Thread by @iSnehal_

❛ સાડલાની કોર પરથી એક સેફટીપીન કાઢી આપી,

"માં" મને ક્હેતી કે જો સ્લિપર તૂટેને તો લગાડી દેજે.❜

#DearZindagi

❛રૂઝાઈ જાય છે એક સ્પર્શમાં ધાવ જે ધરખમ હોય છે,

ખુદા જાણે માના ટેરવાંમાં કયો અસરદાર મલમ હોય છે.❜

#DearZindagi

આપની સામે ભલે સોદો મફતમાં થઈ ગયો,
આમ જો પૂછો બહુ મોઘાં અમારાં દામ છે.

જિંદગીના રસને પીવામાં જલ્દી કરો ‘મરીઝ’,
એક તો ઓછી મદિરા છે, ને ગળતું જામ છે.

– ‘મરીઝ’

#DearZindagi

❛ હદ થી વધારે મહેનત એટલે કરું છું સાહેબ,

ક્યાંક વળી આ બૂઠું નસીબ પાછું ધારદાર થઈ જાય ❜

#DearZindagi

આજ ઘર બધાના માથે ચઢ્યું,
કેમકે શાકમાં મીઠું વધારે પડયું

કોકનુ કંઈક મોં બગડ્યું,
તો કોકે વળી અન્ન છાંડ્યુ..

કોક તો રીતસરનું લડી જ પડયું
કેમકે શાકમાં મીઠું વધારે પડયું..

સ્હેજ ખારાશ વધી,
એમાં તો મને ય જાણે ખટાયુ..
પણ ના જાણ્યું કોઇએ,
કે કેમ કરીને આવુ બન્યું (1/2)

#DearZindagi

બહુ સાચવ્યુ
તોયે સાચવી ન શકી,
ને એક આંસુ
સીધુ શાકમાં પડયું..

લાગણીની વાતના કરશો
સાહેબ..
અહીં તો બસ,
શાકમાં મીઠું વધારે પડયું..

લાગણી સમજાય
તો મનને પૂછજો,
"ક્યાંક અન્નપૂર્ણાનું મન દુભાયું?"

કયારેક એમ બને
તોય પ્રેમથી જમી
અંતરમાં ખંખોળજો કે,
કેમ શાકમાં મીઠું વધારે પડયું (2/2)

❛દાંત વગરના દાદાએ, કેડેથી ઝૂકેલા બાને, ધ્રુજતા હાથે ચોકઠુ ધર્યું,

સવારના આછા તડકાએ, આ રીતે, ઓગળતી ઝાકળને પ્રપોઝ કર્યું.❜

#DearZindagi
#2Point0Trailer
#AyodhyaDelay

ટૂંકી વાત:

રેતીને ક્યા ખબર છે,
કે તે સરી જતા સમયની
બ્રાંડ એમ્બેસેડર છે......!

#DearZindagi

❛હવે ફર્ક નથી પડતો બહુ દુઃખ કે સુખ માં,

મેં હવે નસીબ સામે નમતું જોખી દીધું છે.❜

#DearZindagi

આ જિંદગી છે
કોઈ ના ઘરે આજે નવી કાર આવી ને
કોઈ ના ઘરે "માં" ની દવા ઉધાર આવી 🙏

#DearZindagi

સાલી જિંદગી પણ કેવી છે?જેવું જીવવું હોય તેવું જીવવા દેતી જ નથી,જે માંગીએ તે સિવાય નું બધું જ આપે છે બસ જે માંગીએ તે જ ન આપે,સૂકા તપતા રણ જેવા રસ્તા બસ ચાલ્યે જ જવાનું...😥😭

#DearZindagi

➻ નેતાજી નિવાસની સામેની ફુટપાથ પર વર્ષોથી બેસતા ખીમજી મોચીને પોલીસે દૂર કર્યો.કારણ જાણવા મળ્યું, ‘સિક્યોરીટી રિઝન.’
શહેર સ્વછતા અભિયાન હેઠળ બીજે ક્યાંય જગ્યા ન મળી. અંતે ભરણપોષણ ન કરી શકવાથી ખીમજીએ પરિવાર સહિત આત્મહત્યા કરી અને ચિઠ્ઠીમાં લખ્યું “સિક્યોરીટી રીઝન.”

#DearZindagi

આજે 15 વર્ષે અમે બંને એકબીજાની સામે આવ્યા.કંઈ કેટલીય યાદો ફરીથી સજીવન થઈ ગઈ.હજી કશું બોલવા જાવ ત્યાં તો બંને તરફની ટ્રેનોએ પ્લેટફોર્મ છોડવાનું શરૂ કરી દીધું. 😥😭

#DearZindagi
#HeyDear

૮૬ વર્ષે બા ગયા. દાદાને દિકરાઓએ કહ્યું, ‘આટલા તાપમાં તમને સ્મશાન સુધી નહી ફાવે. ઘરમાં જ રહો.’ દાદાજી રૂમમાં ગયા. લાલ ચટક સાડીને છાતી સરસી ચાંપીને કોઇને સંભળાય નહી તેમ મન મૂકી ને રડ્યા..😢😭

#DearZindagi

મારી દરેક વાત થાય છે ખારીજ,
એ જિંદગી કેટલી નારાજ છે મારાથી !? 😢

#DearZindagi

લેવી હોય તો લઈ લો તમે અહીં હર કોઈની તલાશી,

હર કોઈ પાસે મળી આવશે એકાદ મનગમતી ઉદાસી !

#DearZindagi