یہ خاموشی تیری اے دلربا کچھ اور کہتی ہے
نگاہ کچھ اور کہتی ہے ، ادا کچھ اور کہتی ہے

برا کیوں کر کہیں اس کو جسے ہم کہہ چکے اچھا
مگر سن تو تمہیں خلق خدا کچھ اور کہتی ہے

سنوں کس کس کی میں یارب یقیں کس کس کا ہو مجھ کو کہ قاصد کا بیاں کچھ ہے ، صبا کچھ اور کہتی ہے

#قومی_زبان وہ پہنچی آسماں پر ، وہ گٸ عرش معلی پر
الہی خیر اب آہ رسا کچھ اور کہتی ہے

شکایت جان کر سنتے نہیں تم کیوں دم آخر
تمہارے حق میں یہ میری دعا کچھ اور کہتی ہے

طبعیت ہو گٸ بے چین ، لا ساغر پلا ساقی
کہاں کی توبہ ، ساون کی گھٹا کچھ اور کہتی ہے

#قومی_زبان

میری جانب بھی ہو اک نگاہ کرم اے شفیع الوریٰ خاتم الانبیاء
آپ نور ازل آپ شمع حرم آپ شمس الضحیٰ خاتم الانبیاء

آپ ہیں حق نگر، آپ ہیں حق رساں، سدرۃ المنتہیٰ آپ کے زیر پا
آپ ہیں مظہر ذات رب العلیٰ، رہبر حق نما خاتم الانبیاء

#اردو
@urdu_bazm اے فصیح البیاں، اے بلیغ اللساں، اے وحید الزماں، ماورائے گماں
آپ کا نور ہے از کراں تا کراں، شاہد کبریا خاتم الانبیاء

مرسل مرسلاں، سرور عرشیاں، ہادی انس و جاں مقبل مقبلاں
آپ کی ذات ہے باعث کن فکاں، راز ارض و سما خاتم الانبیاء

#اردو
@urdu_bazm