Thread by @jamirjlandge

@LetsReadIndia @logicaldk @PABKTweets
#mustreadbook #स्वामी #रणजितदेसाई
लेखक #रणजितदेसाई यांना #स्वामी ह्या कादंबरी मुळे स्वामीकार म्हणुन ओळख मिळाली. बर्‍याच वर्षापूर्वी #स्वामी नावाची मालिका दूरदर्शन वर पाहायला मिळत होती. (1/12)

आज प्रत्यक्ष #स्वामी वाचताना एक वेगळाच अनुभव येत होता. माधवराव पेशवे, त्यांच्या पत्नी रमाबाई, गोपिकाबाई, आनंदीबाई, राघोबा, पार्वतीबाई, नारायणराव या अशा पेशवे घराण्यातील व्यक्तींना स्वतंत्र व्यक्ति म्हणुन चित्रित केले आहे. (2/12)

त्यातल्या त्यात राघोबादादांच्या व्यक्तिरेखेचे ​​वर्णन अगदी नेमकेपणाने केले आहे.
शनिवारवाडा, पुणे, थेउर, कर्नाटक प्रांत, महाराष्ट्र, तसेच उत्तरेकडचे असे कितीतरी स्थळ चित्र डोळ्यासमोर फिरत होती आणि जे काही वाचत आहे ते प्रत्यक्ष आपल्या समोर घडत आहे असेच वाटत होते. (3/12)

वयाच्या १७ व्या वर्षी पेशवेपद माधवराव यांच्या अंगावर पडले आणि ते त्यांनी त्यांच्या कुवतीपेक्षा जास्त निभावले. पानिपतच्या लढाई नंतर संपूर्ण पेशवे कुटुंबियांना सांभाळून घेत कामकाज चालू ठेवले.
#स्वामी ही एक ऐतिहासिक कादंबरी आहे. (4/12)

लेखकाने संवादाने प्रत्येक प्रसंग जिवंत असे उभे केले आहेत. लेखकाची भाषाशैली तसेच प्रसंगाचे वर्णन आपल्याला त्या काळात नक्कीच घेऊन जातो.
अतिशय कमी आयुष्य लाभलेल्या माधवराव पेशवे यांची कहाणी वेगळीच आहे. जास्तीत जास्त सक्रिय लढाया अधिक परगावी मोहिमा आणि कौटुंबिक कलह, (5/12)

त्यांचे यश आणि पती-पत्नीचे प्रेम, अशा विविधरंगी आणि विविधांगी अंगाने ही कादंबरी सरकत जाते.
कादंबरी वाचताना माधवरावांचे पात्र आपल्या समोर येते ते म्हणजे कडक शिस्त, दक्षता, कारभाराकडे लक्ष देणे, असे त्यांचे गुण प्रकट होतात. रघुनाथराव (राघोबा दादा) आणि निजाम, (6/12)

हैदर आणि इंग्रज यांसारख्या शक्तींशी लढताना त्यांची कर्तबगारी या कादंबरीत वाचायला मिळते.
माधवराव स्वतःच्या लोकांशी आणि परकीयांशी यशस्वीपणे लढत असताना हा तरुण पेशवा क्षयरोगाने ग्रस्त होतो आणि इथूनच त्याचा शेवटचा प्रवास सुरू होतो. पण तिथेही त्यांना जोडीदार सापडतो. होय, (7/12)

त्यांची पत्नी रमाबाई.
स्वामीकारांनी रेखाटलेला तो जीवन प्रसंग अक्षरशः आपल्या काळजाला चटका लावून जातो. पती-पत्नीच्या अविरत प्रेमाचा एक मतीगूंग करणारा अविष्कार, प्रेमाची एक वेगळी अनुभूती, निरागस प्रेम, (8/12)

कडवा चरित्रवान शिस्तप्रिय द्रष्टा प्रशासक आणि निष्ठावंत गणेश भक्त “श्रीमंत माधवराव पेशवे यांचे जीवनचरित्र म्हणजेच “#स्वामी “.
थोरले माधवराव पेशवे यांचे राजकीय जीवन, कर्तुत्व आणि त्यांचे वैयक्तिक जीवन यांचे अतिशय प्रभावी चित्रण या पुस्तकात आहे. (9/12)

हे पुस्तक वाचून थोरले माधवराव पेशव्यांच्या आयुष्याबद्दल माहिती मिळते. ज्या माणसाने मराठा साम्राज्य पानिपतच्या युद्धानंतर पुनरूज्जीवीत केले त्याची ही जीवनगाथा आहे. पानिपतच्या तिसऱ्या युद्धानंतर मराठा साम्राज्य कसे होते व कसे फ्क्त ११ वर्षात पूर्ण प्रदेश परत जिंकला, (10/12)

हे ह्या कादंबरीतून कळते किंबहुना ज्या माणसा मुळे हे शक्य झाले त्याच्याबद्दल जास्त कळते. उत्तर भारतापेक्षा, दाक्षिणातल्या मोहिमांची जास्त माहिती मिळते. प्रत्येक मराठी माणसाने वाचावे असे हे पुस्तक आहे. (11/12)

सबंध कादंबरी ही ऐतिहासिक म्हणून वाचली जाते परंतु शेवटची पाने खूप भावनिक आहेत. रमाबाई आणि माधवराव यांचे नातेसंबंध हा या पुस्तकाचा उच्चांक आहे. हे पुस्तक वाचताना इतिहासाची कल्पना येण्यास मदत होते. (12/12)