Thread by @sundarrajachola

#சுதாரகுநாதன் #இந்துமதம்

நீங்கள் யாரிடமாவது இன்று விரதம்,சைவம்தான் சாப்பிடுவேன் என்று சொல்லிப்பாருங்கள் ஒரு பத்தில் ஆறு பேர் பதில் சொல்வார்கள் "ஏங்க! பாப்பானே திங்கறான் நீங்க என்னங்க?" என்று.(1)

தமிழ் சமூகத்தில் பல விஷயங்கள் பிராமணர்களோடு ஒப்பிட்டு பேசியே ஒரு மதிப்பீடு உருவாகியிருப்பதையும் அதன் வேர் மிக பழைமையானது என்றும் புரியும்.தான் கற்றறிந்த வேதத்தை மறந்தாலும் மறக்கலாம் ஆனால் அவன் ஒழுக்கத்தை கைவிடக்கூடாது என்று வள்ளுவரே அந்த பிம்பத்திற்கு ஒரு செம்மை தருகிறார்.(2)

உலகமே இரண்டு பீடத்தை பூஜிக்கிறது ஒன்று வீரவழிபாடு,இன்னொன்று ஞானவழிபாடு.வீரத்திற்கும்,
ஞானத்திற்குமான இடம் பாரத பண்பாட்டில் மிகுதியாக பேசப்பட்டிருக்கிறது.அந்த அளவுகோலில் பிராமணத்துவம் என்பது நம் அறிவு,ஒழுக்கம்,கருணை என்பதற்கான ஒரு குறியீடு.(3)

இந்த சிந்தனை சங்க காலத்திலிருந்தே தமிழ் நிலத்தில் பரவியிருந்தது என்பதையே பசு,பார்ப்பனர்,பெண்டீரை போர் காலத்தில் பாதுகாக்கும் மரபுகள் நம்மில் எழுந்திருக்கிறது.

ஆனால் இதெல்லாம் எப்போது என்றால் பிராமணன் தன் பிறப்பொழுக்கம் கெடாத வண்ணம் இருக்கும் போதுதான்.(4)

மற்றபடி பாரதி சொன்னபடி,"பார்ப்பன குலம் கெட்டழிவெய்திய பாழ்ப்பட்ட கலியுகம்" என்று அது தன் சீர்குலைந்த தன்மையை இந்த உலகிற்கு தரும் போது அதற்கு எந்த மரியாதையையும் பிரேத்யேகமாக இந்த சமூகம் தர வேண்டிய அவசியமில்லை சக மனித மேன்மையை தவிர்த்து.(5)

சோ சொன்னார்,"எல்லோரும் எதையோ விக்கறோம் பிறகேது பிராமண வர்ணம் எல்லோருமே வைசியர்தானே" என .அது உண்மைதானே.இன்று பிராமணனாக தேங்கியிருக்கிற ஜாதி அமைப்பு இருக்கிறதே ஒழிய அது மிகப்பெரிய மதிப்பீடுகளை உருவாக்குகிற வர்ணமாக இல்லை.மிக சிலராலே அந்த விதிமுறைகள் மாறாமல் இருக்க முடிகிறது.(6)

இன்றைய அளவில் எல்லா ஜாதிகளை போலவும் நல்லவர்களாலும்,தீயவர்களாலும் நிரம்பி வழிகிற மனித திரளில்தான் பிராமணர்களும் வாழ்கிறார்கள்.அவற்றில் இருக்கும் நல்லதை பாராட்டி,தீயதை வீசி பொதுமையை நோக்கி நமக்கான பெருந்தீமையை வரவிடாமல் தடுக்கும் வழியை பார்ப்போம்.நிற்க.(7)

சுதா ரகுநாதனின் மகள் கிருஸ்த்துவரை திருமணம் செய்யப் போகிறார் எனவே இந்து மதம் சீரழிகிறது என்று வெளுத்து தீர்க்கிறார்கள்.இது நான் சொன்ன மதிப்பீடின் வழியிலும் பார்த்து வருந்துபவர்கள் உள்ளார்கள்.பிராமண வெறுப்பில் அதை திட்டி தீர்த்து களிப்புறுபவர்களும் உள்ளார்கள்.(8)

வரலாற்று பூர்வமாக மிஷனரிகளின் முதல் குறி இங்கே பிராமணர்கள்தான்.கிளாரிந்தா என்ற பிராமண பெண் மிகப்பெரிய செல்வத்தோடு கிருஸ்த்துவ மதமாற்றம் செய்யப்பட்டார் அன்றே.இன்று வரை அந்த குருத்துவ மரபை சிதைப்பதற்கு பல்வேறுபட்ட சதிகள் நீள்கின்றன.(9)

திருவிடைமருதூர் ராமலிங்கம் படுகொலைக்கு முன்னால் எடுக்கப்பட்ட வீடியோவில் மதமாற்றம் செய்ய வந்த இஸ்லாமியர் ராமலிங்கத்தின் கேள்விகளுக்கு பதில் சொல்ல முடியாதபோது, 'வாருங்கள் எல்லோரும் ஐயர் வீட்டில் போய் சாப்பிடுவோம்'என்பார்.இதன் நோக்கம் என்ன அவர்கள் எதை காட்டி எதை வீழ்த்துகிறார்கள்(10

இந்து மதம் என்பதே பிராமண மதமாக சுருக்கி அதில் பிராமணர்களை சிதைப்பதன் மூலம் மதமாற்றத்தை எளிமையாக நிகழ்த்தலாம் என்பதுதான் திட்டமே.அதற்கு பெரியாரியம் பயன்படுகிறது.அதே புள்ளியில் அவர்கள் வைத்திருக்கும் பொறியில் நாமும் சிக்கி நசிபடும் அரசியலை செய்யக்கூடாது என்பதே என் பார்வை.(11)

இந்து மதத்திற்கு பிராமணர்கள் மட்டுமே ஏகபோக உரிமை பெற்றவர்கள் அல்ல என்பதை மற்றவர்கள் உணர வேண்டும்.இன்று பிராமணரும் மற்ற ஜாதி போலத்தான் எல்லா சமூக அழுத்தத்திற்கும்,உலக மாற்றத்திற்கும் நிலைமாறி வருகிற ஒரு சமூகம்.(12)

இதில் சுதா ரகுநாதன் தன் மகளின் காதல் திருமணத்தை செய்து வைப்பதை தவறு என்று சொல்ல எந்த உரிமையும்,விமர்சிக்கும் அதிகாரமும் நமக்கு இல்லை.அதனோடு மதமாற்றம் நிகழாமல் அவரவவர் போக்கிலேயே திருமணம் நிகழ்கிறது.(13)

நாளை இவரது குடும்பமும் கிரிப்டோவாக மாறினால் என்ன செய்வது? நம் வீட்டிலிருந்து பிடுங்கி நம் மேல் வீசப்பட்ட இன்னொரு கல் என்று நாம் ஆக வேண்டியதை பார்ப்பதே ஒரே வழி.(14)