Read on Twitter
अखंड एक पिढी तुझा खेळ बघत लहानाची थोर झाली.. एखाद्या खेळाशी भावना जुळण्याची ती त्या पिढीची पहिलीच वेळ.. तुझा खेळ पाहतानाचे 'नेल-बाईटिंगचे' अनेक प्रसंग आजही जशाच तसे आठवतात.. तत्कालीन जाहिरातीमधील पेप्सीसारखा थंडावा सापडणारी.. तुझी प्रत्येक नजाकत रसिकांची मनं शांत करत गेली..❤️
अजून मिसरुटही न फुटलेला 'सच्या' ते पोक्त 'मास्टर ब्लास्टर सचिन' या प्रवासाचे यथासांग सहप्रवासी होण्याचे भाग्य आमच्या पिढीने अनुभवले..तो बावनकशी अनुभव पारिजातकाच्या सड्याप्रमाणे सदैव आमच्या आयुष्यात सुगंधी पिंगा घालत राहील..पण त्या समृद्ध अनुभवाच्या भरजरी पदराला एक मात्र डाग आहे..
तो डाग म्हणजे..मूकसंमतीचा.
क्रिकेट माणसांनीच बनवलेला खेळ आहे.. माणूस म्हणून जे अवगुण असतात ते त्या खेळातही येणारच.. एक क्रिकेट रसिक म्हणून क्रिकेटच्या त्या अवगुणी वृत्तीविरोधात सचिनने काही बोलावं..ही एकमात्र आशा तेंव्हा अपूर्ण राहिली..तुझी ती मुकसंमती तेंव्हाही वेदनादायक होती.
क्रिकेट माणसांनीच बनवलेला खेळ आहे.. माणूस म्हणून जे अवगुण असतात ते त्या खेळातही येणारच.. एक क्रिकेट रसिक म्हणून क्रिकेटच्या त्या अवगुणी वृत्तीविरोधात सचिनने काही बोलावं..ही एकमात्र आशा तेंव्हा अपूर्ण राहिली..तुझी ती मुकसंमती तेंव्हाही वेदनादायक होती.
तू तेंव्हाही काही बोलला नाहीस..आणि आजही काही बोलत नाहीस.. कुठं काय बोलावं हा जरी तुझा वैयक्तिक प्रश्न असला तरी तुझं आयुष्य हे फक्त तुझं नाही.. ते तुला देवत्व बहाल करणाऱ्या अगणित क्रिकेट रसिकांचंही आहे.. तुझ्यासोबत नर्व्हस नैन्टिच्या अनेक घटना पचवलेल्या या पिढीचंही ते आयुष्य आहे.
शेतकरी आंदोलनावेळी तू जे बोललास.. त्याबद्दल कडकडीत टीका करावीशी वाटली..कारण मी आजपर्यंत अनुभवलेला 'सचिन', मला अपेक्षित असलेला 'सचिन' हा तो 'सचिन' न्हवताच.. देवत्वाच्या अतिउच्च कळसावरून तू ज्याला हात लावशील ते ते सोनं म्हणून भरून पावू शकतं..अवकाश आहे तू फक्त 'चांगभलं' म्हणण्याचा.
सचिन हे 'प्रस्थ' खेळापूरतं मर्यादित नाही..तो शांत स्वभाव, तो कौशल्यपूर्ण बचाव, त्याहून कौशल्याची चढाई.. सचिन, तुझा हा सगळा लौकिक आता सार्वजनिक आयुष्यातही असाच बहरत राहो.
आमच्या पिढीच्या खेळ भावनांना तू मूर्त स्वरूप देत आलास.. आताही आमच्या भावनांचे सारथ्य तू करावं..एवढीच अपेक्षा.
आमच्या पिढीच्या खेळ भावनांना तू मूर्त स्वरूप देत आलास.. आताही आमच्या भावनांचे सारथ्य तू करावं..एवढीच अपेक्षा.
दरवेळेस जसं तू आमच्या प्रत्येक भावनांना गोंजारत यथोचित सीमारेषा दाखवत आला आहेस.. तेच तुझ्या हातून अजूनही घडो.. त्यासाठी तुझ्या हातांना नैपुण्ययुक्त बळ मिळो..याच हाफ सेंच्युरीच्या काळजातून शुभेच्छा..❤️
#सचिन
#सचिन
• • •
Missing some Tweet in this thread? You can try to
force a refresh
