Thread by @manoj_manayil

നമ്പൂതിരിമാർ വാണരുളുന്ന ക്ഷേത്രങ്ങളില്‍ പുരുഷന് ഷർട്ട് ധരിച്ച് പ്രവേശനമില്ല.

ശബരിമലയില്‍ ഷർട്ട്, ബർമുഡ, പാന്‍റ്, ലുങ്കി, ട്രൗസര്‍ എന്നിവ ധരിച്ച് പ്രവേശിക്കുന്നതിന് തടസ്സവുമില്ല. എന്താണ് കാര്യം? ക്ഷേത്രകാര്യങ്ങളിലെ പൊള്ളത്തരത്തെക്കുറിച്ച് വായിക്കുക

(18 ഭാഗങ്ങള്‍)
#മമ

https://twitter.com/sujimanayil/status/1659414162110574592

ഒരുകാലത്ത് കേരളത്തിലെ ക്ഷേത്രങ്ങളില്‍ നമ്പൂരിക്കും നായർക്കുമല്ലാതെ പ്രവേശനമുണ്ടായിരുന്നില്ല. അക്കാലത്തിന്‍റെ പ്രത്യേകത, ഉടുതുണിക്ക് മറുതുണിയുണ്ടായിരുന്നില്ല എന്നതായിരുന്നു. നമ്പൂരിയുടെ വേഷം ഒറ്റമുണ്ടും കോണകവുമായിരുന്നു. നായരും അതുതന്നെ.
1.

മറ്റു ജാതികള്‍ തുണിയുടുക്കുന്നതേ വരേണ്യർക്ക് ഇഷ്ടവുമായിരുന്നില്ല.
കാലം മാറി. ക്ഷേത്രപ്രവേശന വിളംബരത്തോടെ നമ്പൂരിയും നായാടിയും അമ്പലത്തില്‍ ഒരുപോലെ കയറി. അപ്പോഴും തുണിയുടെ കാര്യത്തില്‍ പഴയ സമ്പ്രദായം തുടർന്നു. അരയില്‍ മുണ്ടുചുറ്റി കയറിയ പാരമ്പര്യം മാറ്റിയില്ല.
2.

ആധുനിക പരിപ്രേക്ഷ്യത്തില്‍ ഇതിനെ ഉല്പതിഷ്ണുക്കള്‍ ചോദ്യം ചെയ്തപ്പോള്‍ ഐതിഹ്യക്കാർ അതിനെതിരെ കാപടിക ശാസ്ത്രവുമായി മുന്നിട്ടിറങ്ങി. അവർ പറഞ്ഞ കാപട്യം ഇതായിരുന്നു: വിഗ്രഹത്തിലെ ചൈതന്യം പുരുഷന്‍റെ ഹൃദയത്തിലൂടെയാണ് പ്രവേശിക്കുന്നത്. അതിനാല്‍ ഷർട്ട് ധരിച്ച് പ്രവേശിക്കരുത്.
3.

അപ്പോള്‍ ഒരു രസികൻ തിരിച്ചു ചോദിച്ചു:
''അല്ല സേട്ടാ, അപ്പോള്‍ പെണ്ണുങ്ങള്‍ക്കോ?"
ചോദ്യം കേട്ടപ്പോള്‍ ഐതിഹ്യക്കാരന്‍ ആ ചോദ്യത്തിനു പിന്നിലെ ലാക്ക് തിരിച്ചറിയുകയും, 'പെണ്ണുങ്ങള്‍ക്ക് മുഖത്തുകൂടെയാണ് ദേവചൈതന്യം ശരീരത്തില്‍ കയറുകയെന്നും' തട്ടി മൂളിച്ചു.
4.

പെണ്ണുങ്ങള്‍ക്കും ഹൃദയത്തിലൂടെ മാത്രമേ ദേവചൈതന്യ പ്രസരണം നടക്കൂ എന്നുവന്നാല്‍ അവിടെ പ്രസവം നടന്നിരിക്കും എന്നതാണ് വാസ്തവം! കേരളത്തില്‍ എവിടെയെല്ലാം സ്ത്രീകളെ ക്ഷേത്രവിരോധം നടത്തിയോ, അവിടെയെല്ലാം പൂജാരിമാരുടെ ബ്രഹ്മചര്യം ഉറപ്പു വരുത്താനായിരുന്നു അപ്രകാരം ചെയ്തത്.
5.

അല്ലാതെ ദൈവം സ്ത്രീവിരോധിയായതു കൊണ്ടല്ല.
ക്ഷേത്രദർശനത്തില്‍ അരക്കെട്ടിനു മുകളിലുള്ള ഭാഗം എന്തുകൊണ്ട് മറയ്ക്കണം എന്നതിന് പണ്ഡിതവരേണ്യനായ കെ.പി.സി.അനുജന്‍ ഭട്ടതിരിപ്പാടിനുപോലും ഉത്തരമുണ്ടായില്ല എന്നതാണ് സത്യം(ഒരിക്കല്‍ അദ്ദേഹത്തെ സന്ദർശിച്ചപ്പോള്‍ ഞാനീ ചോദ്യം ചോദിച്ചിരുന്നു).
6.

അദ്ദേഹം പറഞ്ഞത്, രാജാവിനെ വന്ദിക്കുമ്പോഴും ദൈവത്തെ വന്ദിക്കുമ്പോഴും ശരീരം മറയരുതെന്നാണ് പ്രമാണം എന്ന്. രാജവാഴ്ച അവസാനിച്ചല്ലോ എന്ന എന്‍റെ ചോദ്യത്തിന് അദ്ദേഹം മറുപടി പറഞ്ഞില്ല. സ്ത്രീകളുടെ കാര്യം കൂട്ടത്തില്‍ ചോദിച്ചു. അതിനുള്ള അദ്ദേഹത്തിന്‍റെ മറുപടി എന്നെ അമ്പരപ്പിച്ചു.
7.

രാജാവിന്‍റെയും ദൈവത്തിന്‍റെയും മുന്നില്‍ ദേഹം മറയ്ക്കുന്നത് തത്വത്തില്‍ സ്ത്രീകള്‍ക്കും അനുചിതമാണത്രെ! എന്തൊരു കാഴ്ചപ്പാട്!!! ഇതില്‍ നിന്നും മനസ്സിലാകുന്നത്, ഇക്കാര്യങ്ങളിലൊന്നും ഹിന്ദു സമുദായത്തിലെ പണ്ഡിതർക്കുപോലും ഒരു ധാരണയുമില്ല എന്ന പരിതാപകരമായ അവസ്ഥയെയാണ്.
8.

ഇനി വസ്ത്രം, ആചാരത്തെ ലംഘിക്കുമോ എന്നു നോക്കാം: കേരളത്തില്‍ കണിശമായ തന്ത്രവിധി പാലിക്കുന്ന ക്ഷേത്രമാണ് ഗുരുവായൂർ. അവിടെ ഒരു വിട്ടുവീഴ്ചയുമില്ല എന്നാണ് പറയപ്പെടുന്നത്. ഒരിക്കല്‍ ഗുരുവായൂർ ക്ഷേത്രത്തില്‍ സ്ത്രീകളുടെ ചുരിദാർ പ്രശ്നം ഉടലെടുത്തു. അത് ചർച്ചയായി.
9.

പൊതുവെ യാഥാസ്ഥിതികരെന്ന് പറയപ്പെടുന്ന ഗുരുവായൂർ തന്ത്രിയും ശാന്തിക്കാരും കൂട്ടായി ഒരു തീരുമാനമെടുത്തു: ചുരിദാർ പ്രശ്നമല്ല. അങ്ങനെയാണ് സ്ത്രീകള്‍ ഗുരുവായൂരമ്പലത്തില്‍ ചുരിദാറിട്ട് കയറുന്നത്. അവിടെ ദേവന് വിഷമമുണ്ടായില്ല. ആചാരലംഘനമുണ്ടായില്ല. സോ സിമ്പിള്‍...
10.

ഇനി, ഇതേ ചുരിദാർ പൊതുവെ കേരളീയമല്ലാത്ത തിരുവനന്തപുരം പദ്മനാഭസ്വാമി ക്ഷേത്രത്തില്‍ വിലക്കപ്പെടുന്നതെന്താണ്? അതാണ് രസകരം. ഹിന്ദുത്വ രാഷ്ട്രീയക്കാരാണ് പദ്മനാഭസ്വാമി ക്ഷേത്രത്തിന്‍റെ മുന്നില്‍ മുണ്ട് വില്‍ക്കുന്നത്. അവർ ചുരിദാറിനെ അംഗീകരിച്ചാല്‍ മുണ്ടുകച്ചോടം പൂട്ടിപ്പോകും.
11.

അപ്പോള്‍ പ്രശ്നം കച്ചവടമാണ്. അല്ലാതെ പദ്മനാഭസ്വാമി ക്ഷേത്രത്തില്‍ അത്തരം ആചാരമൊന്നുമില്ല.
പണ്ടുകാലത്ത് കൊട്ടാരം തമ്പുരാട്ടിമാർ ബ്ലൗസ്‌ അഴിച്ച് മുല കാണിച്ചുവേണ്ടിയിരുന്നു ശ്രീപദ്മനാഭനെ തൊഴാന്‍.
ഇന്ന് അതവർ പാലിക്കുന്നുണ്ടോ?
ഇല്ല.
അത്രയേയുള്ളു ആചാരകഥകള്‍.
12.

തത്വത്തില്‍ ഷർട്ടിടാതെ ക്ഷേത്രത്തില്‍ പ്രവേശിക്കുന്നതിന് പ്രമാണമില്ല.

ഷർട്ടഴിക്കണം എന്ന കാരണത്താല്‍ ശ്രീകോവിലകത്തേക്ക് കയറാത്ത സോറിയാസിസ് ബാധിതനായ ഒരു സുഹൃത്ത് എനിക്കുണ്ടായിരുന്നു. അയാള്‍ പലപ്പോഴും അമ്പലക്കാരുടെ തോന്നിവാസത്തെക്കുറിച്ച് പറയാറുണ്ടായിരുന്നു.
13.

തിരക്കേറിയ ക്ഷേത്രത്തിലെ ക്യൂവില്‍ വിയർത്തൊലിച്ച് ശരീരങ്ങള്‍ തമ്മില്‍ മുട്ടിയുരുമ്മി കാത്തുനില്‍ക്കുന്ന അശ്ലീലമായ കാഴ്ച എന്തൊരു ദയനീയമാണ്.
പലരുടേയും ത്വക് രോഗങ്ങള്‍ മറ്റുള്ളവർ ഏറ്റുവാങ്ങി വീട്ടിലേക്കു കൊണ്ടുപോകുന്നത് എന്തൊരു ദുരന്തമാണ്.
ഇനി ശബരിമല നോക്കാം.
14.

ശബരിമലയില്‍ എന്താണ് ഷർട്ടിന് വിലക്കില്ലാത്തത്? ബർമുഡയോ ട്രൌസറോ പാന്‍റോ ധരിച്ച് നിങ്ങള്‍ക്ക് ശബരിമലയില്‍ ദർശനം നടത്താം. എന്താണ് കാര്യമെന്നല്ലേ? ശബരിമല ഒരുകാലത്തും ഹിന്ദു ക്ഷേത്രമായിരുന്നില്ല. പ്രാക്തനമായ പഴയ കേരളീയസംസ്കാരത്തിന്‍റെ ഭാഗമായിരുന്നു അത്.
15.

നമ്പൂരിമാർ കേരളത്തില്‍ കുടിയേറുന്നതിനു മുന്നേ ശബരിമല(ശൗര്യമല)യില്‍ ആരാധനയുണ്ടായിരുന്നു. അവിടെ ജാതിയോ മതമോ ഉച്ചനീചത്വങ്ങളോ ഉണ്ടായിരുന്നില്ല. പഴയകാല കേരളസംസ്കാരവും ഹിന്ദുമതവും തമ്മിലുള്ള പ്രധാന വൈധർമ്യം ഇതാണ്. ഈ സംസ്കാരസമന്വയത്തേയാണ് ഹിന്ദുമതം തകർത്തത്. മാനവികതയെ നശിപ്പിച്ചത്.
16.

ക്ഷേത്രങ്ങളിലെ ആചാരത്തെപ്പറ്റി ഹിന്ദുക്കള്‍ക്ക് ഒരു ചുക്കുമറിയില്ല എന്നതാണ് വാസ്തവം. വായില്‍ തോന്നുന്നത് കോതക്കു പാട്ട് എന്നാണ് കാര്യങ്ങള്‍. പണ്ടൊരു ശബരിമല തന്ത്രിയെ കേരള ഹൈക്കോടതി വിസ്തരിച്ച വാർത്ത നിങ്ങള്‍ വായിച്ചിരിക്കുമല്ലോ. തന്ത്രിമാർപോലും നിരക്ഷരരും അകുശലന്മാരുമാണ്.
17.

ചുരുക്കത്തില്‍, അമ്പലത്തില്‍ ഷർട്ട് ധരിച്ച് കയറുന്നതു തന്നെയാണ് ഉത്തമം.
മിനിമം തന്‍റെ ശരീരത്തിലെ പരാധീനതകള്‍ മറ്റുള്ളവരുടെ മുന്നില്‍ പ്രദർശിപ്പിക്കാതിരിക്കുകയെങ്കിലും ചെയ്യാമല്ലോ.
ആരോഗ്യപൂർണമായ ക്ഷേത്രദർശനത്തിന് വസ്ത്രം ആവശ്യമാണ്.

നഗ്നതാപ്രദർശനം ആശാസ്യമല്ല.
18.