Thread by @manoj_manayil

കേരളത്തിലെ പരിവാറുകാരുടേയും താങ്കളുടെയും സ്വരത്തിൻ്റെ സാമ്യത അത്ഭുതാവഹമാണ്.

ഗോകർണത്തുനിന്ന് കുമരിയിലേക്ക് മഴുവെറിഞ്ഞ് പരശുരാമൻ കേരളം സൃഷ്ടിച്ചുവെന്ന കള്ളക്കഥ, കേരളമെന്ന ഭൂപ്രദേശത്തിൻ്റെ ഉടമസ്ഥാവകാശം തങ്ങൾക്ക് അട്ടിപ്പേരായി ലഭിച്ചതാണെന്ന് വരുത്തിത്തീർക്കാൻ-
1.

https://twitter.com/ShashiTharoor/status/1649615610475601923

ബ്രാഹ്മണസമൂഹം രചിച്ച നിർമിതചരിത്രമാണ്(Artificial History). ഈ കള്ളത്തെ രേഖപ്പെടുത്താനാണ് അവർ 'കേരളോല്പത്തി' എന്ന ഗ്രന്ഥം നിർമിച്ചത്. ഗുണ്ടർട്ടിനേയും വില്യം ലോഗനെപ്പോലെയുമുള്ളവർ കേരളോല്പത്തി, മലയാളക്കരയുടെ ആധികാരിക ചരിത്രമാണെന്ന് തെറ്റുദ്ധരിക്കപ്പെടുകയുണ്ടായി.
2.

പരശുരാമനെ കൊങ്കൺ തീരത്തും കേരളത്തിലും സജീവസാന്നിധ്യമായി നിലനിർത്തേണ്ടതിൻ്റെ ആവശ്യകത സംഘപരിവാറിനുണ്ട്. കാരണം, പരിവാറിൻ്റെ തലപ്പത്തിരിക്കുന്നവർ ചിത്പവൻ ബ്രാഹ്മണരാണ്. അവരുടെ രാഷ്ട്രീയാധികാരിയാണ് പരശുരാമൻ. കേരളത്തിൽ പരിവാറിനെ നയിക്കുന്ന കൊങ്കിണിമാർക്കും പരശുരാമൻ കൺകണ്ടദൈവമത്രെ.
3.

കർണാടകയിലും കേരളത്തിലും ഗ്രാമപദ്ധതിയാവിഷ്കരിച്ച കുടിയേറ്റ ബ്രാഹ്മണർക്ക് ക്ഷത്രിയവിരോധിയായ പരശുരാമനെ തങ്ങളുടെ അപ്രമാദിത്വം സ്ഥാപിക്കാൻ ആവശ്യമായിരുന്നു. തങ്ങൾ കുടിയേറിയ പ്രദേശത്തിലെ തദ്ദേശീയരെ അടിമകളാക്കാനും രാജാക്കന്മാരെ ചൊല്പടിക്കു നിർത്താനും ബ്രാഹ്മണർ പരശുരാമനെ ഉപയോഗിച്ചു.
4.

വൈക്കം സത്യഗ്രഹം ഒത്തുതീർപ്പാക്കാനെത്തിയ ഗാന്ധിജിയോട് വൈക്കത്തെ ബ്രാഹ്മണർ പറഞ്ഞത്, അധികാരം പരശുരാമനും അയിത്താചരണം ശങ്കരാചാര്യരും കല്പിച്ചേല്പിച്ചതാണെന്നാണ്. വൈക്കം സത്യഗ്രഹത്തിൻ്റെ ശതാബ്ദിയാഘോഷങ്ങളുടെ സമാരംഭച്ചടങ്ങിൽ താങ്കളും പങ്കെടുത്തുവെന്നാണ് മനസ്സിലാക്കുന്നത്.
5.

ബ്രാഹ്മണർ ഒരുകാലത്ത് രാഷ്ട്രീയാധികാരം നേടാൻ ഉപയോഗിച്ച പരശുരാമ സൂചകമെന്ന വ്യാജബിംബത്തെ കേരളസ്രഷ്ടാവാക്കി മാറ്റിയ അങ്ങയുടെ കപടബൗദ്ധികതയ്ക്ക് വിദൂരനമസ്കാരം. താങ്കളെപ്പോലെ ചരിത്രബോധമുള്ളൊരാൾ പ്രച്ഛന്നവേഷം ധരിക്കുന്നത് എന്തായാലും ആശാസ്യമല്ല തന്നെ.
6.

നിർമിതചരിത്രം പടച്ചു വിടാൻ സംഘപരിവാർ കിണഞ്ഞു പരിശ്രമിക്കുന്ന ഇന്ത്യൻ സമകാലിക സാഹചര്യത്തിൽ അഹമഹമികയാ താങ്കളും സഞ്ചരിക്കേണ്ട ആവശ്യകതയില്ല തന്നെ. മലയാളിയാകാൻ പരശുരാമനെ കേരളോല്പത്തിയുടെ നായകനാക്കണമെന്നില്ലെന്ന് വിനയപൂർവം ഓർമ്മിപ്പിക്കട്ടെ.
#മനോജ്മനയിൽ
#മമ
#ശശിതരൂർ
#sasitharoor