قصتنا النهاردة من حكايات الأخوين جريم واسمها "هانس الحديدي" Der Eisenhans (شايفاك ياللي فكرت في لميس الحديدي). القصة بتحكي عن ملك كان بيحكم مملكة كبيرة جدًا وعلى أطرافها تقع غابة مليئة بالحيوانات البرية. وفي يوم الملك بعت واحد من رجاله لصيد غزال بري، بس الصياد ما رجعش، فبعت اتنين من الصيادين للغابة علشان يدوروا على الصياد الأولاني، بس دول كمان مارجعوش، فالملك راح باعت كل الصيادين اللي في المملكة يشوفوا الغابة دي فيها حفرة ولا إيه! فالصيادين كلهم راحوا ومارجعوش. الملك قال مابدهاش بقى وأصدر قرار بمنع الدخول للغابة البرية للأبد.

دي قايمة عشوائية بأكتر أفلام بحبها - أو اللي فاكراه منهم دلوقتي - بدون ترتيب معين، وحاولت أنها تكون متنوعة على قد ما أقدر:

بين أفلام يورجوس لانثيموس Dogtooth (2009) هيفضل بالنسبة لي أفضل حاجة عملها في حياته، الفيلم هياخدك في مراحل من الاستغراب للضحك للصدمة اللي هتفضل معاك كتير أفلام نهاية العالم كلها في كفة و Take Shelter (2011) في كفة تانية لوحده خالص! الفيلم بيتناول نهاية العالم من منظور فردي نفسي عبقري

النهاردة هنتكلم عن أشهر شخصية من الفولكلور الألماني ونظيرتها من الفولكلور العربي، هنتكلم عن سنووايت Schneewittchen ورُمّانة.. أكيد كلنا عارفين قصة "سنووايت والأقزام السبعة" اللي نشرها الأخوان جريم لأول مرة في مجموعتهم القصصية الشهيرة عام 1812، وسواء قريتوا الحدوتة الأصلية أو سمعتوها أو شوفتوا فيلم ديزني فده لأن قصة الأميرة الجميلة اللي زوجة أبيها - المهووسة بمرآتها المسحورة - بتحاول تقتلها أكتر من مرة

امبارح اتكعبلت في قصة فولكلورية جميلة جدًا من التراث الأفريقي وتحديدًا من تنزانيا بتحكي عن ولد صغير اسمه ميوراليه Murilé كان عايش مع أمه وأبوه وأخواته الأصغر منه في قرية فقيرة وكان حال أسرتهم على قد الحال يدوب اللي بيزرعوه بياكلوه. ميوراليه كان طفل حالم رقيق القلب، وده كان سبب النزاع الدائم بينه وبين أمه اللي كانت شايفة أن مفيش مكان للمشاعر ورقة القلب في العالم ده لو الإنسان عايز يعيش، وكانت بتعامل أطفالها على هذا الأساس بدافع الخوف عليهم.

ثريد النهاردة طويل شوية وبعتذر مقدمًا وده علشان هنحكي ثلاث أساطير بيربطهم ببعض عناصر كتير، أول وأهم عنصر فيهم، اللي كاسفنا في الأساطير الإغريقية والأساطير المجاورة، كبير الآلهة زيوس Zeus.. الأسطورة الأولى بتحكي إن في يوم من الأيام الأميرة الإسبرطية بارعة الجمال ليدا Leda راحت تستحمى، وهي بتستحمى شافت بجعة جميلة جدًا بتهرب من أحد الطيور الجارحة وراحت البجعة دي مرمية في حضن ليدا ومارست الجنس معاها.

تخيل إن كل اللي بيحصل حواليك في العالم ما هو إلا انعكاس لمشاعرك ورغباتك ومخاوفك الشخصية وإن مفيش أي حاجة لها وجود فعلي...

لو تفتكروا فيه فيلم أمريكي أتعمل سنة 1998 اسمه Sphere وبيحكي عن فريق من العلماء اكتشفوا جسم كروي غريب الشكل في قاع المحيط <تحذير حرق>>> وبعد ما بيدخلوا الجسم الكروي بتحصل سلسة من الأحداث الغريبة والمرعبة وفي الأخر بيكتشفوا إن الأحداث دي ما هي إلا انعكاس لمخاوف كل واحد فيهم تجسدت في الواقع. الفيلم متوسط المستوى بس بيعكس فكرة فلسفية مهمة جدًا ألا وهي الأنوية أو السولبسية Solipsism.

66- It doesn't matter whether you run or walk, march or dance; we are all footprints in the sand, eventually washed away by the persistent waves.
Tread lightly. 67- كشري البيت أحلى من كشري الشارع.

من يومين أبتديت أتابع مسلسل Mindhunter اللي بيتكلم عن تطوير ال FBI لوحدة العلوم السلوكية في السبعينات واللي من خلالها ابتدوا يطوروا علم الجريمة ويدرسوا نفسية المجرمين.
وعلى قد ما متمزجة جدا من جودة الكتابة على قد ما متأزمة من الأسئلة اللي بيطرحها المسلسل واللي كانت بتدور في دماغي لو اعتبرنا إن كل جريمة وراها دافع ما، هل فهمنا للدافع هيغير من رؤيتنا للمجرم؟ ولو اعتبرنا إن السلوك الإجرامي ده حصل نتيجة لصدمة ما أو لإساءة بدنية أو نفسية في فترة الطفولة، امتى بالظبط المجرم بيتحول من ضحية لمتهم؟ وهل المجرم يُلام على عدم إدراكه لسلوكه المختل؟

مقتنعة بأن الشعور بالوحدة صديق دائم لأي حد مبدع مهما كان محاط بناس وبغض النظر الناس دي كانت بتحبه ولا لأ. السبب في ده مش بس إنه بيشوف الحياة بشكل مختلف متفرد بيعبر عنه بشكل رمزي (فنّه)، ولكن بسبب الرغبة المُلحة في فحص وتحليل كل شيء بيدور حواليه بما فيهم المشاعر نفسها.. الإبداع بيصاحبه عقل قَلِق - قلوق يعني - مش على بعضه مابيتقبلش الأشياء كما هي وحاطط كل حاجة تحت المايكروسكوب علشان يشرّحها ويفصصها ويعيد تشكيلها في عدد لا متناهي من الاحتمالات والسيناريوهات اللي طبعًا بينتج عنها الفن بتاعه.

النهاردة هنحكي أسطورتين مختلفتين بس مرتبطين ببعض بشكل كبير.. أعتقد يعني.
الأسطورة الأولى هي قصة إيوس وتيثونس Eos and Tithonus والتانية هي قصة سيلين وإندميون Selene and Endymion... الأسطورة الأولى عن إلهة الفجر عند الإغريق إيوس اللي وقعت في حب شاب فانٍ اسمه تيثونس. من كتر حبها في تيثونس طلبت من زيوس إنه يوهبه الخلود علشان يقدر يعيش معها للأبد، وفعلا زيوس حقق لها رغبتها وتيثونس بقى خالد (بيتمتع بالخلود مش بقى اسمه خالد!) على الرغم من احتفاظه بالصفات البشرية.

الطرس أو palimpsest هو نوع من المخطوطات اللي تم محو ما كتب عليها بغرض الكتابة عليها مرة أخرى والنتيجة بتبقى مخطوطة عليها كلام واضح متداخل مع آثار ما تم إزالته.
حاجة كده زي السبورة اللي كل شوية تتمسح علشان يتكتب عليها كلام جديد لكن اللي يركز يلاقي آثار كل حاجة بتتمسح لسه موجودة. الفكرة دي اتبنتها النظريات الأدبية والفنية كمنهج لدراسة النصوص ومحاولة فهمها. فبيقولوا إن عملية التطريس بتظهر في شكل تداخل النصوص الأدبية وتأثرها ببعض، وكأن النص الواحد معمول من طبقات من النصوص القديمة اللي مش باينة صراحةً ولكن تأثيرها واضح في النص الجديد.

فيه تجربة إفتراضية في علم الإحصاء اسمها "القرد والآلة الكاتبة"..
تعالوا نفترض إننا جيبنا قرد وحطيناه قدام آلة كاتبة وقولنا له اتفضل أكتب وهو قعد يخبط بإيده على الحروف بشكل عشوائي لمدة لا نهائية من الزمن، التجربة بتقول إن هيجي يوم ونلاقيه كتب عمل كامل من أعمال شكسبير بمحض الصدفة. بعيدًا عن الجانب الإحصائي من التجربة والاحتمالات الرياضية المثيرة للجدل حواليها، عندنا في الأدب وعلم اللغة التجربة بتثير إشكالية تانية خالص مرتبطة بطبيعة العمل الأدبي بشكل خاص والعمل الفني بشكل عام، والوجود الإنساني ككل لو هنتكلم من منظور فلسفي..

النهاردة هنتكلم عن مغامرة من مغامرات البطل أوديسيوس Odysseus أثناء رحلة عودته لمملكته بعد اشتراكه في حرب طروادة ولقائه الشهير مع العملاق بوليفيموس Polyphemus.. معظم الكتاب اللي اتكلموا عن حرب طروادة قالوا إن حصار الإغريق لطروادة لحد دخولهم المدينة نفسها استغرق بتاع تسع أو عشر سنين، فطبيعي إن بعد انتهاء الحرب كل الجنود كانوا عايزين يرجعوا بيوتهم ومنهم طبعًا البطل أوديسيوس ملك إيثاكا..

"King Midas" (1620-70), Andrea Vaccaro بحب اللوحة دي جدًا علشان ألوانها والزاوية اللي مرسوم منها الملك ميداس (الراجل كان بيلمس كل حاجة تتحول لدهب) فبتوحي بالحزن والعظمة في نفس الوقت.. كفاية اللون القرمزي\الدموي بتاع وشاح الملك وزمه على شكل وردة (فاكرين لما اتكلمنا عن طبيعة الرغبة البشرية في الأسطورة؟)..

موضوع النهاردة مستوحى من نقاش محتدم دار بيني وبين زميلة هرجع له تاني كمان شوية..

هنتكلم عن تجربة فكرية فلسفية شهيرة معروفة باسم "البقرة في الحقل" The Cow in the Field ألفها الفيلسوف الأمريكي إدموند جيتير Edmund Gettier علشان يبين العلاقة المتداخلة بين المعرفة واليقين. جيتير بيقول لنا تخيلوا إن فيه فلاح عنده بقرة وحيدة هي كل رأس ماله فبيخاف عليها جدًا وكل شوية بيبقى عايز يتطمن هي لسه موجودة في الحقل ولا لأ. المهم في يوم ماشفش البقرة في الحقل بتاعه فبقى هيتجنن وقعد يلف حوالين نفسه لحد ما قابل البوسطجي في طريقه فسأله إذا كان شاف البقرة بتاعته،

النهاردة هنتكلم عن سفينة ثيسيوس The Ship of Theseus..

سفينة ثيسيوس مش أسطورة ولكن هي تجربة فلسفية فكرية قديمة جدًا مبنية على أسطورة ثيسيوس الإغريقية وتناولها الفلاسفة على مر العصور بأشكال مختلفة. ثيسيوس لو تفتكروا هو ابن إيجيوس Aegeus اللي اتكلمنا عنه قبل كده اللي راح قتل المينوتور ورجع ونسي يغير أشرعة سفينته فإيجيوس افتكره مات وانتحر، فاكرين؟لو مش فاكرين مش مشكلة لأن ده مش موضوعنا أصلاً. المهم إن ثيسيوس من أشهر أبطال الأساطير الإغريقية ويُقال إنه من أهم مؤسسي مدينة أثينا

النهاردة هنتكلم عن أسطورة شهيرة جدًا وهي أسطورة الملك ميداس.
في يوم من الأيام دايونيسوس Dionysus إله الخمر والسكر والعربدة (والمعروف أيضًا باسم باخوس Bacchus) كان عامل قعدة أنس مع أصحابه وأتباعه بيسكروا ويعربدوا فيها براحتهم.. لدرجة إن واحد من أتباعه اسمه سيلينوس Silenus تقل في الشرب حبتين وفضل هايم على وجهه كده لحد ما أنتهى بيه الحال في حديقة واسعة وأتقلب ونام. المهم الحديقة دي طلعت حديقة الملك ميداس Midas ملك فيرجيا اللي لما عرف بوجود تابع من أتباع دايونيسوس في القصر..

النهاردة هنتكلم عن ثاناتوس.. أو الموت.
ثاناتوس Thanatos في الأساطير الإغريقية هو إله الموت، وده مختلف عن هيدز (أو هاديس) Hades إله العالم السفلي، بمعنى آخر ثاناتوس كان بيقبض الروح وينزلها لهيدز في عالم الموتى. ثاناتوس قليل الظهور في الأساطير الإغريقية وده يوضح إنه كان إله غلبان مش بتاع مشاكل، يعني جات سيرته في الإلياذة عند موت ساربيدون Sarpedonاللي هنتكلم عنه دلوقتي، وأتذكر مرة كمان في أسطورة ألكيستيس Alcestis(هنحكيها مرة تانية)،

عدنا وهنتكلم النهاردة عن كاسندرا...

كاسندرا Cassandra هي ابنة بريام Priam ملك طروادة وأخت باريس Paris اللي كان السبب في حرب طروادة. وككل الفتيات في الأساطير الإغريقية، كاسندرا كانت جميلة جمال ملوش مثال لدرجة إن الإله أبولو وقع في حبها. أبولو Apollo من الآلهة المهمة أصحاب التأثير الكبير على البشر وغيرهم من الآلهة، ده غير إن واحدة من اختصاصاته (اختصاصاته دي محسساني إنه كان مدير أول الهيئة العامة للكهرباء بجنوب القاهرة) هي النبوءة، بما في ذلك القدرة على التنبؤ ووهب المقدرة دي للبشر أو إفادتهم بيها..

النهاردة هنتكلم عن بيرسيفون وهاديس، وقصة الاختطاف/الاغتصاب الشهيرة.

نبدأ من الأول.. زيوس Zeus كان مخلف من أخته ديميتر Demeter إلهة الزراعة والخصوبة بنت اسمها بيرسيفون Persephone. بيرسيفون - كالعادة - كانت جميلة جدًا لدرجة إنها كانت بتخطف قلب أي حد يشوفها بجمالها وبراءتها. مين بقى اللى شافها واتهبل عليها؟ بالظبط.. هباب البرك هاديس Hades إله الموتى والعالم السفلي واللي كان برضه عمها وخالها في نفس ذات الوقت لإنه أخو زيوس وديميتر. هاديس راح لزيوس قاله أنا عيني من بيرسيفون وعايزها.

النهاردة هنتكلم عن إيجيوس Aegeus ولازم نفضل نتكلم علشان مانتجننش..
وأسطورة إيجيوس من الأساطير اللي قريتها زمان جدًا وعدت عليا مرور الكرام لأسباب هنعرفها حالاً لكن لما رجعتلها تاني ابتديت أشوفها بشكل مختلف. إيجيوس كان ملك مدينة أثينا في وقت ما وكان شايل طاجن سِتُّه لإنه مابيخلفش بالرغم من إنه أتجوز مرتين، فده معناه إنه مش هيبقى عنده ابن يشيل اسمه ويمسك الحكم من بعده خصوصًا إن أثينا كانت من أكتر المدن الإغريقية المتنازع عليها.