Thread by @chflato

سلطنت بنو امیہ اور سلطنت پاکستان کے وساٸل ، جگہ اور وقت مختلف ضرور ہیں لیکن تاریخ اپنے آپ کو ضرور دہراتی رہتی ہے۔
جس وقت عبد الملک بن مروان کی خلافت کی بیعت ہوئی تھی اسی وقت اس کے دو بیٹوں ولید اور سلیمان کی ولی عہدی کی بیعت بھی ہوئی تھی ۔جس کا سیدھا سادا مطلب یہ تھا کہ
(1)

(2)
عبدالملک کی خلافت کے بعد ولید خلیفہ بنے گا اور اس کے بعد سلیمان بنے گا ۔
ولید نے اپنے دور خلافت میں چاہا کہ اپنے بھائی سلیمان کو معزول کر کے اپنے بیٹے عبدالعزیز کو ولی عہد نامزد کر دے ۔ جس پر حجاج بن یوسف نے ولید کے اس منصوبے میں اس کی حمایت کی ۔حجاج کی حمایت بہت معنی

(3)
رکھتی تھی کیونکہ وہ عراق اور مشرقی اضلاع کا گورنر تھا اور جتنا رقبہ اس کے زیر انتظام تھا، وہ کم و بیش نصف مملکت تھی ۔ گویا اس حمائت کا مطلب یہ تھا کہ حجاج اپنے زیر انتظام علاقوں میں عبدالعزیز کی ولی عہدی کی بیعت کی حمائت کرے گا ۔یہ کوئی خفیہ منصوبہ نہیں تھا، بلکہ اس کی

(4)
اطلاع دیگر عہدیداروں کو بھی ہو گئی تھی کیونکہ حجاج نے اس ضمن میں اپنے بعض والیوں کو بھی سلیمان کی بیعت فسخ کر کے عبد العزیز کی بیعت کر لینے کے لئے لکھا تھا ۔
سلیمان بن عبدالملک کو اس وعدہ خلافی کی خبر ہوئی تو وہ دمشق سے رصافہ چلا گیا جہاں عمر بن عبدالعزیز موجود تھے

(5)
وہ چاہتا تھا کہ عمر بن عبدالعزیز کے ذریعے ولید پر دباٶ ڈلوائے کہ وہ ایسی وعدہ خلافی نہ کرے، لیکن اس سے قبل کہ یہ منصوبہ آگے بڑھتا حجاج بن یوسف کا انتقال ہو گیا۔
حجاج کا انتقال رمضان 95ھ میں ہوا اور اس کے سات آٹھ ماہ بعد خلیفہ ولید کا بھی انتقال ہو گیا ۔حسب بیعتِ سابقہ

(6)
سلیمان خلیفہ بن گیا۔ خلیفہ بنتے ہی اس نے ایسے تمام لوگوں سے انتقام کی ٹھانی جو اس کی برطرفی کے منصوبے میں ولید کے ہم خیال تھے۔ حجاج اگر زندہ ہوتا تو سلیمان اسے تڑپا تڑپا کر مارتا لیکن حجاج کا انتقال ہوچکا تھا لہذا اس کےرشتے داروں، حکام اور قریبی لوگوں ہی کو دھر لیا۔ حجاج کے

(7)
ایک نوجوان سپہ سالار  قتیبہ کو ماورالنہر کے محاذ سے واپس بلایا ۔قتیبہ کو موت سامنے نظر آئی تو اس نے سلیمان کے خلاف بغاوت کر دی اور دارلحکومت نہیں گیا
سلیمان بن عبدالملک نے خلیفہ بنتے ہی فاتح ترکستان قتیبہ بن مسلم باہلی ، فاتح سندھ محمد بن قاسم اور فاتح اسپین موسی بن نصیر

(8)
اور طارق بن زیاد کا جو حشر کیا، اس کی مثال نہیں ملتی تھی لیکن موجودہ حالات کو دیکھتے ہوۓ ایسا محسوس ہوتا ہے کہ شاٸد اس مثال والی کمی کو پورا کرنے کیلیے برصغیر میں مسلمانوں کیلیے الگ ملک پاکستان بنایا گیا، جس کے حکمران بنوامیہ کے سلیمان بن عبدالمک سے بھی چار ہاتھ آگے

(9)
نظر آتے ہیں۔ جس نے بھی اس ملک کا نام روشن کیا اس ملک کو عزت دلواٸی یا اسے ناقابل تسخیر والا ٹاٸیٹل دیا وہ عبرت کا نشان بن گیا وہ چاہے ایٹم بم بنا کر دینے والا ڈاکٹر عبدالقدیر ہو ، اسکو لانچ کرنے والا ذوالفقار علی بھٹو ہو ، کھیلوں میں پاکستان کو دنیا کا بادشاہ بنانے

(10)
والا عمران خان ہو ، دنیا کو ورطہ حیرت میں ڈال کر نیوروساٸنس میں پہلے نمبر پر آکر پاکستان کا نام روشن کرنے والی عافیہ صدیقی ہو۔الغرض ایک لمبی فہرست ہے۔ صرف یہی کہوں گا کہ پاکستان جمہوری ملک نہیں بلکہ یہ ایک سلطنت ہے جس کا سپہ سالار ہی درحقیقت اسکا بادشاہ ہے جو اپنے

(11)
معمولی مفاد کیلیے بھی رعایا پر ظلم و بربریت کرکے ، اپنی ہی سلطنت کو نقصان پہنچانے میں ذرہ برابر بھی نہیں ہچکچاتا۔۔
حدیث قدسی میں اللہ تعالی کا فرمان ہے کہ
”اے مخاطب جو کچھ ظالم لوگ کر رہے ہیں اس سے اللہ تعالی کو بے خبر مت سمجھو اللہ تعالی نے ان کو صرف اس روز تک مہلت دے

(12)
رکھی ہے جس میں ان لوگوں کی نگاہیں پھٹی رہ جائیں گی“
اگر پاکستان کی رعایا کا تاریخی موازنہ کرنا ہو تو نہایت دکھ کے ساتھ کہنا پڑے گا کہ اس کے ہم پلہ صرف اہل کوفہ ہی نظر آتے ہیں۔
#چاچاافلاطون