Thread by @sankett0fficial

#दिनविशेष

आजच्याच दिवशी म्हणजे ४ मे १९५५ रोजी भारतात बौद्ध धम्माचा अधिकाधिक प्रसार करण्याच्या व भारत बौद्धमय करण्याच्या उद्देशाने परमपूज्य डाॅ. बाबासाहेब आंबेडकरांनी #द_बुद्धिस्ट_सोसायटी_ऑफ_इंडिया या संघटनेची स्थापणा केली. या संस्थेचे उद्देश पुढीलप्रमाणे होते.

१. भारतात बौद्ध

धम्माच्या प्रसारासाठी चालना देणे, प्रोत्साहन देणे.
२. बौद्ध पुजापाठ करण्यासाठी विहारांची स्थापणा करणे.
३. धार्मिक (धम्मविषयक) व शास्त्रीय शिक्षण देण्यासाठी शाळा व महाविद्यालयाची स्थापणा करणे.
४. अनाथालये, दवाखाने व मदत केंद्रे स्थापण करणे.
५. धम्मप्रसाराच्या उद्देशाने

कार्यकर्त्यांच्या तयारीसाठी धम्मविषयक चर्चासत्रांचे आयोजन करणे.
६. सर्व धर्माच्या तुलनात्मक अभ्यासाला चालना देणे.
७. सर्वसामान्य लोकांना धम्म चांगल्या प्रकारे समजण्यासाठी बौद्ध साहित्याचे प्रकाशन व पत्रके, प्रचारसाहित्य इ. चे प्रकाशन व वाटप करणे.
८. जर आवश्यक असेल तर नवीन

धर्मगुरू (बौद्ध भिक्षू) तयार करणे.
९. साहित्य प्रकाशित करण्यासाठी स्वतःची प्रिंटिंग प्रेस स्थापण करणे.
१०. भारतातील बौद्धांनी समान कृती कार्यक्रम ठरविण्यासाठी मेळावे, परिषदा इ. चे आयोजन करणे.

वरील प्रमाणे द बुद्धिस्ट सोसायटी ऑफ इंडिया ची उद्दिष्टे आहेत/होती.

डाॅ. बाबासाहेब आंबेडकरांनी स्थापण केलेल्या या द बुद्धीस्ट सोसायटी ऑफ इंडिया ची कार्यकारिणी पुढील प्रमाणे होती.

१. डाॅ. बाबासाहेब आंबेडकर - अध्यक्ष
२. डाॅ. माधव जी. मालवणकर
३. सी.एस.पिलाई
४. भालचंद्र .के. कबीर
५. भगवंत सयाजी गायकवाड
६. एस. डी. गायकवाड
७. काशिराम विश्राम सवादकर

संपूर्ण भारत बौद्धमय करण्याचे बाबासाहेबांचे स्वप्न होते व त्यांना हा धम्म सर्वसमावेशक असा हवा होता म्हणून तर त्यांनी या कार्यकारिणीत डाॅ. मालवणकर, भालचंद्र के. कबीर यांच्यासारख्या ब्राह्मणांना सुद्धा संघटनेच्या कार्यकारिणीत स्थान दिले होते. दुर्देवाने बाबासाहेबांनी धम्मदिक्षा

घेतल्यानंतर अवघ्या दोन महिन्यात त्यांचे महापरिनिर्वाण झाले आणि या संघटनेची जी उद्दिष्टे त्यांनी त्यांच्या अनुयायांसमोर ठेवली होती ती तशीच अर्धवट राहून गेली.

#द_बुद्धिस्ट_सोसायटी_ऑफ_इंडिया