Thread by @drdeepak81

#Adipursh ଦେଖିସାରିଲା ପରେ #AdipurushReview ନଲେଖିଲେ ରାତିରେ ନିଦ ହବନି । ଟିକେ ଲମ୍ବା ହେଇପାରେ ଓ ଆପଣଙ୍କୁ ଭଲ ବି ନଲାଗିପାରେ, ତଥାପି ଲେଖୁଛି ।

ପ୍ରଥମ ଦୃଷ୍ଟିଭଙ୍ଗୀ ବୁଝିବାଟା ଆମଭଳି ଅନେକଙ୍କ ପାଇଁ କଷ୍ଟକର ଏଇଥିପାଇଁ ହେବ ଯେ ଆମେ ରାମାନନ୍ଦ ସାଗରଙ୍କ 'ରାମାୟଣ' କଥାଚିତ୍ରକୁ ଆମ ଆତ୍ମା ସହ ଯୋଡିରଖିଛୁ, ଯେମିତିକି
(୧/୧୪)

'ରାମ' କହିଲେ ଅରୁଣ ଗୋଭିଲ, 'ସୀତା' କହିଲେ ଦୀପିକା ଆଉ ସେଇଭଳି ଦାରା ସିଂ ଓ ଅରବିନ୍ଦ ତ୍ରିବେଦୀ !
ମସ୍ତିଷ୍କର କେଉଁ ଏକ କୋଣରେ ସେମାନଙ୍କର ପ୍ରତିରୂପ ଆବଦ୍ଧ ହେଇ ଅଛି ଆଉ ସେଇଥିପାଇଁ ମାଟିଆ ଗଞ୍ଜି ପିନ୍ଧା ପ୍ରଭାସଙ୍କୁ ଆମେ 'ରାମ' ରୂପରେ ଗ୍ରହଣ କରିପାରୁନାହୁଁ ।
(୨/୧୪)

ଯଦି ଆପଣ #ଆଦିପୁରୁଷ ଦେଖିସାରିଛନ୍ତି, ତେବେ ମୁଣ୍ଡରୁ ପୁରୁଣା 'ରାମାୟଣ' ଧାରାବାହିକର ବିଷୟବସ୍ତୁ ଓ କାଷ୍ଟିଂ କୁ ଭୁଲି ଆଉଥରେ ଭାବନ୍ତୁ କି 'ଖରାପ' କ'ଣ ଲାଗିଲା; ମୋ ମତରେ, ସେତେବେଳେ ଆପଣଙ୍କୁ ଆଉ ଏତେମାତ୍ରାରେ ଖରାପ ନଲାଗିପାରେ ।
ଯେଉଁ ଯୁବଗୋଷ୍ଠୀଙ୍କ ଭାଗ୍ଯରେ ରାମାନନ୍ଦ ସାଗରଙ୍କ ରାମାୟଣ ଦେଖିବାର ସୁଯୋଗ ମିଳିନି
(୩/୧୪)

ତାଙ୍କୁ ଏହି ଚଳଚ୍ଚିତ୍ରରେ 'ତୁଳନା' କରିବାର ଭିତ୍ତିଭୂମିର ଅଭାବ ଥିବାରୁ ହୁଏତ ଭଲଲାଗିଥିବ !

ତେବେ ମୋ ସ୍ୱଳ୍ପ ଜ୍ଞାନରେ ବାଲ୍ମିକୀ ରାମାୟଣର କଥାବସ୍ତୁ ସହ ତୁଳନା କଲେ ଯେତେଟା ଅସାମଞ୍ଜସ୍ୟ ଅଛି, ସେଇଟା ଗୋଟେ ବଲିଉଡ ମୁଭି ପାଇଁ କିଛି ବଡ କଥା ନୁହେଁ
(୪/୧୪)

ଏହି ଚଳଚ୍ଚିତ୍ରରେ ନିର୍ଦ୍ଦେଶକଙ୍କ ସବୁଠୁ ବଡ ଭୁଲ ହେଲା ସେ ନିଜେ ଜାଣିପାରିନାହାନ୍ତି ଯେ ସେ ରାମାୟଣ ତିଆରି କରୁଛନ୍ତି ନା ରାମାୟଣରୁ ଅନୁପ୍ରାଣିତ ହୋଇ ଛୋଟ ପିଲାଙ୍କ ପାଇଁ କାର୍ଟୁନ୍ ସିରିଜ ତିଆରି କରୁଛନ୍ତି । ଯଦି ଦ୍ୱିତୀୟ ଦୃଷ୍ଟିଭଙ୍ଗୀ ଉପରେ ଆଲୋକପାତ କରିବା, ତେବେ ଏଥିରେ ସେ ଅନେକମାତ୍ରାରେ ସଫଳ ହେଇଛନ୍ତି ।
(୫/୧୪)

ତିନିଘଣ୍ଟାରେ ରାମାୟଣକୁ ଫାଷ୍ଟ ଫରୱାର୍ଡ କରିକି ଶୁଣିଲେ ଯେମିତି ଲାଗିବ, ସେଇଭଳି ହିଁ ପିକ୍ଚରାଇଜେସନ୍ କରିଛନ୍ତି । ମୋ ମତରେ 'ରାମାୟଣ' ବିଷୟରେ ବିଶେଷ ଧାରଣା ନଥିଲେ ଏହି ଚଳଚ୍ଚିତ୍ରଟି 'ରାମାୟଣ'ର କଥାବସ୍ତୁକୁ ସଂକ୍ଷେପରେ ବୁଝେଇବାପାଇଁ କିଛି ଖରାପ ନୁହେଁ

(୬/୧୪)

ହାରି ପୋଟର୍ ଦେଖି କାହାଣୀକୁ ସତ ଭାବିବସୁଥିବା ସେହି ଜେନେରେସନ୍ ଙ୍କ ପାଇଁ #ଆଦିପୁରୁଷ ଏକ ମାଧ୍ୟମ ହେଉ, ଏଇଟା ହିଁ ମୁଁ ଆଶାକରେ ।
ତାଙ୍କ ମନରେ ପ୍ରଶ୍ନ ଉଠୁ, ଜିଜ୍ଞାସାର ସମାଧାନ ଆପଣ କରନ୍ତୁ, ଅଧିକ ପଢାନ୍ତୁ, ଏଇଟାତ ଆମ କର୍ତ୍ତବ୍ଯ!
ହଁ, ଆମ ଜେନେରେସନ୍ କୁ ଏଇଟା ଭଲ ନଲାଗିବାର କାରଣ ଅନେକ ଅନେକ ଅଛି,
(୭/୧୪)

ଇଣ୍ଟରନେଟ ସର୍ଚ ମାରିଲାମାତ୍ରେ ମିମ୍ ରେ ଭରିଯାଉଛି, ସତ ବି, ମୁଁ ମନାକରୁନି ।

ମୋ କହିବାକଥା ଏତିକି ଯେ, ଯଦି ଆପଣଙ୍କ ପରିବାରରେ ଏପରି କେହି ଅଛନ୍ତି ଯିଏ ରାମାନନ୍ଦ ଙ୍କ ରାମାୟଣ ଦେଖିନାହାନ୍ତି, ତେବେ ଆଜିଯାଏଁ ଆପଣ କ'ଣ କରୁଥିଲେ? #ଆଦିପୁରୁଷ ବାହାନାରେ ୟୁଟ୍ୟୁବ୍ ରୁ ଡାଉନଲୋଡ କରି ୭୮ ଟି ଏପିସୋଡ ଦେଖାନ୍ତୁ,
(୮/୧୪)

ବା, ଯଦି ସେଇଟା ସମ୍ଭବ ନୁହେଁ, ତେବେ ତାଙ୍କୁ ନେଇ ଏଇ ଚଳଚ୍ଚିତ୍ର ଦେଖାନ୍ତୁ । ମୁଁ ଗେରେଣ୍ଟି ଦେଉଛି ତାଙ୍କୁ ନିହାତି ଭଲ ଲାଗିବ !
(୯/୧୪)

ଏବେ ଆମ ଜେନେରେସନ୍ ପାଇଁ ରିଭ୍ୟୁ ଦେବା,

ପ୍ରଥମ ଓ ଶେଷ କଥା: ଥରେ ଦେଖିବାଯୋଗ୍ୟ, ବେଶୀ ପଇସା ବିଲକୁଲ ସାରିବେନି, ରାତିରେ ନିଦ ହବନି ନହେଲେ ।

କାହିଁକି?
ଚାଲନ୍ତୁ ଜାଣିବା
(୧୦/୧୪)

ଚଳଚ୍ଚିତ୍ରର ପ୍ରଥମାର୍ଦ୍ଧ ଆଭେଞ୍ଜର୍ସ, ଘୋଷ୍ଟ ହଣ୍ଟର୍ ଆଉ ଜଙ୍ଗଲ ବୁକ୍ ର ଆନିମେସନ୍ ଭଳି ଲାଗିବ । ପ୍ରଡକ୍ସନ୍ କମ୍ପାନୀ କଷ୍ଟ୍ୟୁମ୍ ଡିଜାଇନ କଲାବେଳେ ଭୁଲିଯାଇଥିଲା କି ସେମାନେ ମାଇଥୋଲଜି କେରେକ୍ଟର ବନଉଛନ୍ତି । ମାଇନୁଟ ଡିଟେଲିଂ କୁ ଆଦୌ ଧ୍ୟାନ ଦେଇନାହାନ୍ତି , ସେଠି ପୁଷ୍ପକ ଯାଗାରେ ବଡବାଦୁଡି ଦେଖେଇଦେଲେ ଆଉ !
(୧୧/୧୪)

ଇଣ୍ଟରଭାଲ ପରେ ପୂରା ପ୍ଲାନେଟ ଅଫ୍ ଏପ୍ସ ଆଉ ଲର୍ଡ ଅଫ୍ ଦ ରିଙ୍ଗ୍ସ ଇଫେକ୍ଟ ଆସିଗଲା । ଚିହ୍ନାଜଣା ଭିଏଫେକ୍ସ ବାଲାଙ୍କୁ ନେଇଥିଲେ ଲାଗୁଚି, ସବୁ ପଇସା ସେଇଥିରେ ସାରିଦେଇଛନ୍ତି । ରାବଣ ଛଡା ଆଉ କାହାରି କେରେକ୍ଟର ବିଲ୍ଡ୍ କରିନାହାନ୍ତି, ସେଇଥିପାଇଁ ପ୍ରବଳ ଖାପଛଡା ଲାଗିବ । ଇନ୍ଦ୍ରଜୀତ ର ସ୍ତ୍ରୀ କାହିଁକି ଆସିଲା
(୧୨/୧୪)

ଆଉ ତା' ଲକ୍ଷ୍ମଣଙ୍କୁ ଚିକିତ୍ସା କରିବା ଦେଖିକି ହେରି ପୋଟର ଫିଲ୍ ଆସିବ। ପୃରା ମୁଭିରେ 'ସକାଳ' କେତେବେଳେ ହେଇଥିଲା ମନେ ପଡୁନି, ସବୁ ସେଇ ଗାର୍ଡିଆନ୍ ଅଫ ଗାଲାକ୍ସି ଭଳିଆ ବେକଗ୍ରାଉଣ୍ଡ, ଆଖି ବିନ୍ଧିଯିବ 'ରାମାୟଣ' କଥା ଭାବିଲେ
(୧୩/୧୪)

ମୋଟାମୋଟି କହିବାକୁ ଗଲେ, ଇଣ୍ଟରନେଟ୍ ରେ ଏହି ଫିଲ୍ମ ବିରୋଧରେ ଯାହାବି ରିଭ୍ୟୁ ଦେଖୁଛନ୍ତି/ଶୁଣୁଛନ୍ତି, ସବୁ ସତ, ଖାଲି କିଏ ଟିକେ ବଢେଇଦଉଚି ତ ଆଉ କିଏ କମେଇଦଉଚି ।

ଫାଇନାଲ ରେଟିଂ: ⭐️⭐️/5

ଧନ୍ୟବାଦ
(୧୪/୧୪)

*ବିଭୀଷଣ