Thread by @thenisiraj

#கலைஞர்100
கலைஞரின் நூற்றாண்டு இந்த ஆண்டு முழுவதும் கலைஞர் பற்றிய தகவல்களை தினம் தினம் எழுதுவோம்..

கலைஞர் எந்தச் செயலையும் மிகுந்த கவனத்துடன்தான் அணுகுவார். அவர் முதலமைச்சராக இருக்கும் போது படிக்காமல் கையெழுத்து போட்ட கோப்பு ஒன்று கூட இருக்காது.
அப்படி, தான் மேற்கொண்ட
1/n

செயலில் எப்போதும் மிகுந்த எச்சரிக்கையும், சிரத்தையும், கவனமும் கொண்டிருப்பார். அவர் சிந்தனையில் உதித்து உருவான பல சமூக நீதி சார்ந்த திட்டங்கள் அவரின் விலாசமான பார்வையை நமக்கு உரக்கச் சொல்லும்.
அதிலும், 1969 முதல் 1976 வரையிலான காலகட்டத்தில் கலைஞருடைய அரசு செயல்பட்ட விதம்,
2/n

அபாரமானது. ஒரு முழு முதற் திராவிட ஆட்சி, 1967 முதல் 1976 வரையிலான காலகட்டத்தில் நடைபெற்றது.
அண்ணா இருந்திருந்தால் என்னென்ன வகையில் செயல்பட்டிருப்பாரோ, அதை அவரின் பாதையைப் பின்பற்றி ஆட்சி நடத்திய கலைஞர் செய்து காட்டினார் என்று சொன்னால் அது மிகையாகாது. அவரின் பார்வை எப்போதும்
3/n

சமூகத்தில் இருக்கும் கடைக்கோடி மனிதனின் வலி நிறைந்த வாழ்வு வரை சிந்திக்கும். யாருக்கும் தோன்றாத எண்ணங்கள் அவரின் மூளையில் தோன்றும். அப்படி ஒரு சிந்தனையால் உதித்த திட்டம்தான் 1972ல் தொடங்கப்பட்ட தொழுநோய் ஒழிப்பு மற்றும் மறுவாழ்வு திட்டம். இதன்படி, ஒரு காப்பகத்தை உருவாக்கி,
4/n

அதில் தொழுநோயால் பாதிக்கப்பட்ட மக்களுக்கான வாழ்வாதாரத் தேவைகளை பூர்த்தி செய்வது தான் இதன் திட்டம். இதனால் பயன்பெற்ற மக்கள் பலர். சமூகமே நெருங்க பயப்படும் இத்தகைய நோயினால் பாதிக்கப்பட்ட மக்களுக்காக இப்படி ஒரு திட்டத்தை ஏற்படுத்திய கலைஞரை பேரருளாளன் என்று சொல்வது மிகப்
5/n

பொருத்தமாக இருக்கும்.
கலைஞர் மறைந்த செய்தி கேட்டு அந்தக் காப்பகத்தில் இருப்பவர்கள் மிகுந்த உணர்ச்சி வயப்பட்ட வருத்தமான மனநிலையில் இருந்தனர். அந்தக் காப்பகத்தில் இருபது ஆண்டுகளாக இருந்து வரும் ஒரு தொழு நோயாளி பேசுகையில், "கலைஞர் இல்லையென்றால் நானும் எனது கூட்டாளிகளும்
6/n

தெருக்களில் தள்ளப்பட்டிருப்போம் என்று கூறியுள்ளார்.
"நாங்கள் பிச்சையெடுப்பது கூட ஏற்றுக்கொள்ளப்படவில்லை" என்று மிகுந்த மனவருத்தத்துடன் கூறியுள்ளார். எப்படி இப்படி ஒரு திட்டம் கலைஞரிடமிருந்து தோன்றியிருக்கும்?
காரணம் அவர் தமிழகத்தை உளமார நேசித்தார். எந்தவித எதிர்பார்ப்பும்
7/n

இல்லாத நிபந்தனையற்ற அன்பைச் செலுத்தினார்.
இந்த எண்ணம்தான் மாற்றுத்திறனாளிகளுக்கு என்று தனி நல வாரியம் உருவாக்கியதிலும், அவர்களுக்கு மாற்றுத்திறனாளி என்று பெயர் வைத்ததிலும், திருநங்கைகளுக்கு என்று நலவாரியம் அமைத்ததிலும், அவர்களுக்கு திருநங்கைகள் என்று பெயர் சூட்டியதிலும்
8/n

கலைஞரிடமிருந்து வெளிப்பட்டது.
காலமெல்லாம் ஒற்றைக் கண்ணுடனே, படித்து எழுதிக் கொண்டிருந்த மாற்றுத்திறனாளியான கலைஞருக்கு, இவர்களின் வலி புரியாமல் இருக்குமா என்ன?
இதனால்தான்
"என் உயிரினும் மேலான அன்பு உடன்பிறப்புகளே" என்று கலைஞர் சொல்லும்போதும், அந்த வார்த்தைக்கு மக்களிடையே
9/n

எழும் உணர்வுப்பூர்வமான ஆரவாரத்திலும், ஆர்ப்பரிப்பிலும், பெருகும் கண்ணீரிலும் எப்பொழுதும் உண்மைத்தன்மை இருக்கும். அந்தக் கரகரத்த குரல் இந்த மண்ணையும் மக்களையும் கட்டிப்போட்டதன் காரணம் இதுதான். கடைக்கோடி மனிதனின் வலியும் கலைஞருக்குத் தெரிந்திருந்தது.
அதனால்தான் அவர் கலைஞர்.