Thread by @anbezhil12

#மடி_மாங்காய்_இடுவது
#ஶ்ரீஆண்டாள்நாச்சியார்
ஒவ்வொரு வருடமும் வைகாசி மாதம் பௌர்ணமி நாளன்று, ஸ்ரீவில்லிபுத்தூர் ஆண்டாள் திருக்கோயிலில், ஆண்டாள் நாச்சியாருக்குப் பால் மாங்காய்  நிவேதனம் செய்யும் சிறப்பான வழக்கம் ஒன்று உள்ளது. ஆண்டாள் திருமணம் முடிந்ததும் பெரியாழ்வார் மிகவும்

கலங்கினார் மகளை பிரிந்ததால். அப்போது அரங்கன் அவர் கனவில் வந்து, வரும் வைகாசி மாதம் பௌர்ணமியன்று உமது மகளோடு உங்கள் ஊருக்கு வந்து உமக்கு அருள் புரிவோம் என்றார். அதன்படி வரவும் செய்தார். அவர்களை வரவேற்ற பெரியாழ்வார் மகளிடம், அம்மா கோதா! உனக்கு என்ன வேணடும் சொல் என்றார். மடி

மாங்காய் இடுவது என்று கேள்விபட்டு இருக்கிறீரா? ஆண்டாள் தன் தந்தை பெரியாழ்வாரிடம் கேட்டாள். பெரியாழ்வார், தெரியும் கோதா! எந்தத் தவறும் செய்யாதவன் மடியில், பையில் மாங்காயை போட்டு விட்டு மாங்காயை திருடினான் என்று பழி போடுவதை மடி மாங்காய் இடுவது என்பர் என்றார். அதற்கு கோதா, என்

பர்த்தா அரங்கன் செய்வது அதைத்தானே! தனது பந்து, நண்பரை அல்லது ஒரு மிருகத்தை தேடி ஒருவர் கோவிலுக்கு நுழைந்தால் கூட தன்னைத் தேடி வந்ததாக நினைத்து அருள் புரிகிறார். மாதவா, முகுந்தா என உறவினரை அழைத்தால் கூட தன்னை அழைப்பதாக நினைத்து புளகாங்கிதம் அடைகிறார். மாங்காயை எடுக்காத ஒருவன்

மடியில் மாங்காயை போட்டு இவன் திருடினான் என்பது போல தற்செயலாக சில நல்ல செயல்களை செய்தவர்கள் மடியில் புண்ணியங்கள் போட்டு அருள் புரியும் கருணைக் கடலான அரங்கனை மணந்த எனக்கு மாங்காய் சமர்பியுங்கள் அப்பா என்றாள். பெரியாழ்வாரும் அதையே கொடுத்தார். எனினும் அது கோடைக் காலமானதால் சுண்டக்

காய்ச்சிய பாலில் பொடியாக நறுக்கிய மாங்காயை ஊறவைத்து, அதனுடன் சீரக பொடி, மிளகு பொடி சிறிது சேர்த்து, பின்னர் சர்க்கரை அல்லது வெல்லம் சேர்த்து கொடுத்தார்.
இன்றும் வைகாசி பௌர்ணமியன்று இந்த பிரசாதம் ஆண்டாள் நாச்சியாருக்கு கண்டருளப் பண்ணப் படுகிறது. வெண்ணிற ஆடை அணிந்தபடி, சந்தனம்

பூசி, மல்லிகை மலர்ச்சூடித் தோன்றும் ஆண்டாள் இந்தப் பால் மாங்காயை அமுது செய்து, அடியார்களுக்கு அரள் பாலிக்கிறாள்.
ஶ்ரீ ஆண்டாள் திருவடிகளே சரணம்
சர்வம் ஶ்ரீ கிருஷ்ணார்ப்பணம்🙏🏻