Thread by @Its_Muthu_Rss

#உணவேமருந்து

#BoycottBournvita

இன்று உணவே மருந்து பகுதியில் நாம் பார்க்கப்போவது சிறு குழந்தைகள் & வாலிபவயதுடையவர் சாப்பிட ருசியான சத்துமாவு கஞ்சி எப்படி தயாரிப்பது ?

இந்த சத்துமாவு கஞ்சியை ஆரோக்கிய பானங்களுக்கு பதிலாக கீழேகொடுக்கக்கூடிய செய்முறைபடி கஞ்சியாகசெய்து குடிக்கலாம்.

கீழே கொடுக்கக்கூடிய அளவுகளில் தானியங்களை வறுத்து/ சூரிய ஒளியில் காய வைத்து வறுத்து மிக்ஸியில் நன்றாக அரைத்து செய்முறை படி கஞ்சியாக செய்து குடிக்கலாம்.
கேழ்வரகு 400கிராம்
சம்பா கோதுமை 500கி
வறுத்த உப்பில்லாத வேர்க்கடலை 250 கிராம்
பொட்டுக்கடலை 250 கிராம் முந்திரிப் பருப்பு 100

பாதாம் பருப்பு 100 கிராம்
ஜவ்வரிசி 50 கி
மக்காசோளம் 100 கி
கம்பு 250 கி
சாமை 250 கி
வரகு 250 கி
குதிரைவாலி 250 கி
கொள்ளு 100 கி இவை அனைத்தையும் பொன்னிறமாக வறுத்து ரைஸ்மில் கொடுத்து மாவாக அரைத்து கொள்ளவும்

இரு குழந்தைகள் சாப்பிடுவதற்கு நாலு டீஸ்பூன் சத்து மாவை எடுத்து சிறிது தண்ணீர் விட்டு கட்டி இல்லாமல் கரைத்து வைத்துக்கொண்டு 250 கிராம் தண்ணீரை சூடு பண்ணி நன்றாக இந்த கரைத்து வைத்த சத்துமாவு கரைசலை அதில் சேர்த்து நன்றாக கட்டிப்படாமல் கலக்கி சிறிது ஆறியவுடன் சத்து மாவு கஞ்சி ரெடி.

இது மிகுந்த ஆரோக்கியம் தரத்தக்கதான சத்து மாவு கஞ்சி காலை வேளையில் பருக அல்லது மாலை வேலையில் பருக மிகவும் நல்லது குழந்தைகளுடன் பெரியவர்களும் சேர்ந்து இந்த கஞ்சியை குடிக்கலாம் .இனிப்பு தேவைப்படுவோர் கருப்பட்டி அல்லது நாட்டு சர்க்கரையை சேர்த்துக் கொள்வது நலம்.

இவ்வாறு குழந்தைகளுக்கும் நோயற்ற பெரியவர்களுக்கும் ஆரோக்கியம் தரும் இந்த இயற்கை சத்துமாவு கஞ்சியை வீட்டிலேயே தயாரித்து குழந்தைகளுடன் பருகி நோயற்ற வாழ்வே குறைவற்ற செல்வமாக வாழ்வோம் நன்றி வணக்கம். 🙏
#உணவேமருந்து
#BoycottBournvita

Unroll @threadreaderapp