Thread by @SundarrajanG

2015ஆம் ஆண்டு டிசம்பர் 1 மற்றும் 2 தேதிகளில் சென்னையில் சுமார் 50மி.மீ மழை பெய்தது, கடந்தாண்டு ஆகஸ்ட் 14 முதல் 17ஆம் தேதி வரை கேரளா 570மி.மீ மழை பொழிவை சந்தித்தது, இப்போது மும்பை 24மணிநேரத்தில் 400மி.மீ மழையையும், கடந்த 4 தினங்களில் சுமார் 700மி.மீ மழைப்பொழிவையும் சந்தித்துள்ளது.

காலநிலைமாற்றம் இதைப்போன்ற அதிதீவீர மழைப்பொழிவை கொண்டுவருமென்றும் அதை எதிர்கொள்வதற்கு இந்திய நகரங்கள் தயாராக வேண்டும் என்று பல்வேறு விஞ்ஞானிகள் தெரிவித்துவந்தார்கள். தமிழகம் மற்றும் மகாராஷ்டிரா மாநிலங்களை ஆளும் அரசுகள் இதுகுறித்து கவலைப்பட்டதுபோல் தெரியவில்லை.

இன்னமும் நதிகளுக்கு காம்பௌண்ட் சுவர்கள் கட்டப்படுகின்றன, சதுப்பு நிலங்கள் ஆக்கிரமிக்கப்படுகின்றன, கழிமுகங்களை சரிவர தூர்வாராமல் சாம்பல் கழிவுகள் கொட்டப்படுகின்றன, எதுவும் எங்கேயும் மாறவில்லை.

புவிவெப்பமயமாதலால், வெப்பம் அதிகமாகும்போது தண்ணீர் நீராவியாவது அதிகமாகும், அதனால் காற்றில் ஈரப்பதம் அதிகமாகும், அப்படியென்றால் அதிகமான மழைப்பொழிவு இருக்கும், இதுதான் அறிவியல்.

சில ஆண்டுகளுக்கு முன்னர், வெப்பம் மிகஅதிகமானால் நீராவி ஆவது குறையும் என்று ஒரு கணக்கு இருந்தது,

அதுகுறிப்பிட்ட சில கால அவகாசத்தில் நிகழும் என்று எதிர்பார்க்கப்பட்டது, இப்போது அதுவும் தள்ளிப்போகிறது.

அதிதீவிர மழை, கடுமையான வறட்சி, பஞ்சம், அதிகமான குளிர், தாங்கிக்கொள்ளமுடியாத வெப்பம் அதனால் ஏற்படும் வெப்ப அலைகள், அதிகரிக்கும் சூறாவளிகள், அதிகரிக்கும் நோய்கள்

(vector borne diseases) என காலநிலைமாற்றம் எதுவெல்லாம் கொண்டுவரும் என்று நினைத்தோமோ அதுவெல்லாம் நம் கண்முன்னால் நிகழ்கின்றன.

வேறு எந்தமாதிரியான எச்சரிக்கை சமிக்கைகளை இந்த மானுட சமூகம் எதிர்பார்க்கிறது என்று தெரியவில்லை, பேரழிவுகளை ஏற்படுத்தும் இந்த எச்சரிக்கை ஒலிகளை புரிந்து

நடவடிக்கைகளை மேற்கொள்ளவில்லையெனில் இந்த உலகம் உயிர்கள் வாழ தகுதியற்ற நிலப்பரப்பாக மாறும் நாட்கள் வெகுதூரத்தில் இல்லை.

#தீவிரகாலநிலைநிகழ்வுகளேபுதியஇயல்பு
#climatechange
#extremeclimateevents