Thread by @anbezhil12

#ஹனுமந்த_வாகனம்
ஹனுமன் கருடனை போல் நித்யசூரி இல்லை. அவன் ஒரு சிரஞ்சீவி இன்னும் பூமியில் தானே வசிக்கிறான். அப்படி இருக்க ஏன் ஹனுமந்த வாகனம்?

இராமாயணத்தில் ஶ்ரீஇராம இராவண யுத்ததத்தில் ஒரு நிகழ்வு. ஶ்ரீராமனுடன் போரிட வந்த இராவணனை லக்‌ஷ்மணன் முதலில் எதிர்த்து போரிடுகிறார். ராவணன்

எய்யும் ஒவ்வொரு அஸ்திரத்தையும் செயலிழகச் செய்து கொண்டே வருகிறான். ஶ்ரீலஷ்மணனின் போர் திறமையை கண்டு வியந்த ராவணன் இலக்குமணனை அவ்வளவு எளிதில் அழிக்க முடியாது என கண்டு கொண்டு பிரம்மா விசேஷமாக தனக்கு தந்த அஸ்திரத்தை லஷ்மணன் மேல் ஏவுகிறான் ராவணன். தன் மார்பை நோக்கி வரும் அஸ்திரத்தை

மகிமையை உணர்ந்த லஷ்மணன் அதனை எதிர்க்காமல் விட அந்த வேல் மார்பில் பட்டு இலக்குமணன் மூர்ச்சை ஆகிறான். ராவணன் வேகமாக வந்து லஷ்மணனை இலங்கையின் உள்ளே தூக்கி செல்ல எத்தனிக்கிறான். அவனால் துளிகூட லக்ஷ்மணன் உடலை அசைக்க முடியவில்லை பத்து கைகளை கொண்டும் முயல்கிறான் ஹும் முடியவில்லை. இதை

தூரத்தில் இருந்த கவனித்த ஹனுமான் லஷ்மணன் உடல் அருகே வேகமாக வந்து ஒரு குழந்தையை நெஞ்சோடு அணைத்துக் காக்கும் தாயைப் போல லக்ஷ்மணனை கைகலால் தூக்கி கொண்டு ராவணன் கண்முன்னாடியே வேக வேகமாக ஶ்ரீஇராமர் இருக்குமிடம் மூர்ச்சையாகிக் கிடந்த லக்ஷ்மணனை அவனெதிரே கிடத்தினான். மூர்ச்சையாகி கிடந்த

லக்ஷ்மணனைப் பார்த்து தன்னிலை இழந்த ஸ்ரீராமர் சற்றைக்கெல்லாம் சுதாரித்து, மிகுந்த சினத்துடன் தம்பியை இப்படி ஆளாக்கிய ராவணனை போரில் சந்திக்கப் புறப்பட்டார். அதே நேரம் ராவணனும் ஶ்ரீராமனுடன் போர் புரிய ஶ்ரீராமன் முன் தனது தேரை கொண்டு வந்து நிறுத்தினான். அதர்மத்தையே தொழிலாக கொண்ட

ராவணன் தேரில் போரிட வருகிற போது அதுவும் மாயப் போர் அந்தரத்தில் பறந்து கொண்டே, தர்மத்தின் தலைவனான ஶ்ரீராமன் அவனெதிரே வெறும் தரையில் நின்று கொண்டிருப்பதை கண்டண்டான் வாயுபுத்திரன். மனம் நெகிழ, ஶ்ரீராமன் அருகே சென்று இருகரம் கூப்பி, ப்ரபோ! அந்த அதர்ம சொரூபமான ராவணன் ஆயிரம் குதிரை

பூட்டின தேரில் உங்கள் முன் போரிட வந்துள்ளான். அவன் எதிரில் தர்மமே வடிவமான தாங்கள் வெறும் தரையில நின்று போரிட போவது ரொம்ப வருத்தமாக உள்ளது. அடியேனை ஒரு அல்பமான வானரம் என எண்ணாமல் பெரிய மனது கொண்டு என் தோள் மேல் ஏறிக் கொண்டு அவனுடன் போரிட வேண்டும் என வேண்டினான். ஹனுமனின் அன்பு

வார்த்தைகளைக் கேட்டு ஆனந்தித்த ஸ்ரீராமன், ஹே வாயுபுத்ரா! எனக்கு இதை விடச் சிறந்த உபகாரம் இந்நேரத்தில் வேறென்ன இருக்க முடியும். அதுவும் இல்லாமல் உன்னை போன்ற அன்பான சீடன் என்னுடன் இருக்கும் போது எனக்கு ஏது குறை என சொல்லிக் கொண்டே ஹனுமனின் தோள்களில் உடனே ஏறி அமர்ந்தார். மேன்மை

மிகுந்த மேருமலை மேல் கம்பீரமாய் அமர்ந்திருக்கும் ஒரு ஆண்சிங்கம் போல் ஹனுமன் தோளில் ஶ்ரீராமன் காட்சி கொடுக்க, இந்தக் காட்சியை கண்ட விண்ணுலக தேவர்கள் தங்களது நல்லாசியை இருவருக்கும் பூமாரி பொழிந்து வாரி வழங்க, காலம் காலமாய் நடந்தால் குடையாக நின்றால் மரவடியாக சயனித்தால் படுக்கையாக

திருமாலை தாங்குகின்ற பெருமையை கொண்டிருந்த ஆதிசேஷனும், திருமாலுக்கு ஊர்தியாய் வாயுவேக மனோவேகமாய் எப்போதும் சுமந்து செல்லும் பெரிய திருவடியான கருடனும் பொறாமை கொண்டு நாணி தலைகுனிந்தனர். ஹனுமனின் மீதமர்ந்த ஶ்ரீராமனோ, ஹே வானரவீரா! வெகு காலமாக நான் தேடிய எனக்கேற்ற வாகனம் ஆசனம் இன்றே

கிட்டியது என்னும் விதமாக ஹனுமனின் தோள்களில் வெகு பாந்தமாய் ஆரோகணித்திருந்தான். அதே கோலத்துடன் ராவணனுடன் அதிதீவீரமாக போர் புரிந்து அவனது அரக்கர் படைகளையும் அழகிய தேரையும் பலவித அஸ்திரங்களையும் அவனின் வில்லையும் செயலிழக்கச் செய்து நிராயுத பாணியாக நிறுத்தி, ஹே ராவணா நிராயுதபாணியான

உன்னை இன்று கொல்ல மனம் ஒப்பவில்லை. இன்று போய் நாளை வேறு மீதமுள்ள படைகளுடன் வா என கூறி அனுப்பிய வரலாறு உலகமே அறியும். அந்த போர்கள ஶ்ரீராமனின் வாகனமான ஹனுமந்த வாகனத்தை நினைவு கூறவே இன்றும் பூர்வர்களால் ஏற்படுத்தபட்டு இன்றும் வைணவ திவ்ய அபிமான கோயில்களில் ஹனுமந்த வாகனம் மேல் பகவான்

புறப்பாடு கண்டருளப்படுகிறது எப்போதெல்லாம் ஹனுமந்த வாகனத்தில் பகவானை காண்கிறோமோ அப்போது எல்லாம் இந்த நிகழ்வு நினைவுக்கு வரவேண்டும். ஶ்ரீராமதூதனான ஹனுமனை போல் பகவத் கைங்கர்யம் செய்ய மனம் துடிக்க வேண்டும். ஹனுமன் வானரமோ மானுடமோ அல்ல அவன் அளப்பறிய இயலாத ருத்ர சக்தி கொண்ட ஶ்ரீராம

தூதன். எனவே ஹனுமந்தனை போல் ஶ்ரீராமனை தூக்கி கொண்டு போக இயலாவிடினும் அந்த வாகனத்தை எழுந்தருள பண்ணும் ஒரு ஶ்ரீபாதம் தாங்கியாகவாவது இருப்போம். அனைத்து பகவத் ஶ்ரீபாதம் தாங்கும் அன்பர்களுக்கும் வந்தனம்.

மூல ராமோ விஜயதே
ஹரி ஸர்வோத்தமா

ஜெய் ஶ்ரீராம்
ஸர்வம் ஶ்ரீ கிருஷ்ணார்பணம்.🙏

@threadreaderapp unroll