۔ آفس آتا ہوں تو آکر سامنے صوفوں پر بیٹھ جاتے ہیں۔ مسلہ اس وقت پیدا ہوتا ہے جب میں سکول کی ⏬

خالہ یا کسی ٹیچر سے گزارش کرتا ہوں کہ انہیں واش روم لے جائے لیکن دونوں صاحبان مجال ہے کہ کسی کو زرا سا لفٹ دیں۔ نتیجتاً واش روم والی زمہ داری بھی میرے ناتوان کندھوں پر آ پڑی ہے۔ آج تھوڑی دیر ہوئی تو ایک صاحب نے کھڑے کھڑے پینٹ ہی میں کاروائی کر ڈالی۔ واش روم لے جا کر کپڑے تبدیل ⏬

کرنے پڑے کہ خالہ کو زحمت دینے سے صاحب صاف صاف انکاری تھے
اپنے بیگز کاندھوں سے 1منٹ کے لئے بھی نہیں ہٹاتے۔لنچ جو ان کے پاس ہوتا ہےکھولنے پر آمادہ نہیں ہوتےمجھ سے بسکٹ کھائےجاتے ہیں۔ٹفن کھولنے کی کوشش کرتا ہوں تو سیدھا سیدھا منع کر دیتے ہیں کہتےہیں لنچ گھر جا کر امی کےساتھ کریں گے۔