ஒரு மாதம் ஒரு இலட்சம் உறுப்பினர்கள் !
தாய்த்தமிழ் உறவுகளுக்கு அன்பு வணக்கம்!
பன்னெடுங்காலமாக அடிமைப்பட்டுக் கிடக்கும் தமிழ்ப்பேரினத்தை மீட்டெடுப்பதற்காகவும், தமிழ் இனத்தையும், நிலத்தையும், மொழியையும் போற்றிப் பாதுகாப்பதற்காகவும், இழந்துவிட்ட தமிழரின் பழம்பெருமைகளையும் -1/15
பண்பாட்டுச் செழுமைகளையும் மீள்பெறச் செய்வதற்காகவும், தமிழினத்தலைவரை நெஞ்சிலும், தலைவர் தந்த புலிக்கொடியை கைகளிலும் ஏந்தி தமிழகத்தின் மூலைமுடுக்கெல்லாம் தமிழ்த்தேசிய அரசியலை விதைத்துவரும் பெரும்பணியை அண்ணன் செந்தமிழன் சீமான் அவர்களின் தலைமையில் கடந்த பதினொரு ஆண்டுகளாக - 2/15
செய்துவருகிறது நாம் தமிழர் கட்சி.
தமிழரை அடையாளமற்று திசைமாற்றும் போலிப் புனைவுகளான ஆரியம் திராவிடம் இரண்டிற்கும் மாற்றாக தமிழ்த்தேசிய அரசியலை வெகுசன அரசியல் பேரியக்கமாக மாற்றி அதன் மூலம் தமிழ்மக்களின் உரிமைகளைப் போராடிப் பெறுவதில் எப்போதும் முன்னிற்கிறது நாம் தமிழர் கட்சி - 3/15
மண்ணிற்கும், மக்களுக்கும் எதிராக மத்திய, மாநில ஆட்சியாளர்களாலும், அதிகார வர்க்கத்தாலும் திணிக்கப்படும் யாதொரு தீங்கையும் தடுத்துக் காக்கும் காப்பரணாக விளங்குகிறது நாம் தமிழர் கட்சி என்றால் அது மிகையல்ல.
அதனை நிறுவுகின்ற வகையிலேயே நடந்து முடிந்த தமிழகச் சட்டமன்ற - 4/15
பொதுத்தேர்தலில் 30 இலட்சம் மக்களின் நம்பிக்கையைப் பெற்று தமிழகத்தின் மூன்றாவது பெரிய கட்சியாக உருவெடுத்துள்ளது.
பணபலமும், படைபலமும் முறைகேடாகப் பயன்படுத்தப்பட்டு மக்களிடம் வாக்குகளைப் பறிக்கும் சமகாலத் தேர்தல் அரசியல் வரலாற்றில், அவையனைத்தையும் தவிடுபொடியாக்கி - 5/15
உண்மையும், நேர்மையுமாக மக்கள் பணியாற்றும் எளிய பிள்ளைகளான நம்மை, மக்கள் ஆதரிக்கத் தொடங்கிவிட்டதையே நடந்து முடிந்த தேர்தல் முடிவுகள் காட்டுகின்றன. அப்படி அரசியல் விழிப்புணர்வு பெற்ற மக்கள் அதிகாரத்தை நம் கையில் அளிக்கும் நாள் வெகுதொலைவில் இல்லை. அதை இலக்காக வைத்து - 6/15
மக்களை நோக்கி முன்நகர வேண்டியது ஒவ்வொரு நாம் தமிழர் பிள்ளையின் பெருங்கடைமையாகும்.
நாம் இன்னும் சென்றுசேராத கிராமங்களில், கட்சிக்கு அப்பாற்பட்டு நம்மை ஆதரித்து வாக்களித்த பல இலட்சக்கணக்கான மக்களை அரசியல்படுத்தி அமைப்பிற்குள் கொண்டுவந்து கட்சியை வலுப்படுத்த வேண்டியது நம் - 7/15
ஒவ்வொருவரின் மிகமுக்கிய பொறுப்பாகும். இருப்பினும் தேர்தலுக்குப் பிறகு, கொரோனோ பெருந்தொற்று பரவலின் இரண்டாவது அலை வேகமாகப் பரவி வருவதால் களத்தில் இறங்கிச் செயல்படமுடியாத நெருக்கடியானநிலை நிலவுகிறது. ஆகவே களப்பணிகளில் ஏற்பட்டுள்ள தொய்வினை போக்கவும், நம் உறவுகளை - 8/15
ஊக்கப்படுத்தவும், கட்சியினை அடுத்த இலக்கை நோக்கி முன்நகர்வதற்கான முதற்படியாகவும் தகவல்தொழில்நுட்ப பாசறை சார்பாக "ஒரு மாதத்தில் ஒரு இலட்சம் உறுப்பினர்கள்" என்ற புதிய நிகழ்வை முன்னெடுக்கிறது. இவ்வுறுப்பினர் சேர்க்கையானது முழுக்க முழுக்க இணையவழி மூலமாகவே நடைபெறக் கூடியது - 9/15
ஒரு இலட்சம் உறுப்பினர்களைச் சேர்ப்பதை இலக்காகக்கொண்டு செயல்படும் இம்முயற்சியில் ஒவ்வொரு தொகுதியும் தத்தம் பங்களிப்பாகக் குறைந்தபட்சம் 500 புதிய உறுப்பினர்களை ஒரு மாதத்திற்குள் சேர்த்திருக்க வேண்டும். இதை ஒரு சவாலாகவே எடுத்துக்கொண்டு ஒவ்வொரு சட்டமன்றத் தொகுதியும் - 10/15
சாதித்துக் காட்ட வேண்டும்.
நீங்கள் சேர்க்கும் ஒவ்வொரு உறுப்பினரும் உங்கள் தொகுதியின் கட்டமைப்புப் பலத்தை வெளிக்காட்டுவதாக அமையும் என்பதை நினைவில்கொண்டு உறுப்பினர்கள் சேர்க்கும் நிகழ்வை அனைவரையும் ஒருங்கிணைத்து ஆர்வமுடன் தீவிரமாகச் செய்திடல் வேண்டும். பெருந்தொற்று - 11/15
புறச்சூழல் களப்பணியாற்ற நமக்குச் சாதகமாக இல்லாத இச்சூழ்நிலையில் எந்தவொரு நெருக்கடியான நிலையிலும் நம்மால் இயங்க முடியும், சாதிக்க முடியும் என்பதை நாம் நிருபித்துகாட்ட வேண்டும். இதன்மூலம் கட்சிப்பணியில் ஏற்பட்டுள்ள தொய்வினை போக்கி நமக்குநாமே புத்துணர்ச்சி கொள்ள முடியும் - 12/15
உறுப்பினர் சேர்க்கை பணிகளை ஊக்கவிக்கும் வகையில் join.naamtamilar.org முகப்பு பக்கத்தில் சில மாற்றங்கள் கொண்டுவரப்பட்டுள்ளது. இதன் மூலம் உறுப்பினர் எண்ணிக்கை மற்றும் உறுப்பினர் எண்ணிக்கையில் தொகுதி தரவரிசை ஆகிய தகவல்களை பார்க்கலாம்.
மேலும் உறுப்பினர் சேர்க்கை - 13/15
சம்பந்தமாக இணையத்தில் பதிவிடும் அனைத்து பதிவுகளிலும் பயன்படுத்த வேண்டிய ஹாஷ்டாக்
#JoinNTKFamily , #நாம்தமிழராய்இணைவோம்
தகவல் தொழில்நுட்ப பாசறை முன்னெடுக்கும் இப்பெரும் முயற்சிக்குக் கட்சியின் மாவட்ட, தொகுதி, ஒன்றியத்தின் அனைத்துநிலை பொறுப்பாளர்கள், அனைத்து பாசறையின் - 14/15
பொறுப்பாளர்கள் மற்றும் கட்சியின் ஒவ்வொரு உறவுகளும் உறுதுணையாக இருந்து நடைபெறவிருக்கிற உறுப்பினர் சேர்க்கை நிகழ்வை மாபெரும் வெற்றி நிகழ்வாக மாற்றத் துணைபுரிய வேண்டுமென்று பேரன்புடன் கேட்டுக்கொள்கிறோம்!
நன்றி,
#தகவல்_தொழில்நுட்பப்_பாசறை,
#நாம்_தமிழர்_கட்சி - 15/15
Share this Scrolly Tale with your friends.
A Scrolly Tale is a new way to read Twitter threads with a more visually immersive experience.
Discover more beautiful Scrolly Tales like this.