من الاشياء الملفتة في شعر محمد طه #القدال: اقتباساتو من شعراء البطانة والبتجي بطريقة أقرب للجمل الاعتراضية والبواصل في بناء النص عليها. مثلاً شوف في قصيدتو الحوارية باذخة الحزن والحكمة (أمونه) وهو بنقل نص من اميرة شعراء البطانة (شغبة المُرغُمابية). شغبة عاشت في القرن ال16 و17.
+
+
و(شغبة) إمرأة اسطورية..ولا تظنن انها شخصية متخيلة!
اتقسمت روحها بين قبائل الكواهلة (بتنتمي لقبيلة الشدايدة بالدم وقبيلة المرغماب بالزواج وبتلاحظ اسمها نُسب ليهم وقيل لشدة حبها لزوجها اتربطت بيهم اكتر)وقبيلة البطاحين(اختها علابة اتزوجت منهم وولدت واحد من أشد فرسانهم، الشيخ برير)+
اتقسمت روحها بين قبائل الكواهلة (بتنتمي لقبيلة الشدايدة بالدم وقبيلة المرغماب بالزواج وبتلاحظ اسمها نُسب ليهم وقيل لشدة حبها لزوجها اتربطت بيهم اكتر)وقبيلة البطاحين(اختها علابة اتزوجت منهم وولدت واحد من أشد فرسانهم، الشيخ برير)+
والشيخ برير قاد الحرب القُتِل فيها زوجها..ولاحقاً ظفرت بيهو وقتلتو بقطع اطرافو (يد وأرجل) وضربت بيهم على النقارة وهو حي لسا ما مات.
شغبة لعبت دور كبير... صنعت وقادت حروب وماتت منفية من أرضها بأمر من ملك الفونج لرفضها تسليم ابنها الهمبت جِمال منو وجيّشت القبائل للمقاومة
+
شغبة لعبت دور كبير... صنعت وقادت حروب وماتت منفية من أرضها بأمر من ملك الفونج لرفضها تسليم ابنها الهمبت جِمال منو وجيّشت القبائل للمقاومة
+
شايفك بتسأل: دا علاقتو شنو بالقدال؟! الصبر..
الزعيمة شغبة كان عندها ولد اسمو حسين.. بتاع خلاوي وقرآن وما عندو شغلة بالحرب..والكلام دا ما بعجب مرة زي شغبة طبعاً. فكتب ابيات مشهورة وغالباً سمعتها مغناة:
المعنى: بقى عندك كرش..جلدك ما فيهو اي خدوش من ضرب السيوف والسهام نحتاج نكمدها+
الزعيمة شغبة كان عندها ولد اسمو حسين.. بتاع خلاوي وقرآن وما عندو شغلة بالحرب..والكلام دا ما بعجب مرة زي شغبة طبعاً. فكتب ابيات مشهورة وغالباً سمعتها مغناة:
المعنى: بقى عندك كرش..جلدك ما فيهو اي خدوش من ضرب السيوف والسهام نحتاج نكمدها+
النتيجة كانت حسين مشى الحرب بأبيات اولها "محيناك يا لُوحْ وكسّرْناك يا دَوَايَة"..لحدي ما حصلت قصة النهب لجمال المك عجيب..المانجلك للفونج .وفي قصة طويلة انو أحب بنت الملك.. المهم والملك عايز يكتلو شرد.. والقصة طويلة+
#القدال مستبطن الشحنة دي كلها فرغها في النص باقتباسو بيتنين وبتعديل طفيف..شوف السياق:
"كنتي ﻓﻰ ﻟﻴﻞ ﺍﻟﺨﻮﺍبي
ﺗﻬﺎتي ﺑﻴﻨﺎﺕ ﺍﻟﻄﻮﺍبي
ﺗﺤﺎكي ﺟﻘﻠﻴﺐ ﺍلسعي"
يعني ماشه وجايه (قلقانة) في الطوابي (الفي أم در) زي جقليب السعي.. شوف براعة القدال في استدعاء هاجر
+
"كنتي ﻓﻰ ﻟﻴﻞ ﺍﻟﺨﻮﺍبي
ﺗﻬﺎتي ﺑﻴﻨﺎﺕ ﺍﻟﻄﻮﺍبي
ﺗﺤﺎكي ﺟﻘﻠﻴﺐ ﺍلسعي"
يعني ماشه وجايه (قلقانة) في الطوابي (الفي أم در) زي جقليب السعي.. شوف براعة القدال في استدعاء هاجر
+
هي منتظرة اخبار معركة كرري..والانصار طلعوا يواجهو الانجليزي الغازي..اقرأ النص الفي الصورة..القدال عمل محاكمة تاريخية للمرحلة...النص دا كأنو حوار على لسان أمونة مع الخليفة التعايشي..ورد التعايشي بجي في كلمات لاحقة. لاحظ ابيات شغبة استخدمها القدال كيف في اللوم..واللحن اتغير عندها
+
+
شوف ضيق الحال: العيش اختفى لأنو المزارعين شحنوهم يحاربو في سياسة مقصودة.. و "ناس نجومي" هلكو .. والجوع بزيد نبض القلب.. زيو زي الخوف!
والمحاور التعايشي بنفي إنو ركن للدعة والسلامة وبستدعي الحماسة و(أني)..بمعنى أنا في كردفان.
+
والمحاور التعايشي بنفي إنو ركن للدعة والسلامة وبستدعي الحماسة و(أني)..بمعنى أنا في كردفان.
+
والقدال بواصل على لسان أمونه ودا ذاتو استلاف:
"ﺟﻬﺪﻳﺔ.. ﺍﻻﻭﺭﻃﻴﺔ
ﺟﻬﺪﻳﺔ.. ﺍﻟﺤﻠﺒﻮﻧﺎ
ﺷﺪﻭ ﺟﻤﺎﻟﻢ.. ﺟﻮﻧﺎ
ﺟﻠﺒﻨﺎ ﻟﻴﻬﻢ ﺳﻤﺴﻢ
السمسم ما كفاهم
ﺟﻠﺒﻨﺎﻟﻬﻢ ﺳﻌﻴﺔ"
يعني الجيش قلع كل العند الأهل وما كفاهم..ما أشبه الليلة بالبارحة!
"ﺟﻬﺪﻳﺔ.. ﺍﻻﻭﺭﻃﻴﺔ
ﺟﻬﺪﻳﺔ.. ﺍﻟﺤﻠﺒﻮﻧﺎ
ﺷﺪﻭ ﺟﻤﺎﻟﻢ.. ﺟﻮﻧﺎ
ﺟﻠﺒﻨﺎ ﻟﻴﻬﻢ ﺳﻤﺴﻢ
السمسم ما كفاهم
ﺟﻠﺒﻨﺎﻟﻬﻢ ﺳﻌﻴﺔ"
يعني الجيش قلع كل العند الأهل وما كفاهم..ما أشبه الليلة بالبارحة!
شوف الشاعرة (شغبة) قدرت تحرك ولدها وتغير مصيرو ومصير القبيلة كيف بأبيات حماسة.. لأنو الشخصية السودانية في تكوينها قيم الجسدانية والعنف مقدمة عندها على قيم الموضوعية والعقلانية والمنطق. دي البنية التحتية العاملة في الخلفية وبتحكم تصرفات معظمنا.. المدنية بتزحف ببطء بقيمها.
+
+
وفي مسدارو المجنون (ابو السرة لليانكي) #القدال نقل من مسدار الصيد لي محمد أحمد عوض الكريم أبو سن الملقّب بالحاردلو( 1830-1916 م).. والحردلو من جودة شعرو.. بقى النوع دا من الشعر معروف بي اسمو في انحاء من السودان.
+
+
الحاردلو بحكي عن ليلة شمسها غرُبت..والبرق ضرب والجو برِد.. فدا غالباً مطر شتاء..والصقر اصطاد ليهو طيرة..والظبية طلعت من مخبئها..والمربوع فيهو كناية عن تابو من التابوهات الما بتتقال.
والمسدار بحكي عن ابو السرة ..وهو شخص حقيقي جاهو لوتري ومشى امريكا.. والمسدار ادانة لتوحش دولة اليانكي الاقتصادي..وسكوتها عن مذابح الصهاينة..شوف السحاب الشايل..
+
+
#القدال استدعى مربوع الحاردلو في المسدار لكنو خفف من قدر التورية شوية والمعنى أسهل في الفهم.
وعندو اقتباسات كتيرة من الموروث الشعبي من ألعاب وأهزوجات.. عبقري في توظيف النصوص القدال.
وعندو اقتباسات كتيرة من الموروث الشعبي من ألعاب وأهزوجات.. عبقري في توظيف النصوص القدال.
